Lioka 18:24 - Baiboly Katolika

²⁴ Koa hoy i Jesoa nony nahita azy nalahelo; «Akory ity hasarotry ny hidiran’ny mpanan-karena amin’ny fanjakan’Andriamanitra!

Baiboly Protestanta Malagasy 2011

²⁴ Raha nahita azy nalahelo fatratra Jesosy dia niteny hoe: Manao ahoana ny hasarotry ny hidiran’ny mpanankarena amin’ny fanjakan’Andriamanitra!

DIEM PROTESTANTA

²⁴ Ary nahita azy nalahelo toy izany i Jesoa ka nanao hoe: –Sarotra mihitsy amin’ny mpanankarena ny miditra ao amin’ny Fanjakàn’Andriamanitra.

Dikateny Iombonana Eto Madagasikara

²⁴ Ary nahita azy nalahelo toy izany i Jesoa ka nanao hoe: –Sarotra mihitsy amin’ny mpanankarena ny miditra ao amin’ny Fanjakàn’Andriamanitra.

Baiboly Protestanta Malagasy

²⁴ Ary Jesosy, raha nijery azy, dia nanao hoe: Manao ahoana ny hasarotry ny hidiran’ny manan-karena amin’ny fanjakan’Andriamanitra!

Malagasy Bible

²⁴ Ary Jesosy, raha nijery azy, dia nanao hoe: Manao ahoana ny hasarotry ny hidiran'ny manan-karena amin'ny fanjakan'Andriamanitra!

La Bible en Malgache

²⁴ Raha nahita azy nalahelo fatratra Jesosy dia niteny hoe: Manao ahoana ny hasarotry ny hidiran’ny mpanankarena amin’ny fanjakan’Andriamanitra!

Lioka 18:24 Rohy Ifampitohizana

Salamo 10:3

Mirehareha amin’ny fitsiriritany ny ratsy fanahy; manamavo an’i Iaveh ny mpandroba mandoza.

Ohabolana 11:28

Ho lavo izay mitoky amin’ny harena, fa hitsimoka toy ny ravina kosa ny marina.

Ohabolana 18:11

Ny haren’ny mpanana no vohiny mafy, araka ny heviny dia manda avo izany.

Ohabolana 30:9

fandrao voky aho dia mandà Anao, ka hanao hoe: «Iza moa i Iaveh?» ary andrao koa mangalatra aho, raha mahantra, ka hanamavo ny Anaran’Andriamanitra.

Jeremia 2:31

Taranaka ahoana re ianao izany e! Diniho ny tenin’i Iaveh: Moa tany efitra ho an’i Israely va Aho, moa tany maizim-pito va? Nahoana ny vahoakako no manao hoe: ‹Efa afaka izahay, ka tsy hiverina aminao intsony?›

Jeremia 5:5

Ka ry zareo lehibe no halehako, ireo no hitenenako; Fa ireo no mahalala ny lalan’i Iaveh, sy ny lalàn’ny Andriamaniny...» Kanjo ireo koa, samy efa nanapaka jioga sy nanito fatorana avokoa!

Marka 6:26

Nalahelo ny mpanjaka, kanefa noho ny fianianany sy noho ireo olona niara-nihinana taminy dia tsy sahy nandà an-drazazavavy izy,

Lioka 18:23

Fa nony nandre izany teny izany izy, dia nanjonitra, satria mpanan-karen-doatra izy.