Jeremia 50:9 - Baiboly Katolika

⁹ Fa indro Aho hanainga sy handefa hamely an’i Babela ny fitambaran’ny firenena lehibe avy amin’ny tany any avaratra. Hilahatra hiady aminy ireny ka hahafaka azy avy any; ny tsipìkany dia tsipìkan’ny mpiady mahery izay tsy mba miverina mitondra tanam-polo.

Baiboly Protestanta Malagasy 2011

⁹ Fa indro, hanaitra sy hampiakatra firenena lehibe manao andiany avy any avaratra hamely an’i Babilona Aho; ary ireo dia hilahatra hamely azy, koa avy ao no hahazoany azy; ho tahaka ny lehilahy mahery sady mahay ny zana-tsipìkany ka tsy miverina foana.

DIEM PROTESTANTA

⁹ Fa firenena lehibe manao andiany no hotairiko sy halefako hanafika an’i Babilôna. Ho tonga avy any avaratra ireny ka hilahatra hiady aminy sy hahazo azy. Tsy hivena mihitsy ny zana-tsipîkany fa ho toy ny miaramila zatra ady ka tsy hiverim-potsiny.

Dikateny Iombonana Eto Madagasikara

⁹ Fa firenena lehibe manao andiany no hotairiko sy halefako hanafika an’i Babilôna. Ho tonga avy any avaratra ireny ka hilahatra hiady aminy sy hahazo azy. Tsy hivena mihitsy ny zana-tsipîkany fa ho toy ny miaramila zatra ady ka tsy hiverim-potsiny.

Baiboly Protestanta Malagasy

⁹ Fa, indro, Izaho hamporisika sy hampiakatra firenena lehibe manao andiany avy any avaratra hamely an’i Babylona; Ary hilahatra hamely azy ireo, Ka avy ao no hanafahany azy; Ny zana-tsipìkany ho tahaka ny lehilahy mahery sady mahay, Izay tsy miverina foana.

Malagasy Bible

⁹ Fa, indro, Izaho hamporisika sy hampiakatra firenena lehibe manao andiany avy any avaratra hamely an'i Babylona; Ary hilahatra hamely azy ireo, ka avy ao no hanafahany azy; Ny zana-tsipìkany ho tahaka ny lehilahy mahery sady mahay, izay tsy miverina foana.

La Bible en Malgache

⁹ Fa indro, hanaitra sy hampiakatra firenena lehibe manao andiany avy any avaratra hamely an’i Babilona Aho; ary ireo dia hilahatra hamely azy, koa avy ao no hahazoany azy; ho tahaka ny lehilahy mahery sady mahay ny zana-tsipìkany ka tsy miverina foana.

Jeremia 50:9 Rohy Ifampitohizana

2Samoela 1:22

Ny ampingan’i Saola tsy mba diloilo no nahosotra azy fa ny ran’ny maratra sy ny tavin’ny mahery; ny tsipìkan’i Jônatasy tsy lasa nihemotra na oviana na oviana ary ny sabatr’i Saola tsy nody maina.

Tononkiran’i Solomona 3:8

samy mitan-tsabatra avokoa, ary zatra ady. Samy eny am-balahany avy, ny sabany, hampisava ny fahatahorana amin’ny alina.

Isaia 21:2

Misy fahitana mahatsiravina naseho tamiko: ny mpandroba, mandroba; ny mpandrava, mandrava. «Iakaro, ry Elama! Hodidino, ry Meda! Hatsahatro ny fisentoana rehetra.»

Isaia 41:25

«Nampitranga azy avy any avaratra Aho, ka tonga izy, avy any atsinanana izy miantso ny Anarako; hoseny hoatra ny fanosy fotaka, ny mpanapaka; sy tahaka ny fanosin’ny mpanao vilany ny tanimanga.»

Jeremia 15:14

ary hafindrako miaraka amin’ny fahavalonao, ho any amin’ny tany tsy fantatrao; fa nisy afo nirehitra tamin’ny fahatezerako; dia hirehitra eo amboninareo izy.»

Jeremia 25:14

Fa hampanompoin’ny firenena maro ama-mpanjaka lehibe kosa indray izy ireo, ka dia hovaliako araka ny nataony sy ny asan’ny tanany avy.

Jeremia 25:26

ny mpanjaka rehetra any avaratra, na ny akaiky na ny lavitra, na ity na itsy mbamin’ny fanjakana rehetra amin’izao tontolo izao, etỳ ambonin’ny tany; ary ny mpanjakan’i Sesàka no hisotro manaraka ireo.

Jeremia 50:14

Milahara hamely an’i Babela, manodidina azy, ianareo mitana tsipìka rehetra. Tofiro izy, aza itsitsian-jana-tsipìka, fa nanota tamin’i Iaveh.

Jeremia 50:21

Miaraka hamely ny tanim-piodinana, sy hamely ny mponim-panasaziana, ravao, aringano mifanarakaraka izy, - teny marin’i Iaveh, - ka tanteraho avokoa izay nandidiako anao.

Jeremia 50:26

Avia hamely azy avokoa ianareo any rehetra any, vohay ny sompiny ka atokotokoy hoatra ny antontam-bary, dia levòny; fa aza avela hisy sisa na dia kely aza.

Jeremia 50:29

Antsoy hamely an’i Babela ny mpandefa tsipìka, mbamin’izay rehetra mpanenjana tsipìka, mitobia manodidina azy ianareo; aza misy afa-mandositra! Valio araka ny asany izy. Toraky ny nataony rehetra no mba ataony aminy kosa, fa nitsangana hanohitra an’i Iaveh, hanohitra an’ilay Masin’i Israely.

Jeremia 50:3

Fa misy firenena avy any avaratra miakatra hamely azy, ka hataony lao ny taniny, fa tsy hisy olo-monina intsony; nitsoaka nandositra, na ny olona na ny biby, dia lasa, - teny marin’i Iaveh. -

Jeremia 51:11

Ranito ny zana-tsipìka; misaròna ny ampinganareo! Efa nanetsika ny fanahin’ny mpanjakan’i Media i Iaveh; fa ny fiheviny an’i Babela dia ny handrava azy. Fa izany no valim-bonoana hataon’i Iaveh dia ny hamaliany noho ny amin’ny Tempoliny.