Josoa 22:18 - Baiboly Katolika

¹⁸ no dia miodina miala amin’i Iaveh koa ianareo anio? Raha miodina amin’i Iaveh anefa anio, dia ho tezitra amin’ny fiangonan’i Israely rehetra Izy rahampitso.

Baiboly Protestanta Malagasy 2011

¹⁸ no dia mikomy miala amin’ny fanarahana NY TOMPO ianareo anio? Raha mikomy amin’NY TOMPO ianareo anio dia ho tezitra amin’ny fiangonan’ny Israely manontolo Izy rahampitso.

DIEM PROTESTANTA

¹⁸ Ankehitriny dia miala amin’ny fanarahana ny TOMPO ianareo. Koa raha mikomy amin’ny TOMPO ianareo anio, dia ho tezitra amin’ny fiangonan’ny Israelita tsivakivolo Izy rahampitso.

Dikateny Iombonana Eto Madagasikara

¹⁸ Ankehitriny dia miala amin’ny fanarahana ny TOMPO ianareo. Koa raha mikomy amin’ny TOMPO ianareo anio, dia ho tezitra amin’ny fiangonan’ny Israelita tsivakivolo Izy rahampitso.

Baiboly Protestanta Malagasy

¹⁸ no dia mihodina miala amin’ny fanarahana an’i Jehovah hianareo anio? Raha miodina amin’i Jehovah hianareo anio, dia ho tezitra amin’ny fiangonana, dia ny Isiraely rehetra, Izy rahampitso.

Malagasy Bible

¹⁸ no dia mihodina miala amin'ny fanarahana an'i Jehovah ianareo anio? Raha miodina amin'i Jehovah ianareo anio, dia ho tezitra amin'ny fiangonana, dia ny Isiraely rehetra, Izy rahampitso.

La Bible en Malgache

¹⁸ no dia mikomy miala amin’ny fanarahana NY TOMPO ianareo anio? Raha mikomy amin’NY TOMPO ianareo anio dia ho tezitra amin’ny fiangonan’ny Israely manontolo Izy rahampitso.

Josoa 22:18 Rohy Ifampitohizana

2Samoela 24:1

Nirehitra tamin’i Israely indray ny fahatezeran’i Iaveh, ka namporisihiny hamely azy ireo i Davida nataony hoe: «Mandehana isao i Israely sy i Jodà.»

1Mpanjaka 9:6

Fa raha mivily miala amiko kosa ianao na ny tenanareo na ny zanakareo, ka tsy mitandrina ny didy aman-dalàko izay nataoko teo anoloanareo, ka mandeha manompo andriamani-kafa sy miankohoka eo anatrehany,

2Mpanjaka 17:21

Satria niendaka niala tamin’ny fianakavian’i Davida i Israely, fa nanangana an’i Jerôbôama zanak’i Nabata ho mpanjaka, ary i Jerôbôama nampiala an’i Israely tamin’i Iaveh sy nampanao fahotana lehibe azy ireo.

1Tantara 21:1

Ary nitsangan-kamely an’i Israely i Satana ka namoky an’i Davida hanisa an’i Israely.

1Tantara 21:14

Ka dia nandefa pesta hamely an’i Israely i Iaveh, ka nahafatesana 70.000 ny olona amin’i Israely.

2Tantara 25:27

Taorian’ny nihatahan’i Amasiasa tamin’i Iaveh dia nisy firaisan-tetika hamely azy niforona tao Jerosalema, ka nandositra nankany Lakisa izy, fa nisy olona nirahina hanenjika azy tany Lakisa, ka novonoiny tany izy.

2Tantara 34:33

Nofoanan’i Josiasa avokoa ny fahavetavetana teo amin’ny tany rehetra ananan’ny zanak’i Israely, ary nodidiany hanompo an’i Iaveh Andriamaniny, ny olona rehetra teo amin’i Israely. Ka raha mbola velona koa izy dia tsy mba niala tamin’ny fanarahana an’i Iaveh Andriamanitry ny razany izy ireo.

Levitikosy 10:6

Hoy i Môizy tamin’i Aarôna sy i Eleazara ary i Itamara: «Aza avelanareo hirakaraka foana ny volon-dohanareo, ary aza triarinareo ny fanamianareo, fandrao dia maty ianareo, ary ho tratry ny hatezeran’i Iaveh ny fiangonana rehetra. Ny rahalahinareo sy ny taranak’i Israely rehetra no aoka hitomany noho izao fandoroana narehitr’i Iaveh izao.

Nomery 16:22

Ary niankohoka tamin’ny tany izy ireo ka nanao hoe: «Andriamanitra ô, ry Andriamanitry ny fanahin’ny nofo rehetra, olona iray no nanota, ka no dia tezitra amin’ny fiangonana rehetra Ianao?»

Nomery 32:15

Fa raha mandà tsy hanaraka Azy ianareo, dia mbola avelany atỳ an’efitra i Israely, ka dia ianareo no ho fototry ny fandringanana izao vahoaka rehetra izao.»

Deoteronomia 7:4

fa havilin’ireny tsy hanaraka Ahy ny zanakao lahy izay hanompo andriamani-kafa, ka hirehitra aminareo ny fahatezeran’i Iaveh, dia haringany vetivety ianao.

Josoa 22:15

Nony tonga tany amin’ny tarana-dRobena sy ny taranak’i Gada ary ny antsasaky ny fokon’i Manase any amin’ny tany Galaada izy ireo dia niteny taminy nanao hoe:

Josoa 22:16

«Izao no lazain’ny fiangonan’i Iaveh rehetra: ‹Inona izato fahotana nataonareo tamin’ny Andriamanitr’i Israely, fa niala tamin’i Iaveh androany ianareo, tamin’ny nanorenanareo ôtely hiodinanareo amin’i Iaveh androany?›

Josoa 22:20

Moa tsy i Akàna zanak’i Zare va no nanao fahotana, ny amin’ny zavatra natao anatema, moa tsy ny fiangonan’i Israely va no nipoahan’ny hatezeran’i Iaveh? Ka dia tsy izy irery no maty noho ny heloka nataony?»

Josoa 7:1

Nanao fahadisoana momba ny anatema ny zanak’i Israely; fa naka tamin’ny zavatra natao anatema i Akàna zanak’i Karmì zanak’i Zabdỳ zanak’i Zare tamin’ny fokon’i Jodà, ka nirehitra tamin’ny zanak’i Israely ny fahatezeran’i Iaveh.

Josoa 7:11

Efa nanota i Israely, fa ny fanekeko nasaiko notandremany, nivadihany, ka nangalany ny zavatra natao anatema, norobainy izany, sady namitahany fa nafeniny tany anaty entany.

Josoa 7:21

Hitako tamin’ny babo, ny kapaoty tsara anankiray avy any Senaara, volafotsy lanjan-droan-jato sikla, ary anja-bolamena lanjan-dimampolo sikla, nitsiriritra ireo aho ka naka azy; voaafina any ambanin’ny tany ao an-daiko izany, ka ny vola no ao ambany.»

1Samoela 12:14

Raha matahotra an’i Iaveh ianareo, raha manompo Azy, sy mankatò ny teniny, raha tsy mandika ny tenin’i Iaveh ary raha samy manaraka an’i Iaveh Andriamanitrareo ianareo sy ny mpanjaka manjaka aminareo...

1Samoela 12:20

Dia hoy i Samoela tamin’ny vahoaka: «Aza matahotra. Efa nataonareo tokoa izany ratsy rehetra izany, nefa aza mitsahatra manaraka an’i Iaveh, ary manompoa an’i Iaveh amin’ny fonareo rehetra.