Lioka 13:7 - Baiboly Katolika

⁷ Dia hoy izy tamin’ny mpiasa ny tanimboalobony: ‹Indro efa telo taona izay no tonga mitady voa amin’ity aviavy ity aho, nefa tsy mahita; koa kapao io, fa nahoana no manimba ny tany foana eo?›

Baiboly Protestanta Malagasy 2011

⁷ Dia hoy izy tamin’ny mpikarakara ny tanim-boaloboka: Indro, efa telo taona izay aho no tonga nitady voa tamin’ity aviavy ity fa tsy nahita; kapao io; nahoana io no manimba ny tany?

DIEM PROTESTANTA

⁷ Ka hoy izy tamin’ny mpikarakara ny tanimboaloboka: «Etsy ange! efa telo taona misesy izao no tonga nitady voa tamin’ity aviavy ity aho nefa tsy mahita. Kapao io, fa nahoana no mibahan-toerana foana eo?»

Dikateny Iombonana Eto Madagasikara

⁷ Ka hoy izy tamin’ny mpikarakara ny tanimboaloboka: «Etsy ange! efa telo taona misesy izao no tonga nitady voa tamin’ity aviavy ity aho nefa tsy mahita. Kapao io, fa nahoana no mibahan-toerana foana eo?»

Baiboly Protestanta Malagasy

⁷ Ka dia hoy izy tamin’ny mpamboatra ny tanimboaloboka; Indro, efa telo taona izay aho no tonga nitady voa tamin’ity aviavy ity, fa tsy nahita; kapao io; nahoana io no manimba ny tany?

Malagasy Bible

⁷ Ka dia hoy izy tamin'ny mpamboatra ny tanim-boaloboka; Indro, efa telo taona izay aho no tonga nitady voa tamin'ity aviavy ity, fa tsy nahita; kapao io; nahoana io no manimba ny tany?

La Bible en Malgache

⁷ Dia hoy izy tamin’ny mpikarakara ny tanim-boaloboka: Indro, efa telo taona izay aho no tonga nitady voa tamin’ity aviavy ity fa tsy nahita; kapao io; nahoana io no manimba ny tany?

Lioka 13:7 Rohy Ifampitohizana

Eksodosy 32:10

Koa ankehitriny avelao Aho, aoka hirehetan’ny fahatezerako izy ireo, ka horinganiko; fa ianao kosa hataoko firenena lehibe.»

Levitikosy 19:23

Raha afaka izay hahatafidiranareo any amin’ny tany, ka efa namboly hazo mamoa isan-karazany ianareo, dia ataovy ho toy ny tsy voafora ny voany; mandritra ny telo taona dia ho tsy voafora ho anareo izany, ka aza ihinanana.

Levitikosy 25:21

Hampidina aminareo ny fanambinako amin’ny taona fahenina aho, dia hahavokatra ho ampy anareo telo taona izy;

Matio 7:19

Ny hazo rehetra izay tsy mamoa voa tsara, hokapaina ka hatsipy ao anaty afo:

Lioka 13:8

Ary hoy ny mpiasa namaly azy: ‹Aoka re ho eo ihany izy amin’ity taona ity, Tompoko, dia hoevoiko ny fotony sady hasiako zezika;

Lioka 3:9

Efa mby eo am-poto-kazo sahady ny famaky: koa ny hazo rehetra izay tsy mamoa voa tsara dia hokapaina ka hatsipy any anaty afo.»

Jaona 15:2

Ny sampana rehetra tsy mamoa eo amiko dia esoriny, ary izay rehetra mamoa dia rantsanany mba hampamoa azy bebe kokoa.

Jaona 15:6

Izay tsy mitoetra ao amiko dia ariana any ivelany tahaka ny sampana ka maina; ary hangonina ny sampana ka hatsipy ao anaty afo, dia may.