Levitikosy 4:25 - Baiboly Katolika

²⁵ Ny mpisorona haka amin’ny rantsan-tanany amin’ny ran’ny sorona noho ny ota, dia hanentina amin’izany ny tandroky ny ôtely fanaovan-tsorona dorana, sy hanidina ny ra eo an-tongotr’io ôtely io.

Baiboly Protestanta Malagasy 2011

²⁵ Hakan’ny mpisorona amin’ny fanondrony ny ran’ny fanatitra fanadiovana ka hahosony eo amin’ireo tandroky ny alitara fandoroana ny fanatitra dorana manontolo; ny ra sisa kosa dia haidiny eo an-tongotry ny alitara fandoroana ny fanatitra dorana manontolo.

DIEM PROTESTANTA

²⁵ Hangalan’ny mpisorona amin’ny fanondrony ny ran’ilay osilahy ka hatentiny eo amin’ny tandroky ny alitara fanaovan-tsorona dorana; ary ny ra sisa dia haidiny eo am-pototr’io alitara io ihany.

Dikateny Iombonana Eto Madagasikara

²⁵ Hangalan’ny mpisorona amin’ny fanondrony ny ran’ilay osilahy ka hatentiny eo amin’ny tandroky ny alitara fanaovan-tsorona dorana; ary ny ra sisa dia haidiny eo am-pototr’io alitara io ihany.

Baiboly Protestanta Malagasy

²⁵ Ary hangalan’ny mpisorona amin’ny fanondrony ny ran’ny fanatitra noho ny ota ka hatentiny eo amin’ny tandroky ny alitara fandoroana ny fanatitra dorana, ary ny ra sisa dia haidiny eo am-bodin’ny alitara fandoroana ny fanatitra dorana;

Malagasy Bible

²⁵ Ary hangalan'ny mpisorona amin'ny fanondrony ny ran'ny fanatitra noho ny ota ka hatentiny eo amin'ny tandroky ny alitara fandoroana ny fanatitra dorana, ary ny rà sisa dia haidiny eo am-bodin'ny alitara fandoroana ny fanatitra dorana;

La Bible en Malgache

²⁵ Hakan’ny mpisorona amin’ny fanondrony ny ran’ny fanatitra fanadiovana ka hahosony eo amin’ireo tandroky* ny alitara fandoroana ny fanatitra dorana manontolo; ny ra sisa kosa dia haidiny eo an-tongotry ny alitara fandoroana ny fanatitra dorana manontolo.

Levitikosy 4:25 Rohy Ifampitohizana

Eksodosy 29:12

ka angalao ny ran’ny ombalahy atenteno amin’ireo tandroky ny ôtely amin’ny fanondronao, dia araraho eo am-pototry ny ôtely avokoa ny sisa.

Isaia 40:21

Tsy fantatrareo va? Tsy renareo va? Tsy nisy nanambara taminareo hatramin’ny voalohany va? Tsy renareo va izay nandatsaka ny fanorenan’ny tany?

Levitikosy 16:18

Rehefa hivoaka, dia ho eo amin’ny ôtely eo anatrehan’i Iaveh izy, hanao ny fanonerana ho an’ny ôtely, hangalany ny ran’ny ombalahy sy ny ran’ny osy lahy, anentenany ny tandroky ny ôtely, manodidina;

Levitikosy 17:11

satria ny ain’ny nofo dia amin’ny ra, ka ny hanolorana azy eo amin’ny ôtely hanaovana fanonerana ho an’ny ainareo, no nanomezako azy anareo, fa noho ny aina ao aminy no ahavitan’ny ra fanonerana.

Levitikosy 4:18

hanentina ra ny tandroky ny ôtely, izay eo anatrehan’i Iaveh ao an-trano lay fihaonana, ary hanidina ny ra rehetra eo ambodin’ny ôtely fanaovan-tsorona dorana, izay eo anoloan’ny trano lay fihaonana.

Levitikosy 4:24

hametra-tanana eo ambonin’ny lohany izy sy hamono azy eo amin’ny fitoerana famonoana ny sorona dorana, eo anatrehan’i Iaveh, fa fanatitra noho ny ota izany.

Levitikosy 4:30

Ny mpisorona haka amin’ny rantsan-tanany amin’ny ran’ny sorona, hanentina amin’izany ny tandroky ny ôtely fanaovan-tsorona dorana, ary hanidina ny ra rehetra eo an-tongotry ny ôtely.

Levitikosy 4:34

Ny mpisorona haka amin’ny rantsan-tanany amin’ny ran-tsorona, hanentina ny tandroky ny ôtely fanaovan-tsorona dorana amin’izany, ary hanidina ny ra rehetra eo an-tongotry ny ôtely.

Levitikosy 4:7

Ny mpisorona hanentina ra ny tandroky ny ôtely fandoroan-java-manitra, izay eo anatrehan’i Iaveh ao an-trano lay fihaonana, ary hanidina ny ra rehetra avy amin’ny ombalahy eo ambodin’ny ôtely fanaovan-tsorona dorana, izay eo amin’ny fidiran’ny trano lay fihaonana.

Levitikosy 5:9

hofafazany amin’ny ran-tsorona noho ny ota ny lafiny amin’ny ôtely, ary hofiazany eo an-tongotry ny ôtely ny ra sisa; sorona noho ny ota io.

Levitikosy 8:10

Ary nalain’i Môizy ny diloilo fanosorana dia nohosorany ny Fonenana mbamin’izay rehetra tao anatiny, ka nohamasininy.

Levitikosy 8:15

Namono azy i Môizy dia naka tamin’ny ra dia notentenany manodidina tamin’ny rantsan-tanany ny tandroky ny ôtely ary nanadio ny ôtely izy, naidiny teo an-tongotry ny ôtely ny ra ary nanamasina azy izy, nanao ny fanonerana ao aminy.

Levitikosy 9:9

Ary natolotr’ireo zanak’i Aarôna azy ny ra, ka natsobony tao ny rantsan-tanany, notentenany ny tandroky ny ôtely, ary naidiny teo an-tongotry ny ôtely ny ra.

Romana 10:4

I Kristy ihany anefa no anton’ny Lalàna, mba ho fanamarinana an’izay rehetra mino.

Hebreo 2:10

Fa mendrika an’Ilay antony sy fototry ny zavatra rehetra, izay mitondra zanaka betsaka ho any amin’ny voninahitra, ny nandavorary ao amin’ny fijaliana Ilay iavian’ny famonjena an’ireo.

Hebreo 9:22

Fa araka ny Lalàna dia saika diovina amin’ny ra avokoa ny zavatra rehetra; ary tsy misy famelan-keloka raha tsy misy ra alatsaka.