Josoa 20:7 - Baiboly Katolika

⁷ Ny natokany dia i Kadesy any Galilea amin’ny tendrombohitr’i Neftalì; i Sikema amin’ny tendrombohitr’i Efraima, ary i Kariat-Arbe, dia i Hebrôna izany, amin’ny tendrombohitr’i Jodà.

Baiboly Protestanta Malagasy 2011

⁷ Dia nanokana an’i Kadesy any Galilia any amin’ny tany be havoana any Naftaly sy i Sekema any amin’ny tany be havoana any Efraima ary i Kiriata-Arba na i Hebrona any amin’ny tany be havoana any Joda ny Zanak’Israely.

DIEM PROTESTANTA

⁷ Dia natokan’ny Israelita ireto tanàna ireto: i Kedesa any Galilea any amin’ny faritra havoan’i Naftalỳ; sy i Sekema, any amin’ny faritra havoan’i Efraîma; ary i Kiriata-Arbà (antsoina hoe koa Hebrôna) any amin’ny faritra havoan’i Joda.

Dikateny Iombonana Eto Madagasikara

⁷ Dia natokan’ny Israelita ireto tanàna ireto: i Kedesa any Galilea any amin’ny faritra havoan’i Naftalỳ; sy i Sekema, any amin’ny faritra havoan’i Efraîma; ary i Kiriata-Arbà (antsoina hoe koa Hebrôna) any amin’ny faritra havoan’i Joda.

Baiboly Protestanta Malagasy

⁷ Dia nanokana an’i Kadesy any Galilia any amin’ny tany havoan’i Naftaly izy sy Sekema any amin’ny tany havoan’i Efraima ary Kiriat-arba (Hebrona izany) any amin’ny tany havoan’i Joda.

Malagasy Bible

⁷ Dia nanokana an'i Kadesy any Galilia any amin'ny tany havoan'i Naftaly izy sy Sekema any amin'ny tany havoan'i Efraima ary Kiriat-arba (Hebrona izany) any amin'ny tany havoan'i Joda.

La Bible en Malgache

⁷ Dia nanokana an’i Kadesy any Galilia any amin’ny tany be havoana any Naftaly sy i Sekema any amin’ny tany be havoana any Efraima ary i Kiriata-Arba na i Hebrona any amin’ny tany be havoana any Joda ny Zanak’Israely.

Josoa 20:7 Rohy Ifampitohizana

Genesisy 23:2

Ary i Sarà dia maty tany Kiriatarbe, dia Hebrôna izany, any amin’ny tany Kanaana; ka tonga i Abrahama hisaona an’i Sarà sy hitomany azy.

1Mpanjaka 12:1

Nankany Sikema i Rôbôama, fa tonga tany Sikema i Israely rehetra hampanjaka azy.

2Tantara 10:1

Ary nankany Sikema i Rôbôama, fa efa nandeha nankany Sikema i Israely rehetra hampanjaka azy.

Nomery 35:6

«Ary ny tanàna homenareo ny Levita, dia ny tanàna fialofana 6, izay halaminareo handosiran’izay nahafaty olona; ary fanampin’izany dia homenareo tanàna hafa 42 koa izy,

Lioka 1:39

Niainga i Maria tamin’izany andro izany, ka nandeha haingana ho any amin’ny tany be tendrombohitra, ho any an-tanàna anankiray any Jodà,

Deoteronomia 19:9

raha toa ianao mitandrina sy manaraka izao didy rehetra omeko anao anio izao, amin’ny fitiavana an’i Iaveh Andriamanitrao sy amin’ny fizorana amin’ny lalany mandrakariva, - dia ampio telo koa ireo tanàna telo ireo,

Deoteronomia 4:41

Tamin’izany i Môizy dia nanokana tanàna telo any an-dafin’i Jordany any atsinanana,

Josoa 12:22

ny mpanjakan’i Kadesa, iray; ny mpanjakan’i Jakanàna any Karmela, iray;

Josoa 14:15

Kariat-Arbe no anaran’i Hebrôna fahiny; i Arbe dia lehilahy goavam-be indrindra tamin’ny Enakima. Ary nitsahatra tamin’ny ady ny tany.

Josoa 15:13

Araka ny didin’i Iaveh tamin’i Jôsoe, nomena anjara teo afovoan’ny taranak’i Jodà i Kaleba zanak’i Jefone, dia ny tanànan’i Arbe, rain’i Enaka, dia i Hebrôna izany.

Josoa 19:35

Ny tanàna mimanda dia i Asedima, i Sera, i Emata, i Rekata, i Kenereta,

Josoa 19:36

i Edemà, i Aramà, i Asora,

Josoa 19:37

i Kedesy, i Edraïa, i En-Hasôra,

Josoa 20:8

Any an-dafin’i Jordany tandrifin’i Jerikô any atsinanana dia ireto no nofidiny: i Bosora, any an’efitra, any amin’ny tany lemaka, an’ny fokon-dRobena; i Ramôta, any Galaada, an’ny fokon’i Gada, ary i Gaolôna, any Basàna, an’ny fokon’i Manase.

Josoa 21:11

Dia nomeny azy, tao amin’ny tendrombohitr’i Jodà, ny tanànan’i Arbe, rain’i Enàka, dia i Hebrôna izany, ary ny tany manodidina azy.

Josoa 21:13

Ny taranak’i Aarôna mpisorona dia nomeny ny tanàna fialofan’ny mamono olona, dia i Hebrôna sy ny manodidina azy, ary koa i Lebnà sy ny manodidina azy,

Josoa 21:21

Nomena azy i Sikema, tanàna fialofan’izay namono olona, mbamin’ny tany manodidina azy, amin’ny tendrombohitr’i Efraima;

Josoa 21:32

Avy amin’ny fokon’i Neftalì ilay tanàna fialofan’izay namono olona, i Kadesy any Galilea sy ny manodidina azy, i Kartàna sy ny manodidina azy, tanàna telo.

Josoa 24:1

Novorin’i Jôsoe, tao Sikema, ny fokon’i Israely rehetra; nantsoiny avokoa ny loholon’i Israely, ny lehibeny, ny mpitsarany ary ny manamboninahiny; ka niseho teo anatrehan’i Iaveh izy ireo:

Mpitsara 9:1

Niainga i Abimeleka zanak’i Jerobaala, ka nankany Sikema amin’ireo anadahin-dreniny, ary nilaza izao teny izao tamin’ireo sy tamin’ny fokon’ny rain-dreniny rehetra: