Levitikosy 4:3 - Baiboly Katolika

³ Raha mpisorona efa voahosotra no nanota, ka nahameloka ny vahoaka amin’izany, dia vantotr’ombalahy iray tsy misy kilema no hatolony amin’i Iaveh, noho ny otany, ho sorona fanonerana.

Baiboly Protestanta Malagasy 2011

³ Raha ny mpisorona voahosotra no manota ka mahameloka ny olona dia aoka izy hanolotra vantotra ombilahy tsy misy kilema noho ny fahotana izay vitany, dia fanatitra fanadiovana ho an’NY TOMPO.

DIEM PROTESTANTA

³ «Rehefa ilay mpisorombe no manota, dia mahameloka ny vahoaka rehetra izy; ka noho ny ota vitany, dia ombilahy tsy misy kilema no aoka hatolony amin’ny TOMPO mba ho sorona fanalana ny ota.

Dikateny Iombonana Eto Madagasikara

³ «Rehefa ilay mpisorombe no manota, dia mahameloka ny vahoaka rehetra izy; ka noho ny ota vitany, dia ombilahy tsy misy kilema no aoka hatolony amin’ny TOMPO mba ho sorona fanalana ny ota.

Baiboly Protestanta Malagasy

³ raha ny mpisorona voahosotra no manota ka mahameloka ny olona, dia aoka hanatitra vantotr’ombilahy tsy misy kilema izy noho ny fahotany izay nataony, dia fanatitra noho ny ota ho an’i Jehovah.

Malagasy Bible

³ raha ny mpisorona voahosotra no manota ka mahameloka ny olona, dia aoka hanatitra vantotr'ombilahy tsy misy kilema izy noho ny fahotany izay nataony, dia fanatitra noho ny ota ho an'i Jehovah.

La Bible en Malgache

³ Raha ny mpisorona voahosotra no manota ka mahameloka ny olona dia aoka izy hanolotra vantotra ombilahy tsy misy kilema noho ny fahotana izay vitany, dia fanatitra fanadiovana ho an’NY TOMPO.

Levitikosy 4:3 Rohy Ifampitohizana

2Tantara 29:21

Ny nateriny dia ombalahy fito, zanak’ondry fito, hatao sorona noho ny ota, ho an’ny fanjakana sy ho an’ny fitoerana masina ary ho an’i Jodà. Nasain’ny mpanjaka natolotry ny mpisorona taranak’i Aarôna teo ambonin’ny ôtelin’i Iaveh, ireo.

Ezra 8:35

Ary nanatitra sorona dorana ho an’ny Andriamanitr’i Israely ny olona avy any amin’ny tany nahavoasesitany azy, dia ny zanaky ny fahababoana, ombalahy 12 ho an’i Israely rehetra, ondralahy 96, zanak’ondry 77, osy lahy 12, noho ny ota: natao sorona dorana ho an’i Iaveh izany rehetra izany.

Eksodosy 29:14

Fa ny nofon’ny ombalahy kosa mbamin’ny hodiny sy ny tain-drorohany, dory amin’ny afo any ivelan’ny toby; sorona noho ny ota izany.»

Eksodosy 29:21

Makà amin’ny ra izay eo ambonin’ny ôtely, sy ny diloilo fanosorana, ka fafazo amin’i Aarôna mbamin’ny fanamiany, sy amin’ny zanany mbamin’ny fanamiany dia ho voahasina avokoa izy, na ny tenany amam-panamiany na ny zanany amam-panamiany miaraka aminy.»

Eksodosy 29:7

Dia alaovy ny diloilo fanosorana, ka aidino eo amin’ny lohany hanosoranao azy.

Eksodosy 30:10

Eo amin’ny tandrok’io ôtely io no hanaovan’i Aarôna ny fanoneram-pahotana indray mandeha isan-taona; ny ran’ny sorona fanoneram-pahotana no hanaovany ny fanoneram-pahotana ao, indray mandeha isan-taona, hatramin’ny taranaka mifandimby. Ho masina indrindra amin’i Iaveh io ôtely io.»

Ezekiela 40:39

Teo amin’ny efitra fidirana eo am-bavahady, nisy latabatra roa avy isan-dafiny roa, izay tsy maintsy namonoana ny zavatra hanaovana ny sorona dorana, sy sorona noho ny ota, ny sorona noho ny fahadisoana.

Ezekiela 43:19

Tolory vantotr’ombalahy iray hatao sorona noho ny ota, ny levita mpisorona izay avy amin’ny taranak’i Sadôka, sy manatona Ahy, - teny marin’i Iaveh Tompo, - hanompo Ahy.

