Malakia 2:14 - Baiboly Katolika

¹⁴ Ary hoy ianareo: Nahoana izany? I Iaveh dia efa vavolombelona manelanelana anao sy ny vadin’ny fahatanoranao izay nofitahinao, nefa Izy no namanao sy vady vita fanekena taminao.

Baiboly Protestanta Malagasy 2011

¹⁴ Nefa hoy ianareo: Nahoana? Satria NY TOMPO no vavolombelona ny aminao sy ny vadin’ny fahatanoranao izay nofitahinao na dia namanao sady vady efa vita fanekena taminao aza izy.

DIEM PROTESTANTA

¹⁴ Dia anontanianareo ny anton’ny tsy anekeny izany intsony. Ny antony dia satria efa nanaiky teo anatrehan’ny TOMPO ianareo fa ho mahatoky amin’ny vadin’ny fahatanoranareo. Vady vita fanekena taminareo izany, nefa dia nilaozanareo.

Dikateny Iombonana Eto Madagasikara

¹⁴ Dia anontanianareo ny anton’ny tsy anekeny izany intsony. Ny antony dia satria efa nanaiky teo anatrehan’ny TOMPO ianareo fa ho mahatoky amin’ny vadin’ny fahatanoranareo. Vady vita fanekena taminareo izany, nefa dia nilaozanareo.

Baiboly Protestanta Malagasy

¹⁴ Nefa hoy hianareo: Nahoana? Satria Jehovah no vavolombelona ny aminao sy ny vadin’ny fahatanoranao izay nofitahinao, na dia namanao sady vady efa vita fanekena taminao aza izy.

Malagasy Bible

¹⁴ Nefa hoy ianareo: Nahoana? Satria Jehovah no vavolombelona ny aminao sy ny vadin'ny fahatanoranao izay nofitahinao, na dia namanao sady vady efa vita fanekena taminao aza izy.

La Bible en Malgache

¹⁴ Nefa hoy ianareo: Nahoana? Satria NY TOMPO no vavolombelona ny aminao sy ny vadin’ny fahatanoranao izay nofitahinao na dia namanao sady vady efa vita fanekena taminao aza izy.

Malakia 2:14 Rohy Ifampitohizana

Genesisy 2:18

Ary hoy i Iaveh Andriamanitra: «Tsy tsara raha irery ny olona; fa hanaovako mpanampy azy mitovy aminy izy.»

Genesisy 31:50

Raha ratsy fitondra ny zanako ianao, na maka vady hafa hirafy amin’ny zanako, tsy misy olombelona hanelanelana antsika; nefa tandremo fa Andriamanitra no ho vavolombelona amiko sy aminao.»

Ohabolana 2:17

izay mandao ny naman’ny fahatanorany, sy manadino ny fanekeny amin’ny Andriamaniny;

Ohabolana 30:20

Toy izao no lalan’ny vehivavy mpaka vadin’olona: Mihinana izy, dia mamafa ny vavany, ka manao hoe: «Tsy nanao ratsy aho.»

Ohabolana 5:20

Ahoana no ho raiki-pitia vehivavy an’olon-kafa ianao, anaka, ka hanohona izay tratran’olon-tsy fantatra?

Mpitoriteny 9:9

Miadàna amin’izao fiainanao izao miaraka amin’ny vady tianao, mandritra ny andro tsinontsinona rehetra iainanao izay nomen’Andriamanitra anao atỳ ambany masoandro, dia mandritra ny andro foana rehetra izay anao, fa izany no anjaranao amin’ity fiainana ity, sy amin’ny asa ataonao atỳ ambany masoandro.

Tononkiran’i Solomona 1:15

Eny, tsara tarehy ianao, ry malalako; eny tsara tarehy ianao! Masom-boromahailala, ny masonao.

Isaia 54:6

Hoatra ny vady nafoy sy tra-pahoriana, no ampodian’i Iaveh anao, hoatra ny vadin’ny fahatanoranao efa nisaorana; hoy ny Andriamanitrao.

