Levitikosy 26:19 - Baiboly Katolika

¹⁹ Horavako ny reharehan’ny herinareo; hataoko toy ny vy ny lanitrareo, ary toy ny varahina ny taninareo.

Baiboly Protestanta Malagasy 2011

¹⁹ Horavako ny reharehan’ny herinareo ka hataoko toy ny vy ny lanitrareo ary toy ny varahina ny taninareo; ary ny herinareo dia ho lany foana;

DIEM PROTESTANTA

¹⁹ Horavako ny hery ireharehanareo, ka ny lanitra tandrifinareo hataoko mafy toy ny vy ary ny tany volenareo hataoko mafy toy ny varahina.

Dikateny Iombonana Eto Madagasikara

¹⁹ Horavako ny hery ireharehanareo, ka ny lanitra tandrifinareo hataoko mafy toy ny vy ary ny tany volenareo hataoko mafy toy ny varahina.

Baiboly Protestanta Malagasy

¹⁹ Ary horavako ny reharehan’ny herinareo, ka hataoko toy ny vy ny lanitrareo, ary toy ny varahina ny taninareo; ary ny herinareo ho lany foana;

Malagasy Bible

¹⁹ Ary horavako ny reharehan'ny herinareo, ka hataoko toy ny vy ny lanitrareo, ary toy ny varahina ny taninareo; ary ny herinareo ho lany foana;

La Bible en Malgache

¹⁹ Horavako ny reharehan’ny herinareo ka hataoko toy ny vy ny lanitrareo ary toy ny varahina ny taninareo; ary ny herinareo dia ho lany foana;

Levitikosy 26:19 Rohy Ifampitohizana

1Mpanjaka 17:1

Ary i Elia, Tesbita, isan’ny mponina tao Galaada, nilaza tamin’i Akaba hoe: «Velona i Iaveh, Andriamanitr’i Israely, izay itsanganako eo anatrehany! Tsy hisy ando na ranonorana amin’ireto taona ireto raha tsy teniko ihany.»

1Mpanjaka 8:35

Nony mihantona ny andro ka tsy milatsaka ny orana, noho ny nataon’izy ireo taminao, raha mivavaka aminao eto amin’ity fitoerana ity izy, sy manome voninahitra ny Anaranao, sady miala amin’ny fahotany, fa nampahorinao,

Isaia 2:12

Satria hisy andro anankiray ho an’i Iaveh, hamelezany ny fiavonavonana rehetra sy ny fianjonanjonana rehetra, hamelezana izay misandratra rehetra, hanonganany azy:

Isaia 25:11

Haninji-tanana ihany izy, ao anatin’izany fotaka izany, toy ny mpilomano maninji-tanana hilomano; nefa haetrin’i Iaveh ny avonavony, na hanampatra ny heriny rehetra aza ny tanany.

Isaia 26:5

Manetry izay nonina any amin’ny havoana Izy; naniva ny tanàna miezinezina, naniva azy amin’ny tany, nataony mikasika ny vovoka Izy

Isaia 28:1

Loza ho an’ny diadema be avonavon’ny mpimamo ao Efraima, sy ny voninkazo mora malazo famirapiratan’ny fihaingoany, eny an-tampon’ny lohasaha lonaka misy an’ireo lehilahy mamon’ny divay.

Jeremia 13:9

Izao no lazain’i Iaveh: «Toy izany no hahafoanako ny avonavon’i Jodà, sy ny avonavon-dehiben’i Jerosalema.

Jeremia 3:3

ka voasakana ny oram-pararano tsy nisy ny oran-dohataona. Nefa handrim-behivavy janga ny anao, ka tsy nety nahalala menatra ianao.

Ezekiela 24:21

Lazao amin’ny taranak’i Israely hoe: Izao no lazain’ny Tompo Iaveh: Indro, hovetavetaiko ny fitoerako masina, ilay reharehan’ny herinareo, fifalian’ny masonareo, fitiavan’ny fanahinareo; ary ho lavon-tsabatra ny zanaka lahinareo aman-janaka vavinareo, izay nilaozanareo.

Ezekiela 30:6

Izao no lazain’i Iaveh: Ho lavo ry zareo niankinan’i Ejipta, ary haetry ny fiavonavonan’ny heriny: Hatrany Migdôla ka hatrany Siena, dia ho lavon-tsabatra ny olona, - teny marin’ny Tompo Iaveh. -

Ezekiela 33:28

Ny tany, hataoko lao sy zary efitra; ary ny fiavonavon’ny heriny, hitsahatra; ary ny tendrombohitra amin’ny tany ho lao tsy hisy mpandia akory.

Ezekiela 7:24

Hasaiko avy ny ratsy fanahy indrindra amin’ny firenena, haka ny tranon’izy ireo, hampitsahatra ny avonavon’ny mahery; ary ny fitoerany masina dia ho voaloto.

Zefania 3:11

Amin’izany andro izany tsy ho henatra ho anao intsony, ny asanao rehetra izay nanotanao tamiko; satria amin’izany hoesoriko hiala eo aminao ireo izay nifaly tamim-pireharehana; ary ianao tsy hiavonavona intsony eo an-tendrombohitro masina.

Lioka 4:25

Ary lazaiko marina aminareo koa fa maro no mpitondratena tamin’i Israely tamin’ny andron’i Elia, raha nihantona telo taona sy enim-bolana ny orana ka voan’ny mosary mafy ny tany rehetra,

Deoteronomia 11:17

dia hirehitra aminareo ny fahatezeran’i Iaveh, ka ny lanitra hohidiany ary tsy hisy ranonorana; ny tany tsy hahavanona ny vokany, ary ianareo ho lany ringana faingana any amin’ny tany soa omen’i Iaveh anareo.

Deoteronomia 28:23

Ny lanitrao eo ambony lohanao ho varahina, ary ny tany eo ambany tongotrao ho vy.

1Samoela 4:11

Ny Fiaran’Andriamanitra dia voasambotra ary izy roa lahy zanak’i Helì, Ofnì sy Finea, dia maty.

1Samoela 4:3

Niverina tany an-toby ny olona, ary hoy ny loholon’i Israely: «Nahoana i Iaveh no namely antsika teo anoloan’ny Filistinina androany? Andeha hoentina hankatỳ amintsika avy any silao ny Fiaran’ny Faneken’i Iaveh; aoka ho tonga eo afovoantsika sy hanafaka antsika amin’ny tanan’ny fahavalontsika Izy.»