Ezekiela 44:27

ary amin’ny andro hidirany ao amin’ny fitoerana masina ao amin’ny kianja anatiny mba hanao ny fanompoana ao amin’ny fitoerana masina, dia hanatitra ny sorony noho ny ota izy; - teny marin’ny Tompo Iaveh. -

Levitikosy 1:10

Raha biby madinika no ataony fanatitra, zanak’ondry na osy hatao sorona dorana, dia izay lahy tsy misy kilema no hateriny,

Levitikosy 1:3

Raha biby vaventy no aterina ho sorona dorana, dia lahy tsy misy kilema no hateriny; ka eo anoloan’ny trano lay fihaonana no hanaterany azy, mba hankasitrahina eo anatrehan’i Iaveh.

Levitikosy 16:11

«Koa hatolotr’i Aarôna ny ombalahy atao sorona noho ny ota, izay ho azy, dia hanaovany ny fanonerana ho azy sy ny ankohonany. Rehefa avy namono ny ombalahy sorona noho ny ota izy,

Levitikosy 16:3

«Ary izao no fomba harahin’i Aarôna raha miditra ao amin’ny fitoerana masina izy: Haka vantotr’ombalahy iray izy, hatao sorona noho ny ota, ary ondralahy iray hatao sorona dorana.

Levitikosy 16:5

Handray osy lahy hatao sorona noho ny ota izy sy ondralahy iray hatao sorona dorana avy amin’ny fiangonan’ny zanak’i Israely.

Levitikosy 16:6

Hatolotr’i Aarôna ny ombalahy noho ny ota, ary hanao fanonerana ho an’ny tenany sy ny ankohonany izy.

Levitikosy 4:14

rehefa fantatra ny ota nataony, dia vantotr’ombalahy iray no haterin’ny fiangonana, ho sorona fanonerana, hoentiny eo anoloan’ny trano lay fihaonana.

Levitikosy 4:23

rehefa fantany ny fahotana nataony, dia osilahy tsy misy kilema no fanatitra hoentiny;

Levitikosy 4:28

rehefa fantany ny helony, dia osy vavy lava volo, tsy misy kilema, no hatolony hatao fanatitra noho ny fahotana nataony.

Levitikosy 4:5

Ny mpisorona efa voahosotra haka amin’ny ran’ny ombalahy sy hitondra izany ho ao an-trano lay fihaonana,

Levitikosy 5:6

ary hitondra ho an’i Iaveh ho fanonerana noho ny ota nataony, ny vavy iray amin’ny biby fiompy madinika, na ondry na osy, hatao sorona noho ny fahotany, ary ny mpisorona hanao ny fanonerana ho azy noho ny otany.

Levitikosy 6:18

Mitenena amin’i Aarôna sy ny zanany, ka lazao hoe: Izao no lalàna momba ny sorona noho ny ota: eo amin’ny fitoerana famonoana ny sorona dorana no amonoana ny sorona noho ny ota, eo anatrehan’i Iaveh; zava-masina dia masina izany.

Levitikosy 8:12

Dia norotsahany diloilo fanosorana ny lohan’i Aarôna, ka nohosorana izy, mba hahamasina azy.

Levitikosy 9:2

ka hoy izy tamin’i Aarôna: «Makà ianao zanak’omby tanora hatao sorona noho ny ota, sy ondralahy iray hatao sorona dorana izay samy tsy manan-kilema, ka atolory eo anatrehan’i Iaveh.

Levitikosy 9:3

Ary mitenena amin’ny zanak’i Israely lazao hoe: Makà ianareo osy lahy iray, hatao sorona noho ny ota; ary zanak’omby iray, sy zanak’ondry iray, samy efa iray taona sy tsy misy kilema avy, hatao sorona dorana;

Nomery 16:22

Ary niankohoka tamin’ny tany izy ireo ka nanao hoe: «Andriamanitra ô, ry Andriamanitry ny fanahin’ny nofo rehetra, olona iray no nanota, ka no dia tezitra amin’ny fiangonana rehetra Ianao?»

Nomery 8:8

Dia haka vantotr’ombalahy iray izy ireo mbamin’ny fanatitra momba azy, dia lafarina tsara indrindra voadity tamin’ny diloilo, ary haka vantotr’ombalahy iray hafa ianao, ho sorona noho ny ota.

Romana 8:3

Satria izay tsy vitan’ny Lalàna noho izy tsy nanan-kery azon’ny nofo, dia vitan’Andriamanitra tamin’ny nanirahany ny Zanany tao amin’ny endriky ny nofom-pahotana sy noho ny fahotana, ka nanameloka ny fahotana tao amin’ny nofony,

2Korintiana 5:21

Fa he ity izy: Ilay tsy nahalala ota, dia nataony ota ho antsika, mba ho tonga fahamarinan’Andriamanitra ao aminy isika!

Hebreo 5:3

ka noho izany fahalemeny izany, tsy maintsy manao sorona ho an’ny tenany, toy ny ataony ho an’ny vahoaka ihany koa izy.

Hebreo 9:12

sady tsy mba ran’osilahy na ran-janak’omby, fa ny Ran’ny Tenany no nentiny niditra tao amin’ny fitoerana masina indrindra, indray mandeha monja dia ampy, ka nahazoany fanavotana mandrakizay.