Jeremia 51:12 - Baiboly Katolika

¹² Manangàna faneva hamely ny mandan’i Babilôna, ataovy mafy ny fahirano; alatsaho ny mpiambina; manaova otrika! Fa nanao hevitra i Iaveh, ka dia manatanteraka izay voalazany hamelezany ny mponina ao Babela.

Baiboly Protestanta Malagasy 2011

¹² Manangàna faneva hamelezana ny eo akaikin’ny mandan’i Babilona; ataovy mafy ny fiambenana; alatsaho ny mpiambina, alamino ny vela-pandrika; fa NY TOMPO sady efa nisaina no nanatanteraka izay nolazainy ny amin’ny mponina any Babilona.

DIEM PROTESTANTA

¹² Atsangano ny fanevam-panairana hanafihana ny mandan’i Babilôna. Hateveno mafy ny fiambenana ka apetraho ny mpiambina sy ny mpitily. Tanteraky ny TOMPO izao ny fikasany, dia izay efa nambarany momba ny mponin’i Babilôna.

Dikateny Iombonana Eto Madagasikara

¹² Atsangano ny fanevam-panairana hanafihana ny mandan’i Babilôna. Hateveno mafy ny fiambenana ka apetraho ny mpiambina sy ny mpitily. Tanteraky ny TOMPO izao ny fikasany, dia izay efa nambarany momba ny mponin’i Babilôna.

Baiboly Protestanta Malagasy

¹² Manangàna faneva eo akaikin’ny màndan’i Babylona; Ataovy mafy ny fiambenana; Alatsaho ny mpiambina, alamino ny otrika; Fa Jehovah sady efa nisaina no nahatanteraka Izay nolazainy ny amin’ny mponina any Babylona.

Malagasy Bible

¹² Manangàna faneva eo akaikin'ny mandan'i Babylona; Ataovy mafy ny fiambenana; Alatsaho ny mpiambina, alamino ny Otrika; Fa Jehovah sady efa nisaina no nahatanteraka izay nolazainy ny amin'ny mponina any Babylona.

La Bible en Malgache

¹² Manangàna faneva hamelezana ny eo akaikin’ny mandan’i Babilona; ataovy mafy ny fiambenana; alatsaho ny mpiambina, alamino ny vela-pandrika; fa NY TOMPO sady efa nisaina no nanatanteraka izay nolazainy ny amin’ny mponina any Babilona.

Jeremia 51:12 Rohy Ifampitohizana

Ohabolana 21:30

Tsy misy fahendrena na fahamalinana, na fisainana eo anatrehan’i Iaveh.

Isaia 11:12

Ary izy hanangam-paneva ho an’ny firenena, hamory ny voasesitany amin’i Israely; hanangona ny tafaely amin’i Jodà, avy any amin’ny vazantany efatra.

Isaia 13:2

Manangàna faneva, eo amin’ny tendrombohitra mangadihady; antsoy amin’ny feo avo izy ireo, hofay tanana izy, handingana ny vavahadin’ireo mpanapaka.

Jeremia 23:20

Tsy hihemotra ny hatezeran’i Iaveh raha tsy efa vitany sy tanterany ny hevitry ny fony. Ho fantatrareo mazava izany, amin’ny andro farany.

Jeremia 4:28

Noho izany ny tany misaona, ary ny lanitra any ambony mihamainty, satria efa nolazaiko sy nokasaiko izany, ka tsy hanenenako na hitsoahako intsony.

Jeremia 50:2

Ambarao any amin’ny firenena, torio izao, manangàna saina, ka torionareo izao; aza afeninareo fa lazao hoe: Azo i Babilôna. Mangaihay i Bela! Voazera i Merodàka! mangaihay ny sampiny, voazera ny andriamanitra tsy izy ao.

Jeremia 50:25

Novohan’i Iaveh ny firaketam-piadiany; ka navoakany avy ao ny fitaovam-pahatezerany; fa ananan’ny Tompo, Iavehn’ny tafika, raharaha ny tanin’ny Kaldeanina.

Jeremia 51:11

Ranito ny zana-tsipìka; misaròna ny ampinganareo! Efa nanetsika ny fanahin’ny mpanjakan’i Media i Iaveh; fa ny fiheviny an’i Babela dia ny handrava azy. Fa izany no valim-bonoana hataon’i Iaveh dia ny hamaliany noho ny amin’ny Tempoliny.

Jeremia 51:27

Manangàna saina, amin’ny tany; mitsofa anjomara, amin’ny firenena; manokàna firenena hamely azy; miantsoa hamely azy ny fanjakan’i Ararata sy Meni ary Askeneza. Manendre ny filohan’ny tafika hamely azy; mandefasa ny soavaly toy ny valala mitsangam-bolo.

Jeremia 51:29

Mihorohoro ny tany, mihefikefika izy, fa mandroso ho tanteraka ny hevitr’i Iaveh hamely an’i Babela, mba hanova ny tanin’i Babela ho tany mampatahotra, tsy misy mponina.

Fitomaniana 2:17

Nataon’i Iaveh izay nokasainy; notanterahiny ny teniny izay efa nolazainy hatramin’ny andro taloha; nandrava Izy fa tsy niantra, nampifaly ny fahavalo noho ny aminao Izy; nanandratra ny tandroky ny mpampahory anao Izy.

Joela 3:2

Na dia ny mpanompo lahy ama-mpanompo vavy aza, handatsahako ny Fanahiko amin’izany andro izany.

Nahoma 2:1

Indro, eny an-tendrombohitra, ny tongotry ny iraka mitondra filazana mahafaly, izay manambara fiadanana. Ankalazao ny fetinao, ry Jodà, efao ny voadinao! Fa tsy handalo eo aminao intsony izy; efa levona mihitsy ny ratsy fanahy.

Josoa 8:14

Vao nahita izany ny mpanjakan’i Haia dia nifoha maraina koa faingana ny lehilahy tao an-tanàna ka nivoaka hitsena an’i Israely. Nandroso niaraka tamin’ny vahoaka rehetra ny mpanjaka nankeo amin’ny toerana nifanekena tandrifin’ny lohasaha, fa tsy nahalala hoe misy otrika hamely azy ao ivohon’ny tanàna.