Matio 8:15 - Baiboly Katolika

¹⁵ dia notendreny ny tanany, ka niala ny tazo, ary nitsangana nandroso sakafo ho azy ireo izy.

Baiboly Protestanta Malagasy 2011

¹⁵ Nokasihiny ny tanan’ilay marary ka niala taminy ny tazo; dia nitsangana Ravehivavy ka nanompo Azy.

DIEM PROTESTANTA

¹⁵ Nokasihin’i Jesoa ny tanan-dravehivavy; ary nialan’ny tazo ravehivavy dia nitsangana nandroso sakafo ho an’i Jesoa.

Dikateny Iombonana Eto Madagasikara

¹⁵ Nokasihin’i Jesoa ny tanan-dravehivavy; ary nialan’ny tazo ravehivavy dia nitsangana nandroso sakafo ho an’i Jesoa.

Baiboly Protestanta Malagasy

¹⁵ Ary nanendry ny tànany Izy, dia niala taminy ny tazo; dia nitsangana ravehivavy ka nanompo Azy.

Malagasy Bible

¹⁵ Ary nanendry ny tànany Izy, dia niala taminy ny tazo; dia nitsangana ravehivavy ka nanompo Azy.

La Bible en Malgache

¹⁵ Nokasihiny ny tanan’ilay marary ka niala taminy ny tazo; dia nitsangana Ravehivavy ka nanompo Azy.

Matio 8:15 Rohy Ifampitohizana

2Mpanjaka 13:21

Ary nisy nandevina olona kosa, ka indro tazany ny anankiray tamin’ireny jirika ireny, ka natsipiny tao am-pasan’i Elisea ny fatiny. Fa vao nitehika tamin’ny taolan’i Elisea ny fatin-dralehilahy, dia nody taminy ny ainy, ka nijoro tamin’ny tongony.

Isaia 6:7

Nakasiny tamin’ny vavako izany, dia hoy izy: «Jereo, efa voakasik’ity ny molotrao; ka voaesotra ny helokao, ary voaonitra ny fahotanao.»

Matio 14:36

ary nangataka taminy izy ireo mba hanendry ny morontongotr’akanjony fotsiny ihany, dia sitrana avokoa izay rehetra nanendry.

Matio 20:34

Nangoraka azy ireo i Jesoa ka nanendry ny masony. Dia nahiratra niaraka tamin’izay izy, ka nanaraka Azy.

Matio 8:14

Ary nony tonga tao an-tranon’i Piera i Jesoa, dia nahita ny rafozambavin’i Piera nandry fa nararin’ny tazo,

Matio 8:16

Ary nony hariva ny andro, dia maro ny azon’ny demony nentina teo aminy, ka teny indraimbava no nandroahany ny fanahy ratsy, ary nositraniny avokoa izay rehetra narary,

Matio 8:3

Ary i Jesoa naninjitra ny tanany, dia nanendry azy ka nanao hoe: «Mety Aho, madiova ianao.» Dia afaka niaraka tamin’izay ny habokany.

Matio 9:20

Ary indro nisy vehivavy nitsi-dra nandritra ny roa ambin’ny folo taona, nanatona Azy avy eo ivohony, ka nanendry ny morontongotr’akanjony;

Matio 9:29

Dia notendreny ny masony, ka hoy izy: «Aoka ho tanteraka aminareo araka ny finoanareo.»

Marka 1:29

Raha vao nivoaka avy tao amin’ny sinagoga izy ireo, dia nankany an-tranon’i Simôna sy i Andre Izy sy i Jakôba ary i Joany.

Marka 1:41

Nangoraka azy i Jesoa ka naninjitra ny tanany, dia nanendry azy sy nanao taminy hoe: «Mety Aho, madiova ianao.»

Lioka 8:54

Ary i Jesoa nandray ny tanany ka niantso hoe: «Ry zazavavy, mitsangàna.»