Jeremia 51:59 - Baiboly Katolika

⁵⁹ Didy nomen’i Jeremia mpaminany, an’i Saraiasa zanak’i Neriasa zanak’i Maasiasa fony izy nandeha nankany Babilôna, niaraka tamin’i Sedesiasa mpanjakan’i Jodà, tamin’ny taona fahefatra nanjakany. Fa i Saraiasa no lehiben’ny tao an-dain’ny mpanjaka.

Baiboly Protestanta Malagasy 2011

⁵⁹ Ny teny izay nandidian’i Jeremia mpaminany an’i Seraia, zanak’i Neria, zanak’i Mahaseia, fony izy nandeha niaraka tamin’i Zedekia, mpanjakan’ny Joda, ho any Babilona tamin’ny taona fahefatra nanjakany. Fa i Seraia no lehiben’ny fandraharahana.

DIEM PROTESTANTA

^59-60 I Seraià, zanakalahin’i Nerià sady zafikelin’i Mahaseià, no lehiben’ny tobin’i Tsedekià mpanjakan’i Joda. Koa ny taona fahefatra nanjakan’i Tsedekià dia nanaraka ny mpanjaka tany Babilôna izy. Nosoratan’i Jeremià tamin’ny horonan-taratasy ny loza rehetra izay hamely an’i Babilôna, dia ireo fanambarana rehetra momba izany! Dia nanome baiko an’i Seraià i Jeremià hoe:

Dikateny Iombonana Eto Madagasikara

^59-60 I Seraià, zanakalahin’i Nerià sady zafikelin’i Mahaseià, no lehiben’ny tobin’i Tsedekià mpanjakan’i Joda. Koa ny taona fahefatra nanjakan’i Tsedekià dia nanaraka ny mpanjaka tany Babilôna izy. Nosoratan’i Jeremià tamin’ny horonan-taratasy ny loza rehetra izay hamely an’i Babilôna, dia ireo fanambarana rehetra momba izany! Dia nanome baiko an’i Seraià i Jeremià hoe:

Baiboly Protestanta Malagasy

⁵⁹ Ny teny izay nandidian’i Jeremia mpaminany an’i Seraia, zanak’i Neria, zanak’i Mahaseia, fony izy nandeha niaraka tamin’i Zedekia, mpanjakan’ny Joda, ho any Babylona tamin’ny taona fahefatra nanjakany. Fa Seraia no lehiben’ny mpanorin-dasy.

Malagasy Bible

⁵⁹ Ny teny izay nandidian'i Jeremia mpaminany an'i Seraia, zanak'i Neria, zanak'i Mahaseia, fony izy nandeha niaraka tamin'i Zedekia, mpanjakan'ny Joda, ho any Babylona tamin'ny taona fahefatra nanjakany. Fa Seraia no lehiben'ny mpanorin-dasy.

La Bible en Malgache

⁵⁹ Ny teny izay nandidian’i Jeremia mpaminany an’i Seraia, zanak’i Neria, zanak’i Mahaseia, fony izy nandeha niaraka tamin’i Zedekia, mpanjakan’ny Joda, ho any Babilona tamin’ny taona fahefatra nanjakany. Fa i Seraia no lehiben’ny fandraharahana.

Jeremia 51:59 Rohy Ifampitohizana

Ezra 5:12

Saingy nony efa nampahatezitra ny Andriamanitry ny lanitra ny razany dia natolony ho eo an-tanan’i Nabokodonozora ilay Kaldeanina, mpanjakan’i Babilôna, dia noravan’izy io izany trano izany, ary nentiny ho babo tany Babilôna ny vahoaka.

Jeremia 28:1

Tamin’izany taona izany ihany, dia tamin’ny niandohan’ny nanjakan’i Sedesisa, mpanjakan’i Jodà, tamin’ny taona fahefatra, volana fahadimy: niteny tamiko tao an-tranon’i Iaveh, teo anatrehan’ny mpisorona sy ny vahoaka rehetra i Hananiasa mpaminany, zanak’i Azôra, avy any Gabaôna, nanao hoe:

Jeremia 32:12

Dia natolotro an’i Baròka, zanak’i Nerià, zanak’i Maasiasa, ny fanekem-pividianana, teo anatrehan’i Hananeela, zana-drahalahin-draiko, sy teo anatrehan’ny vavolombelona nanao sonia ny fanekem-pihavanana sy teo anatrehan’ny Jody rehetra, nipetraka teo an-kianjan’ny fiambenana.

Jeremia 36:4

Dia niantso an’i Baròka zanak’i Nerià, i Jeremia, ka ny teny rehetra nolazain’i Iaveh tamin’i Jeremia, dia nosoratan’i Baròka tamin’ny horonan-taratasy araka ny nanononany azy.

Jeremia 45:1

Ny teny nolazain’i Jeremia mpaminany tamin’i Baròka zanak’i Nerià, fony izy nanoratra ireo teny ireo tamin’ny taratasy araka ny nanononan’i Jeremia azy, tamin’ny taona fahefatra nanjakan’i Jôakima, zanak’i Josiasa, mpanjakan’i Jodà, toy izao:

Jeremia 52:1

Ary 21 taona i Sedesiasa fony izy tonga mpanjaka; ary 11 taona izy no nanjaka tao Jerosalema. Ny anaran-dreniny dia Amita, zanaka vavin’i Jeremia, avy ao Lobnà.