Josoa 9:18 - Baiboly Katolika

¹⁸ Noho ny fianianana nataon’ny lohan’ny fiangonana taminy tamin’ny Anaran’i Iaveh Andriamanitr’i Israely dia tsy namely azy ireo izy, nefa nimonomonona tamin’ny filohany, ny fiangonana rehetra.

Baiboly Protestanta Malagasy 2011

¹⁸ Nefa tsy namely azy ny Zanak’Israely satria NY TOMPO, Andriamanitry ny Israely, no efa nianianan’ny lohan’ny fiangonana taminy. Dia nimonomonona tamin’ireo loholona ny fiangonana rehetra.

DIEM PROTESTANTA

¹⁸ Kanefa tsy namono azy ny Israelita satria ny anaran’ny TOMPO Andriamanitr’i Israely no efa nianianan’ireo loholom-piangonana taminy. Koa nimonomonona tamin’ireo loholona ny Israelita rehetra;

Dikateny Iombonana Eto Madagasikara

¹⁸ Kanefa tsy namono azy ny Israelita satria ny anaran’ny TOMPO Andriamanitr’i Israely no efa nianianan’ireo loholom-piangonana taminy. Koa nimonomonona tamin’ireo loholona ny Israelita rehetra;

Baiboly Protestanta Malagasy

¹⁸ Fa tsy namely azy ny Zanak’Isiraely, satria Jehovah, Andriamanitry ny Isiraely, no efa nianianan’ny lohan’ny fiangonana taminy. Dia nimonomonona tamin’ireo loholona ny fiangonana rehetra.

Malagasy Bible

¹⁸ Fa tsy namely azy ny Zanak'Isiraely, satria Jehovah, Andriamanitry ny Isiraely, no efa nianianan'ny lohan'ny fiangonana taminy. Dia nimonomonona tamin'ireo loholona ny fiangonana rehetra.

La Bible en Malgache

¹⁸ Nefa tsy namely azy ny Zanak’Israely satria NY TOMPO, Andriamanitry ny Israely, no efa nianianan’ny lohan’ny fiangonana taminy. Dia nimonomonona tamin’ireo loholona ny fiangonana rehetra.

Josoa 9:18 Rohy Ifampitohizana

2Samoela 21:7

I Mifibôseta zanak’i Jônatasy, zanak’i Saola, no notsimbinin’ny mpanjaka, noho ny fianianana tamin’i Iaveh teo anelanelan’izy roa lahy, dia i Davida sy i Jônatasy zanak’i Saola.

Salamo 15:4

Ny voaheloka no mendrika halàm-baraka eo imasony; fa ny matahotra an’i Iaveh kosa omeny voninahitra. Raha manao fianianana mamono antoka azy izy, tsy ivadihany izany.

Mpitoriteny 5:2

Fa ny hamaroan-draharaha, miteraka nofy; ary ny hamaroan-teny, mampisy rediredin’adala.

Mpitoriteny 5:6

Fa toy ny isian’ny zava-poana amin’ny hamaroan-draharaha, no isian’izany koa, amin’ny teny maro; ka matahora an’Andriamanitra.

Mpitoriteny 9:2

Na inona na inona tsy misy avaka ny mahazo ny olombelona rehetra; sahala ny anjaran’ny marina sy ny ratsy, ny tsara sady madio, sy ny tsy madio, ny manao sorona sy ny tsy manao sorona; izay manjò ny olona tsara fanahy ihany no manjò ny mpanota koa; izay nianiana, tsy misy hafa amin’izay tsy sahy mianiana.

Nomery 30:3

Izao no didian’i Iaveh: Raha misy lehilahy mivoady amin’i Iaveh, na manao fianianana hamehezany ny tenany, dia tsy mahazo mitsoa-teny izy: izay rehetra naloaky ny vavany hataony avokoa.

Deoteronomia 23:22

Raha tsy mivoady ianao, dia tsy hisy fahotana ao aminao.

Deoteronomia 23:23

Fa ny teny naloaky ny vavanao dia tandremo sy efao, araka ny voady nataonao an-tsitrapo tamin’i Iaveh Andriamanitrao sy notononin’ny vavanao.

Deoteronomia 23:24

«Raha miditra ny tanimboaloboky ny namanao ianao, dia mahazo mihinam-boaloboka araka izay tianao sy hivoky amin’izany, nefa aza misy ataonao ao an-tsobikanao.

Josoa 9:17

Koa niainga ny zanak’i Israely dia tonga tany an-tanànan’izy ireo nony afaka hateloana; ny tanànany dia i Gabaôna, i Kafira, i Berôta ary i Kariatiarima.

Josoa 9:19

Ka hoy ny filohany rehetra tamin’ny fiangonana rehetra: «Efa nanao fianianana taminy izahay tamin’i Iaveh Andriamanitr’i Israely, ary izao tsy mahazo mikasika azy isika.