Josoa 22:34 - Baiboly Katolika

³⁴ Nomen’ny tarana-dRobena sy ny taranak’i Gada anarana hoe: «Ed» ilay ôtely, satria io, hoy izy, no vavolombelona amintsika roa tonta fa i Iaveh no Andriamanitra.

Baiboly Protestanta Malagasy 2011

³⁴ Dia nasian’ny taranak’i Robena sy i Gada anarana ilay alitara, fa vavolombelona ho amintsika roa tonta io fa NY TOMPO no Andriamanitra.

DIEM PROTESTANTA

³⁴ Ary hoy kosa ny Reobenita sy Gadîta hoe: –Ity alitara ity no vavolombelona aminay sy aminareo fa ny TOMPO no Andriamanitra. Dia nataony hoe «Vavolombelona» no anaran’izany alitara izany.

Dikateny Iombonana Eto Madagasikara

³⁴ Ary hoy kosa ny Reobenita sy Gadîta hoe: –Ity alitara ity no vavolombelona aminay sy aminareo fa ny TOMPO no Andriamanitra. Dia nataony hoe «Vavolombelona» no anaran’izany alitara izany.

Baiboly Protestanta Malagasy

³⁴ Dia nasian’ny taranak’i Robena sy Gada anarana ilay alitara–fa vavolombelona ho amintsika roa tonta io fa Jehovah no Andriamanitra.

Malagasy Bible

³⁴ Dia nasian'ny taranak'i Robena sy Gada anarana hoe Edy ilay alitara fa vavolombelona ho amintsika roa tonta io fa Jehovah no Andriamanitra.

La Bible en Malgache

³⁴ Dia nasian’ny taranak’i Robena sy i Gada anarana ilay alitara, fa vavolombelona ho amintsika roa tonta io fa NY TOMPO no Andriamanitra.

Josoa 22:34 Rohy Ifampitohizana

Genesisy 31:47

Iegara-Sahadotà no nataon’i Labàna anaran’ny fanataovana; fa Galaada kosa no nataon’i Jakôba anarany.

Genesisy 31:48

Ary hoy i Labàna: «Ity fanataovana ity no vavolombelona amiko sy aminao anio.» Izany no nanaovana ny anarany hoe Galaada,

1Mpanjaka 18:39

Nony nahita izany ny vahoaka rehetra, dia niankohoka tamin’ny tany nanao hoe: «I Iaveh ihany no Andriamanitra, i Iaveh ihany no Andriamanitra!»

Isaia 19:19

Amin’izany andro izany hisy ôtely ho an’i Iaveh, eo afovoan’ny tany Ejipta. Ary eo amin’ny sisin-taniny, hisy tsangam-bato ho an’i Iaveh.

Isaia 43:10

Ianareo no vavolombeloko, - teny marin’i Iaveh sady mpanompoko, izay nofidiko; mba hahafantaranareo sy hinoanareo Ahy ary hahazoanareo an-tsaina, fa Izaho no izy. Tsy misy Andriamanitra voaforona talohako; ary tsy hisy koa any aoriako.

Matio 4:10

Fa izao no navalin’i Jesoa azy: «Mandehana, ry Satana, fa efa voasoratra hoe: Ny Tompo Andriamanitrao no hivavahanao ary Izy irery ihany no hotompoinao.»

Josoa 22:27

fa mba ho vavolombelona ho anay sy ianareo, sy ny fara mandimby antsika, fa izahay dia manompo an’i Iaveh eo anatrehany amin’ny sorona doranay, sy ny soronay, ary ny sorom-pihavananay, mba tsy hilazan’ny taranakareo amin’ny taranakay rahatrizay hoe: Tsy manana anjara amin’i Iaveh ianareo.

Josoa 24:27

Dia hoy i Jôsoe tamin’ny vahoaka rehetra: «Indro ity vato ity no ho vavolombelona amintsika, fa efa nandre ny teny rehetra nolazain’i Iaveh tamintsika io; ho vavolombelona aminareo koa io, mba tsy handavanareo ny Andriamanitrareo.»