Jeremia 51:58 - Baiboly Katolika

⁵⁸ Izao no lazain’i Iavehn’ny tafika: Efa voafongotra mihitsy ny mandan’i Babela malalaka be; ary voadotra ny vavahadiny avo be. Ka dia zava-poana izany no isasaran’ny vahoaka, ho an’ny afo no hisasaran’ny firenena, ka lany hery foana amin’izany izy.

Baiboly Protestanta Malagasy 2011

⁵⁸ Izao no lazain’Andriamanitra, Tompon’izao rehetra izao: Ny manda matevina any Babilona dia horavana tanteraka hatramin’ny fanorenany ary hodorana amin’ny afo ny vavahadiny avo. Koa ho foana ny nisasaran’ny firenena ary ho nisasatra ho an’ny afo ny olona ka ho reraka.

DIEM PROTESTANTA

⁵⁸ Dia nampian’ny TOMPOn’izao rehetra izao hoe: «Rava tanteraka ny manda matevin’i Babilôna, ary voadoro ny vavahadiny avo; ka dia sahiram-poana ny vahoaka, zavatra ho kilan’ny afo no isasaran’ireo firenena.»

Dikateny Iombonana Eto Madagasikara

⁵⁸ Dia nampian’ny TOMPOn’izao rehetra izao hoe: «Rava tanteraka ny manda matevin’i Babilôna, ary voadoro ny vavahadiny avo; ka dia sahiram-poana ny vahoaka, zavatra ho kilan’ny afo no isasaran’ireo firenena.»

Baiboly Protestanta Malagasy

⁵⁸ Izao no lazain’i Jehovah, Tompon’ny maro: Ny mànda malalaka any Babylona dia horavana tokoa hatramin’ny fanorenany, Ary ny vavahadiny avo hodorana amin’ny afo. Ka dia ho nisasatra foana ny firenena, Ary ny olona ho nisasatra ho an’ny afo ka ho reraka.

Malagasy Bible

⁵⁸ Izao no lazain'i Jehovah, Tompon'ny maro: Ny manda malalaka any Babylona dia horavana tokoa hatramin'ny fanorenany, ary ny vavahadiny avo hodorana amin'ny afo. Ka dia ho nisasatra foana ny firenena, ary ny olona ho nisasatra ho an'ny afo ka ho reraka.

La Bible en Malgache

⁵⁸ Izao no lazain’Andriamanitra, Tompon’izao rehetra izao: Ny manda matevina any Babilona dia horavana tanteraka hatramin’ny fanorenany ary hodorana amin’ny afo ny vavahadiny avo. Koa ho foana ny nisasaran’ny firenena ary ho nisasatra ho an’ny afo ny olona ka ho reraka.

Jeremia 51:58 Rohy Ifampitohizana

Salamo 127:1

Fihirana fiakarana. Nataon’i Salômôna. Raha tsy i Iaveh no manorina ny trano, miasa foana izay manorina azy. Raha tsy i Iaveh no miambina ny tanàna, miari-tory foana eo am-bavahadiny ny mpiambina.

Isaia 13:2

Manangàna faneva, eo amin’ny tendrombohitra mangadihady; antsoy amin’ny feo avo izy ireo, hofay tanana izy, handingana ny vavahadin’ireo mpanapaka.

Isaia 47:13

Efa nisasatra tamin’ny fanontaniana betsaka ianao; ka aoka handroso hamonjy anao ireo izy ireo, izay mpandrefy ny lanitra, sy mpandinika ny kintana, izay manambara, isaky ny tsinam-bolana, ny zavatra tsy maintsy ho tonga aminao.

Isaia 65:23

Tsy hanasa-tena foana intsony izy; na hiteraka ho faty tampoka foana; fa ho taranaka ambinin’i Iaveh izy ireo mbamin’ny solofony miaraka aminy.

Jeremia 50:15

Manaova akoran’ady amin’ny manodidina azy, hatraiza hatraiza; manandra-tanana izy, mirodana ny tilikambony, mikoa ny mandany. Fa famalian’i Iaveh izao: ampitondray valim-bonoana izy: toraky ny nataony no ataovy aminy!

Jeremia 51:30

Ireo lehilahy maherin’i Babela nitsahatra tsy niady; mihiboka ao anaty trano mimanda; lany ny heriny, tonga toy ny vehivavy izy; nodorana ny fonenany; notapahina ny hidim-bavahadiny.

Jeremia 51:44

Hamangy an’i Bela ao Babela Aho: Ka izay nateliny, hotosahako avy eo am-bavany, ary ny firenena, tsy hitanjozotra ho ao aminy intsony. Ny mandan’i Babela aza, nirodana.

Jeremia 51:64

sy ataovy hoe: Toy izao no hilentehan’i Babilôna, sy tsy hifongarany intsony, avy amin’ny loza hahàtrako aminy, fa ho lavo lany hery izy. Hatreo ny tenin’i Jeremia.

Jeremia 51:9

Efa nitady hanasitrana an’i Babela isika, nefa tsy sitrana izy; ka avelao izy, fa andao isika ho any amin’ny tanintsika avy. Satria mahatakatra ny lanitra ny fitsarana azy, sy tafapaka hatrany amin’ny rahona.

Jeremia 9:5

Monina eo afovoan’ny minia tsy marina ianao; fa minia tsy marina izy ireo no mandà tsy hahalala Ahy, - teny marin’i Iaveh. -

Fitomaniana 5:5

Ny mpanenjika anay mandodona anay avy ao aoriana; ka reraka, tsy mahita hiainana izahay.

Habakoka 2:13

Tsy izao va no sitrapon’i Iavehn’ny tafika dia ny hiasan’ny olona ho an’ny afo, sy ny hisasaran’ny firenena ho an’ny zava-poana?