Isaia 58:3

«Soa inona ho anay ny mifady hanina raha tsy hitanao izany, sy ny manetry ny fanahinay, raha tsy jerenao izany?» Amin’ny andro ifadianareo, mbola ny raharahanareo ihany no ataonareo; ary mbola poretinareo hiasa mafy ihany ny mpikaramanareo rehetra.

Jeremia 29:23

Satria namoafady tamin’i Israely izy ireo, nijangajanga tamin’ny vadin’ny namany, sy naminany lainga tamin’ny Anarako, izay tsy nandidiako azy, ary mahalala izany Aho, sy vavolombelona Aho, - teny marin’i Iaveh. -

Jeremia 42:5

Dia hoy izy ireo tamin’i Jeremia: «Aoka i Iaveh ho vavolombelona marina sy mahatoky miampanga anay, raha tsy manatanteraka ny zavatra rehetra araka ny tenin’i Iaveh Andriamanitrao izay hampitondrainy anao ho anay izahay. Hanaiky ny feon’i Iaveh Andriamanitray, izay nanirahanay anao izahay,

Jeremia 8:12

Homenàrina izy, fa nanao fahavetavetana, nefa tsy mba mahalala menatra intsony izy, ary tsy mba valahara! koa dia hiara-davo amin’izay lavo izy ireo; ary hiteraka amin’ny andro hamangiako azy izy», hoy i Iaveh.

Jeremia 9:2

Manenjan-dela, toy ny tsipìka, handefasan-dainga; tsy amin’ny marina no mahahery azy amin’ny tany, fa mivarilavo amin’ny fahotana ihany izy ireo, ary Izaho tsy mba fantany, - teny marin’i Iaveh. -

Ezekiela 16:8

Nandalo teo akaikinao Aho ka nahita anao; dia efa tonga ny fotoanao, dia ny fotoam-pitiavana; ka novelariko taminao ny ila lambako, nanaronako ny fitanjahanao ary nianiana taminao Aho, ka nanao fihavanana taminao, - teny marin’ny Tompo Iaveh, - ka dia Ahy ianao.

Mika 1:2

Mihainoa ianareo, ry firenena rehetra! Mandrenesa tsara, ry tany, mbamin’izay rehetra monina eo aminao! Efa hitsangan-ko vavolombelona hiampanga anareo ny Tompo Iaveh, dia ny Tompo avy ao amin’ny lapan’ny fahamasinany!

Malakia 2:15

Moa tsy iray no nataony misy nofo sy aina? Ary io iray io, inona no tadiaviny? - Nitady taranaka araka an’Andriamanitra izy. Ka mitandrema tsara ny fitondran-tenanareo, fa aza misy mamitaka ny vadin’ny fahatanorany.

Malakia 3:5

Hanatona anareo Aho ho amin’ny fitsarana; ary ho vavolombelona faingana hamely ny mpanao ody, ny mpaka vadin’olona, ny mpianian-tsy to, ny mpiharaka ny karaman’ny mpikarama, ny mpampahory ny kamboty sy ny mpitondratena, ny mandroaka ny vahiny ary ny tsy matahotra Ahy, hoy i Iavehn’ny tafika.

Malakia 3:8

Olombelona va no sahy hanambaka an’Andriamanitra, no hanambaka Ahy ianareo? - Ary hoy ianareo: Tamin’ny inona no nanambakanay Anao? - Tamin’ny fahafolon-karena sy ny anjara atokana.

Mpitsara 11:10

Hoy ny loholon’i Galaada tamin’i Jefte: «Aoka i Iaveh no ho vavolombelona amintsika; fa hotanterahinay tokoa izany voalazanao izany.»

1Samoela 12:5

Ary hoy izy taminy: «I Iaveh no vavolombelona anio, fa tsy nahita na inona na inona teo an-tanako ianareo». Hoy ny vahoaka namaly azy: «Vavolombelona Izy».