Levitikosy 22:21 - Baiboly Katolika

²¹ Raha misy olona manatitra biby fiompy vaventy na madinika amin’i Iaveh, hatao sorom-pihavanana, na ho fanalam-boady izany, na ho fanomezana an-tsitrapo, dia tsy maintsy ho tsara mihitsy ny hatao sorona mba hankasitrahana azy, tsy tokony hanan-kilema akory izy.

Baiboly Protestanta Malagasy 2011

²¹ Raha misy manolotra fanati-pihavanana ho an’NY TOMPO, na ho fanatitra hanalany voady na ho fanatitra an-tsitrapo na omby izany na ondry na osy, dia izay tsara tsy misy kilema na kely akory aza no hatolony mba hankasitrahana azy.

DIEM PROTESTANTA

²¹ Raha misy olona manatitra omby na ondry na osy amiko TOMPO ho sorom-pihavanana mba ho fanalàm-boady na ho fanomezana an-tsitrapo, dia biby tsy misy kilema na kely akory aza no aoka hateriny mba hahazoany sitraka.

Dikateny Iombonana Eto Madagasikara

²¹ Raha misy olona manatitra omby na ondry na osy amiko TOMPO ho sorom-pihavanana mba ho fanalàm-boady na ho fanomezana an-tsitrapo, dia biby tsy misy kilema na kely akory aza no aoka hateriny mba hahazoany sitraka.

Baiboly Protestanta Malagasy

²¹ Ary raha misy manatitra fanati-pihavanana ho an’i Jehovah, na ho fanatitra hanalany voady, na ho fanati-tsitrapo, na omby izany, na ondry, na osy, dia ny tsara izay tsy misy kilema na kely akory aza no hateriny mba hankasitrahana azy.

Malagasy Bible

²¹ Ary raha misy manatitra fanati-pihavanana ho an'i Jehovah, na ho fanatitra hanalany voady, na ho fanati-tsitrapo, na omby izany, na ondry, na osy, dia ny tsara izay tsy misy kilema na kely akory aza no hateriny mba hankasitrahana azy.

La Bible en Malgache

²¹ Raha misy manolotra fanati-pihavanana ho an’NY TOMPO, na ho fanatitra hanalany voady na ho fanatitra an-tsitrapo na omby izany na ondry na osy, dia izay tsara tsy misy kilema na kely akory aza no hatolony mba hankasitrahana azy.

Levitikosy 22:21 Rohy Ifampitohizana

Genesisy 28:20

Ary nanao voady i Jakôba ka hoy izy: «Raha momba ahy tokoa Andriamanitra ka miaro ahy amin’izao dia alehako izao, raha manome ahy hanin-kohanina sy lamba hitafiako;

Salamo 50:14

Ny fisaorana no atero ho sorona ho an’Andriamanitra, ary efao amin’ny Avo indrindra ny voadinao.

Eksodosy 35:29

Ny zanak’i Israely rehetra na lahy na vavy izay voatariky ny fo mazoto mba hanana anjara amin’ny asa rehetra nandidian’i Iaveh tamin’ny vavan’i Môizy hatao, dia samy nitondra fanatitra an-tsitrapo ho an’i Iaveh.

Ohabolana 7:14

«Tsy maintsy nanatitra sorom-pihavanana aho, ary nefaiko androany ny voadiko.

Levitikosy 22:22

Izay biby jamba, na mandringa, na tapaka, na ferena, na hatenina, na tsingoahina, dia tsy haterinareo ho an’i Iaveh, tsy hanaovanareo sorona amin’ny afo eo ambonin’ny ôtely, ho an’i Iaveh.

Levitikosy 3:1

«Raha misy olona manatitra sorom-pihavanana ka biby vaventy, lahy na vavy, no ateriny, dia izay tsy misy kilema no hateriny eo anatrehan’i Iaveh.

Levitikosy 3:6

«Raha biby madinika, lahy na vavy, no aterina ho sorom-pihavanana amin’i Iaveh, dia izay tsy misy kilema no aterina.»

Nomery 15:3

ka hanatitra sorona atao amin’ny afo ho an’i Iaveh, na sorona dorana, na sorona fanalam-boady, na fanatitra an-tsitrapo, na amin’ny fetinareo, mba hisy hanitra mahafinaritra ho an’i Iaveh avy amin’ny omby na ondrinareo;

Nomery 15:8

Raha ombalahy no hatolotrao ho sorona dorana, na ho sorona fanalam-boady na ho sorom-pihavanana, amin’i Iaveh,