Levitikosy 8:28 - Baiboly Katolika

²⁸ Dia nesorin’i Môizy avy teo an-tanany indray ireo ka nodorany hanetona eo ambonin’ny ôtely teo ambonin’ny sorona dorana, fa sorona fanokanana izany, ho hanitra ankasitrahina, sorona atao amin’ny afo ho an’i Iaveh.

Baiboly Protestanta Malagasy 2011

²⁸ Nalain’i Mosesy tamin’ny tanany indray ireo ka nodorany ho fofona teo ambonin’ny alitara niaraka tamin’ny fanatitra dorana manontolo; fanati-panokanana ireo ho hanitra ankasitrahana, dia fanatitra levonina amin’ny afo ho an’NY TOMPO.

DIEM PROTESTANTA

²⁸ Dia nalain’i Mosesy avy teo an-tanany indray ireo zavatra ireo ka nodorany hanetona teo ambonin’ny alitara niaraka tamin’ny sorona dorana manontolo: sorona fanokanana ho mpisorona izany, dia sorona levonina amin’ny afo ho hanitra ankasitrahina ho an’ny TOMPO.

Dikateny Iombonana Eto Madagasikara

²⁸ Dia nalain’i Mosesy avy teo an-tanany indray ireo zavatra ireo ka nodorany hanetona teo ambonin’ny alitara niaraka tamin’ny sorona dorana manontolo: sorona fanokanana ho mpisorona izany, dia sorona levonina amin’ny afo ho hanitra ankasitrahina ho an’ny TOMPO.

Baiboly Protestanta Malagasy

²⁸ Dia nalain’i Mosesy tamin’ny tànany indray ireo ka nodorany ho fofona teo ambonin’ny alitara niaraka tamin’ny fanatitra dorana; fanati-panokanana ireo ho hanitra ankasitrahana, dia fanatitra atao amin’ny afo ho an’i Jehovah.

Malagasy Bible

²⁸ Dia nalain'i Mosesy tamin'ny tànany indray ireo ka nodorany ho fofona teo ambonin'ny alitara niaraka tamin'ny fanatitra dorana; fanati-panokanana ireo ho hanitra ankasitrahana, dia fanatitra atao amin'ny afo ho an'i Jehovah.

La Bible en Malgache

²⁸ Nalain’i Mosesy tamin’ny tanany indray ireo ka nodorany ho fofona teo ambonin’ny alitara niaraka tamin’ny fanatitra dorana manontolo; fanati-panokanana ireo ho hanitra ankasitrahana, dia fanatitra levonina amin’ny afo ho an’NY TOMPO.

Levitikosy 8:28 Rohy Ifampitohizana

Genesisy 8:21

Dia nandre hanitra mahafinaritra i Iaveh, ka i Iaveh nanao anakampo hoe: «Tsy hanozona intsony ny tany Aho noho ny olona; fa ratsy hatramin’ny fahatanorany ny fisainan’ny fon’ny olombelona; ary tsy mba hamono ny zavatra manana aina rehetra toy izay nataoko izay intsony Aho.

Eksodosy 29:25

Raha efa izany hoesorinao eo an-tanany ireo ka hodoranao eo ambony ôtely, ambonin’ny sorona dorana, ho hanitra ankasitrahina eo anatrehan’i Iaveh: sorona atao amin’ny afo ho an’i Iaveh izany.

Levitikosy 1:9

Sasana amin’ny rano ny tsinainy aman-tongony, dia indray doran’ny mpisorona hanetona eo ambony ôtely avokoa izy rehetra. Sorona dorana izany, dia sorona atao amin’ny afo ho hanitra ankasitrahin’i Iaveh.

Zakaria 13:7

Mifohaza, ry sabatra, hamely ny mpiandry ondriko sy hamely ny lehilahy namako! - teny marin’i Iavehn’ny tafika. - Kapohy ny mpiandry, hihahàfan’ny ondry. Dia hamerina ny tanako ho amin’ny madinika Aho.