Josoa 9:14 - Baiboly Katolika

¹⁴ Dia nangalan’ny lehilahy tamin’i Israely ny vatsin’izy ireo, nefa tsy nanontany izay tenin’i Iaveh izy;

Baiboly Protestanta Malagasy 2011

¹⁴ Ary nakan’ny olona ny vatsin’ireo nefa tsy nanontany tamin’ny vavan’NY TOMPO izy.

DIEM PROTESTANTA

¹⁴ Ary nihinanan’ny Israelita ny vatsin-dry zareo fa tsy nanontaniany akory ny TOMPO ny amin’io.

Dikateny Iombonana Eto Madagasikara

¹⁴ Ary nihinanan’ny Israelita ny vatsin-dry zareo fa tsy nanontaniany akory ny TOMPO ny amin’io.

Baiboly Protestanta Malagasy

¹⁴ Ary nangalan’ny olona ny vatsin’ireo, nefa tsy nanontany tamin’ny vavan’i Jehovah izy.

Malagasy Bible

¹⁴ Ary nangalan'ny olona ny vatsin'ireo, nefa tsy nanontany tamin'ny vavan'i Jehovah izy.

La Bible en Malgache

¹⁴ Ary nakan’ny olona ny vatsin’ireo nefa tsy nanontany tamin’ny vavan’NY TOMPO izy.

Josoa 9:14 Rohy Ifampitohizana

2Samoela 2:1

Taorian’izany dia nanontany an’i Iaveh i Davida nanao hoe: «Hiakatra any amin’ny anankiray amin’ny tanànan’i Jodà va aho?» Dia hoy ny navalin’i Iaveh azy: «Miakara.» Hoy i Davida: «Aiza no hiakarako?» Ary i Iaveh namaly hoe: «Any Hebrôna.»

2Samoela 5:19

Ka nanontany an’i Iaveh i Davida, nanao hoe: «Hiakatra hamely ny Filistinina va aho? Hatolotrao eo an-tanako va izy?» Ary hoy i Iaveh tamin’i Davida: «Miakara fa hatolotro eo an-tananao tokoa ny Filistinina.»

Ezra 8:21

Niantso andro fifadian-kanina aho, teo amoron’ny ony Ahavà teo, hampijalianay tena eo anatrehan’ny Andriamanitray, hangatahanay aminy mba ho tsara mandroso avokoa, na ny tenanay, na ny zanakay, na ny anananay rehetra.

Eksodosy 28:30

Ataovy mikambana amin’ny saron-tratra fitsarana koa ny Orima sy ny Tomima, ka hanolotra ny fon’i Aarôna, rehefa miseho eo anatrehan’i Iaveh izy, ka amin’izany dia hoentin’i Aarôna mandrakariva manolotra ny fony eo anatrehan’i Iaveh ny fitsarana ny zanak’i Israely.»

Nomery 27:21

Izy hankeo anatrehan’i Eleazara mpisorona izay hanadina amin’ny fitsaràn’ny Orima ho azy, eo anatrehan’i Iaveh, ka araka ny teniny no hivoahan’i Jôsoe, araka ny teniny no hidirany, dia i Jôsoe, ny zanak’i Israely rehetra miaraka aminy, ary ny fiangonana rehetra. Hitarika azy hivoaka sy hiditra, hitondra sy hifehy azy.

Jakoba 1:5

Raha misy tsy manam-pahendrena aminareo, dia aoka izy hangataka izany amin’Andriamanitra, fa homeny azy tokoa izany; satria sady manome malalaka ho an’ny olona rehetra Izy no tsy mba mandatsa.

Josoa 9:13

Mbola vao ireto siny hoditra fasiana divay ireto no nofenoinay azy, nefa he, rovitra izy ankehitriny, ary ny lamba aman-kapanay dia mihatonta, fa lavitra dia lavitra ny dia nalehanay.

Mpitsara 1:1

Nony maty i Jôsoe, dia nanontany an’i Iaveh ny zanak’i Israely nanao hoe: «Iza aminay no hananika voalohany ny Kananeanina hiady aminy?»

Mpitsara 20:18

Dia niainga ny zanak’i Israely niakatra tany Betela, ary nanontany an’Andriamanitra hoe: «Iza aminay no hiakatra voalohany hiady amin’ny taranak’i Benjamina?» Hoy ny navalin’i Iaveh: «I Jodà no hiakatra voalohany.»

Mpitsara 20:28

ary teo anoloan’i Finea zanak’i Eleazara zanak’i Aarôna, tamin’izany andro izany, ary hoy izy ireo hoe: «Mbola handeha hiady amin’ny taranak’i Benjamina rahalahiko ihany va aho sa tokony hitsahatra?» Dia hoy i Iaveh: «Miakara fa hatolotro eo an-tananao izy rahampitso.»

1Samoela 22:10

Ary i Akimeleka nanontany an’i Iaveh ho azy, sy nanome vatsy azy, sady nanome azy ny sabatr’i Gôliata Filistinina».