Marka 7:4 - Baiboly Katolika

⁴ ary raha avy any an-kianja izy dia tsy mihinan-kanina raha tsy efa nisasa. Maro koa ny fomban-drazana hafa noraisiny hotanana, dia ny fanasana ny kapoaka, ny tavoara, ny fanaka varahiny, ary ny farafara fihinanana.

Baiboly Protestanta Malagasy 2011

⁴ Ary raha avy any an-tsena izy dia tsy misakafo raha tsy misasa aloha. Ary misy fomba maro hafa koa izay noraisiny ka nofikiriny, dia ny manasa kaopy sy siny, mbamin’izay lovia varahina.

DIEM PROTESTANTA

⁴ Ary rehefa avy any an-tsena ry zareo, dia tsy mihinan-kanina raha tsy avy midio tsara araka ny fombam-pivavahana. Maro koa ny fanao hafa nolovany ka nifikirany, toy ny manasa ny zinga fisotroana, ny siny, ny fanaka varahina ary ny farafara fisakafoana.

Dikateny Iombonana Eto Madagasikara

⁴ Ary rehefa avy any an-tsena ry zareo, dia tsy mihinan-kanina raha tsy avy midio tsara araka ny fombam-pivavahana. Maro koa ny fanao hafa nolovany ka nifikirany, toy ny manasa ny zinga fisotroana, ny siny, ny fanaka varahina ary ny farafara fisakafoana.

Baiboly Protestanta Malagasy

⁴ Ary raha avy any an-tsena, dia tsy mihinana izy, raha tsy misasa aloha. Ary misy fomba maro koa izay noraisiny hotanana, dia ny manasa kapoaka sy famarana mbamin’izay fanaka varahina.)

Malagasy Bible

⁴ Ary raha avy any an-tsena, dia tsy mihinana izy, raha tsy misasa aloha. Ary misy fomba maro koa izay noraisiny hotanana, dia ny manasa kapoaka sy famarana mbamin'izay fanaka varahina.)

La Bible en Malgache

⁴ Ary raha avy any an-tsena izy dia tsy misakafo raha tsy misasa aloha. Ary misy fomba maro hafa koa izay noraisiny ka nofikiriny, dia ny manasa kaopy sy siny, mbamin’izay lovia varahina.

Marka 7:4 Rohy Ifampitohizana

Salamo 26:6

Manasa ny tanako amin’ny tsy fananan-tsiny aho, ary manodidina ny ôtelinao aho, ry Iaveh,

Isaia 1:16

Misasà ianareo, midiova ianareo, esory ny haratsian’ny asanareo, hiala eo imasoko; mitsahara tsy hanao ratsy,

Jeremia 35:5

Narosoko teo anoloan’ny zanaky ny fianakavian’ny Rekabita siny feno divay mbamin’ny kapoaka, dia hoy aho taminy: «Misotroa divay ianareo.»

Jeremia 4:14

Ry Jerosalema ô, diovy ho afaka amin’ny ratsy ny fonao, mba hovonjena ianao; mandra-pahoviana no hitoeran’ny hevi-dratsinao ao am-ponao?

Matio 23:25

Mila loza ianareo, ry mpanora-dalàna sy Farisianina mpihatsaravelatsihy, fa ny vohon’ny kapoaka sy ny lovia diovinareo, nefa ny ao anatiny feno halatra sy tsy fahononana.

Matio 23:26

Ry Farisianina jamba, diovy aloha ny atin’ny kapoaka sy ny lovia, mba ho madio koa ny vohony.

Matio 27:24

Nony hitan’i Pilaty, fa tsy nahomby izy fa vao mainka nitombo aza ny tabataba, dia nampaka rano izy ka nanasa tanana teo anatrehan’ny vahoaka ary nanao hoe: «Afa-tsiny amin’ny Ran’io Lehilahy marina io aho; fa raharahanareo.»

Marka 7:8

Ny didin’Andriamanitra afoinareo, fa ny fanaon’ny olona kosa tananareo, toy ny manasa tavoara sy kapoaka, ary manaraka fomba maro toy izany koa ianareo.

Jaona 2:6

Ary nisy siny vato enina teo, fidiovana araka ny fanaon’ny Jody, nahalany rano indroa na intelon’ny famarana avy,

Jaona 3:25

Ary nifanditra tamin’ny Jody anankiray ny amin’ny fanadiovana ny mpianatr’i Joany,

Hebreo 9:10

fa naman’ny hanina, sy fisotro ary fidiovana samihafa fotsiny, dia fitsipika momba ny nofo ihany, ary voadidy ambara-piavin’ny andro fanoloana azy ihany.

Jakoba 4:8

Manatòna an’Andriamanitra, dia hanatona anareo izy. Diovy ny tananareo, ry mpanota; ary ataovy mangarangarana ny fonareo, ry mpiroa saina.

1Jaona 1:7

Fa raha mandeha amin’ny mazava toa Azy ao amin’ny mazava kosa isika, dia mifampikambana isika rehetra, ary ny Ran’i Jesoa Kristy Zanany dia manadio antsika amin’ny ota rehetra.