Josoa 24:27 - Baiboly Katolika

²⁷ Dia hoy i Jôsoe tamin’ny vahoaka rehetra: «Indro ity vato ity no ho vavolombelona amintsika, fa efa nandre ny teny rehetra nolazain’i Iaveh tamintsika io; ho vavolombelona aminareo koa io, mba tsy handavanareo ny Andriamanitrareo.»

Baiboly Protestanta Malagasy 2011

²⁷ Dia hoy i Josoa tamin’ny vahoaka rehetra: Indro, io vato io no ho vavolombelona amintsika fa efa nahare ny teny rehetra nolazain’NY TOMPO tamintsika io, dia ho vavolombelona aminareo io, fandrao handainga amin’Andriamanitrareo ianareo.

DIEM PROTESTANTA

²⁷ Avy eo dia hoy i Josoa tamin’ny vahoaka rehetra: –Jereonareo ity vato ity fa izy no ho vavolombelona amintsika satria efa nandre ny teny rehetra nolazain’ny TOMPO tamintsika; ary ho vavolombelona aminareo koa izy mba tsy hivadihanareo amin’Andriamanitrareo!

Dikateny Iombonana Eto Madagasikara

²⁷ Avy eo dia hoy i Josoa tamin’ny vahoaka rehetra: –Jereonareo ity vato ity fa izy no ho vavolombelona amintsika satria efa nandre ny teny rehetra nolazain’ny TOMPO tamintsika; ary ho vavolombelona aminareo koa izy mba tsy hivadihanareo amin’Andriamanitrareo!

Baiboly Protestanta Malagasy

²⁷ Dia hoy Josoa tamin’ny vahoaka rehetra: Indro, io vato io ho vavolombelona amintsika; fa efa nahare ny teny rehetra nolazain’i Jehovah tamintsika io, dia ho vavolombelona aminareo io, fandrao handainga amin’Andriamanitrareo hianareo.

Malagasy Bible

²⁷ Dia hoy Josoa tamin'ny vahoaka rehetra; Indro, io vato io ho vavolombelona amintsika; fa efa nahare ny teny rehetra nolazain'i Jehovah tamintsika io, dia ho vavolombelona aminareo io, fandrao handainga amin'Andriamanitrareo ianareo.

La Bible en Malgache

²⁷ Dia hoy i Josoa tamin’ny vahoaka rehetra: Indro, io vato io no ho vavolombelona amintsika fa efa nahare ny teny rehetra nolazain’NY TOMPO tamintsika io, dia ho vavolombelona aminareo io, fandrao handainga amin’Andriamanitrareo ianareo.

Josoa 24:27 Rohy Ifampitohizana

Joba 31:23

Fa izaho olona nataho-tody mandrakariva avy amin’Andriamanitra, ka tsy mahay maharitra eo anatrehan’ny fiandrianany.

Joba 31:28

dia heloka fanameloky ny mpitsara koa izany, ka ho nandà an’Andriamanitra avo indrindra aho raha izany.

Ohabolana 30:9

fandrao voky aho dia mandà Anao, ka hanao hoe: «Iza moa i Iaveh?» ary andrao koa mangalatra aho, raha mahantra, ka hanamavo ny Anaran’Andriamanitra.

Isaia 1:2

Mihainoa, ry lanitra, ary ianao ry tany, mitongilàna sofina, fa miteny i Iaveh: «Efa namelon-jaza Aho, ary efa nanabe ireny, kanjo izy ireo niodina tamiko.

Isaia 59:13

dia ny nivadika sy nandà an’i Iaveh, nihataka nanalavitra ny Andriamanitray, niteny fampahoriana amam-pikomiana; namorona sy namoaka lainga avy ao am-ponay!...

Habakoka 2:11

Fa ny vato amin’ny rindrina hataraina, ary ny sakamandimby amin’ny rafi-trano no hamaly azy.

Nomery 11:20

fa hatramin’ny iray volana maninjitra, dia mandra-pivoakany amin’ny vavoronareo, sy hampaharikoriko anareo; satria ianareo efa nitsipaka an’i Iaveh izay eo afovoanareo, sy nitomany teo anatrehany nanao hoe: Naninona re no nivoaka tany Ejipta foana izahay?»

Matio 10:33

ary izay handà Ahy eo anatrehan’ny olona, dia holaviko kosa izy eo anatrehan’ny Raiko izay any an-danitra.

Lioka 19:40

Fa novaliany hoe: «Lazaiko aminareo fa raha mangina ireo, dia hiantsoantso ny vato.»

Deoteronomia 30:19

Miantso ny tany aman-danitra ho vavolombelona aminareo anio aho, fa nataoko eo anoloanao ny fiainana sy ny fahafatesana, ny tso-drano sy ny ozona; koa fidio àry ny fiainana, mba ho velona ianao sy ny taranakao,

Deoteronomia 31:19

«Koa soraty izao tononkira izao. Ampianaro ny zanak’i Israely, ary ataovy eo am-bavany mba ho vavolombelona hoentiko miampanga ny zanak’i Israely izany tononkira izany.

Deoteronomia 31:21

Koa rehefa hidiran-doza amam-pahoriana be izy, dia izao tononkira izao no ho vavolombelona hiampanga azy, fa tsy ho very tadidy, tsy ho afaka am-bavan’ny taranany izao. Satria efa fantatro izay saina eo aminy hatramin’ny ankehitriny, na dia alohan’ny hampidirako azy any amin’ny tany nampanantenaiko tamim-pianianana aza».

Deoteronomia 31:26

«Raiso ity bokin’ny lalàna ity ka apetraho eo anindran’ny fiaran’ny faneken’i Iaveh Andriamanitrareo, ka eo izy dia vavolombelona miampanga anao.

Deoteronomia 32:1

Mampandria sofina, ry lanitra, fa hiteny Aho; ary aoka ny tany hihaino ny teny haloaky ny vavako.

Deoteronomia 4:26

dia miantso ny tany aman-danitra aho anio ho vavolombelona hiampanga anareo, fa vetivety foana ianareo, dia ho fongotra eo amin’ny tany izay halehanareo hakanareo azy ho fanananareo, amin’ny fitànareo an’i Jordany; tsy ho lava andro eo ianareo, fa haringana mihitsy.

Titosy 1:16

Manao azy ho mahalala an’Andriamanitra izy ireo, nefa mandà Azy amin’ny asany, satria olona vetaveta sy manohitra ary tsy mahavita asa soa na inona na inona.

Josoa 22:34

Nomen’ny tarana-dRobena sy ny taranak’i Gada anarana hoe: «Ed» ilay ôtely, satria io, hoy izy, no vavolombelona amintsika roa tonta fa i Iaveh no Andriamanitra.

Josoa 24:28

Dia nampodin’i Jôsoe ny vahoaka samy ho any amin’ny lovany avy.

Apokalipsy 3:8

Fantatro ny asanao. Fa manan-kery kely ihany ianao, ka nitandrina ny teniko sy tsy nandà ny Anarako; koa indro, varavarana mivoha tsy misy mahahidy no nataoko teo anoloanao.

1Samoela 7:12

Naka vato i Samoela napetrany teo anelanelan’i Masfà sy i Sena, ary nomeny anarana hoe Eben-Ezera, fa hoy izy: «Efa novonjen’i Iaveh isika hatramin’izao.»