Jeremia 51:34 - Baiboly Katolika

³⁴ Nandany ahy, nandevona ahy, i Nabokodonozora, mpanjakan’i Babela; nampitsatoka ahy teo, toy ny vazy foana, nitelina ahy, toy ny dragona; nameno ny kibony, tamin’ny nahandroko tsara indrindra, dia nandroaka ahy.

Baiboly Protestanta Malagasy 2011

³⁴ Efa lanin’i Nebokadnezara, mpanjakan’i Babilona, izahay; naringany izahay; napetrany toy ny vata tsy misy entana izahay; nateliny toy ny fitelin’ny mamba izahay; nivokisan’ny kibony ny zavatra tena tianay ka nandroaka anay izy.

DIEM PROTESTANTA

³⁴ «Nandripaka sy nitsentsitra ahy i Nebokadnetsara mpanjakan’i Babilôna; dia napetrany toy ny vilia nolelafina aho. Tahaka ny fitelin’ny mamba no nitelemany ahy, ka ny tsokako no namenoany ny kibony; izay aho vao naloany.

Dikateny Iombonana Eto Madagasikara

³⁴ «Nandripaka sy nitsentsitra ahy i Nebokadnetsara mpanjakan’i Babilôna; dia napetrany toy ny vilia nolelafina aho. Tahaka ny fitelin’ny mamba no nitelemany ahy, ka ny tsokako no namenoany ny kibony; izay aho vao naloany.

Baiboly Protestanta Malagasy

³⁴ Efa lanin’i Nebokadnezara, mpanjakan’i Babylona, izahay; Naringany izahay; Napetrany toy ny vata tsy misy entana izahay; Nateliny toy ny fitelin’ny mamba izahay; Nivokisan’ny kibony ny zava-piko, Ka dia nandroaka ahy izy.

Malagasy Bible

³⁴ Efa lanin'i Nebokadnezara, mpanjakan'i Babylona, izahay; Naringany izahay; Napetrany toy ny vata tsy misy entana izahay; Nateliny toy ny fitelin'ny mamba izahay; Nivokisan'ny kibony ny zava-piko, ka dia nandroaka ahy izy.

La Bible en Malgache

³⁴ Efa lanin’i Nebokadnezara, mpanjakan’i Babilona, izahay; naringany izahay; napetrany toy ny vata tsy misy entana izahay; nateliny toy ny fitelin’ny mamba izahay; nivokisan’ny kibony ny zavatra tena tianay ka nandroaka anay izy.

Jeremia 51:34 Rohy Ifampitohizana

Joba 20:15

Fa nitelina harena izy, ka handoa izany; Andriamanitra no handoatra izany, avy ao an-kibony.

Salamo 74:13

Ianao no nampisaraka ny ranomasina tamin’ny herinao, nanorotoro ny lohan’ireo biby goavam-be tao anaty rano.

Ohabolana 1:12

Aoka hitelina azy velona isika, hoatra ny Seoly; hanao azy telomoka, toy ireo midina any an-davaka.

Isaia 34:11

Ny pelikano aman-tsokina no hivolon-tompony ao; ny vorondolo sy ny goaika no honina ao; ary hoenjehina eo aminy ny famolain’ny fikorontanana sy ny levin’ny fanafoanana.

Isaia 42:22

Ary indro ity vahoaka ity, dia voababo sy norobaina ny fananany. Voafatotra ao an-johy avokoa izy rehetra; voahiboka ao an-tranomaizina izy; robaina izy nefa tsy misy mamonjy azy, baboina ny fananany, nefa tsy misy manao hoe: «Avereno!»

Jeremia 50:17

I Israely dia ondry mania izay nohazain’ny liona: ny voalohany nihinana azy, dia ny mpanjakan’i Asiria; ilay anankiray hafa kosa indray, nanapatapaka ny taolany, dia i Nabokodonozora, mpanjakan’i Babela.

Jeremia 50:7

Izay nahita azy ireo, nihinana azy avokoa; ka hoy ny fahavalony: «Tsy meloka isika! satria izy ireo efa nanota tamin’i Iaveh, ilay fonenan’ny fahamarinana; tamin’i Iaveh, ilay fanantenan’ny razany.»

Jeremia 51:44

Hamangy an’i Bela ao Babela Aho: Ka izay nateliny, hotosahako avy eo am-bavany, ary ny firenena, tsy hitanjozotra ho ao aminy intsony. Ny mandan’i Babela aza, nirodana.

Jeremia 51:49

Tsy maintsy ho lavo i Babela, ry ilay maty amin’i Israely, toy ny nahalavoan’ireo maty eran’ny tany ho an’i Babela.

Fitomaniana 1:1

Ahoana re no mitoetra manirery ity, ilay tanàna be olona! Zary toa mpitondratena, ilay nalaza tamin’ny firenena! izy izay mpanjaka vavy eo amin’ny faritany, natao mpandoa hetra.

Fitomaniana 2:16

Misanasana vava mamely anao ny fahavalonao rehetra; misitrîsitra mikitro-nify, manao hoe: «Nolevonintsika izy! Ity no ilay andro nandrasantsika, tratrantsika izy, hitantsika izy!»

Ezekiela 36:3

Noho izany dia maminania, ka ataovy hoe: Izao no lazain’ny Tompo Iaveh: Noho ny andravan’ny olona sy nanitsakitsahan’ny tongony anareo, hatraiza hatraiza, mba hahatongavanareo fananan’izay sisa amin’ny firenena, ary noho ianareo tonga fitenenan’ny vava mitsaontsaona, sy firesaka ratsin’ny olona;

Hosea 8:8

Voatelina i Israely: izy ireo ankehitriny, eny amin’ny firenena nanjary toy ny zavatra tsinontsinona;

Amosa 8:4

Mihainoa izao ianareo mihinana ny mahantra, sy mitady hamongotra ny mavomavo amin’ny tany,

Nahoma 2:2

Misy mpandrava tamy hamely anao; tano ny trano mimanda, ambeno ny lalana, hatanjaho ny andilanao, angony ny herinao rehetra!

Matio 23:13

Mila loza ianareo mpanora-dalàna sy Farisianina mpihatsaravelatsihy, fa hidianareo eo anoloan’ny olona ny fanjakan’ny lanitra; ka ny tenanareo tsy miditra, ny olona hiditra sakananareo.