Jeremia 50:24 - Baiboly Katolika

²⁴ Nofandrihako tamin’ny tady vavarana ianao, ka voa, ry Babela, nefa tsy nampoizinao velively izany; hita ianao ka voasambotra, satria nila ady tamin’i Iaveh.

Baiboly Protestanta Malagasy 2011

²⁴ Nofandrihako ianao, ry Babilona, ka voa, nefa tsy fantatrao akory; hita ka voasambotra koa ianao satria nila ady tamin’NY TOMPO.

DIEM PROTESTANTA

²⁴ Namelarako fandrika ianao, ry Babilôna, ka voan’izany, nefa tsy fantatrao akory. Tratra sy voasambotra ianao, satria Izaho TOMPO no niadianao.»

Dikateny Iombonana Eto Madagasikara

²⁴ Namelarako fandrika ianao, ry Babilôna, ka voan’izany, nefa tsy fantatrao akory. Tratra sy voasambotra ianao, satria Izaho TOMPO no niadianao.»

Baiboly Protestanta Malagasy

²⁴ Nofandrihako hianao, ry Babylona, ka voa, Nefa tsy fantatrao akory; Hita ka voasambotra koa hianao, Satria nila ady tamin’i Jehovah.

Malagasy Bible

²⁴ Nofandrihako ianao, ry Babylona, ka voa, nefa tsy fantatrao akory; Hita ka voasambotra koa ianao, Satria nila ady tamin'i Jehovah.

La Bible en Malgache

²⁴ Nofandrihako ianao, ry Babilona, ka voa, nefa tsy fantatrao akory; hita ka voasambotra koa ianao satria nila ady tamin’NY TOMPO.

Jeremia 50:24 Rohy Ifampitohizana

Joba 15:25

Satria nanainga tanana hamely an’Andriamanitra izy, nihaika ny Tsitoha izy,

Joba 40:2

«Te hiady amin’ny Tsitoha va io mpanadidy azy io? mahavaly va izay mifandahatra amin’Andriamanitra?»

Joba 40:9

Manan-tsandry toy ny an’Andriamanitra va ianao, ary mikotrokotroka tahaka ny Azy va ny feonao?

Joba 9:4

Fa hendry Andriamanitra ao am-pony, mahefa Izy amin’ny heriny. Zovy moa no hanohitra Azy, ka tsy naninon-tsy naninona?

Eksodosy 10:3

Dia nankany amin’i Faraôna i Môizy sy i Aarôna ka nanao taminy hoe: «Izao no lazain’i Iaveh, Andriamanitry ny Hebrio: Mandra-pahoviana no handavanareo tsy hietry eo anatrehako? Alefaso ny vahoakako hanompo Ahy.

Mpitoriteny 9:12

Fa ny fotoanany aza tsy fantatry ny olombelona; toy ny hazandrano latsaka am-bovo tsy azo ialana, sy toy ny vorona voan’ny fandrika, tahaka azy ireo koa ny zanak’olombelona dia voafadiditra amin’ny androm-pahoriana, raha avy izay iantsamboran-doza tampoka aminy.

Isaia 13:11

Hosaziko izao tontolo izao noho ny faharatsiany; ary ny ratsy fanahy noho ny helony; hataoko mitsahatra ny fiandranandran’ny mpirehareha; ary haetriko ny avonavon’ireo mpanjaka manao jadona.

Isaia 45:9

Loza ho an’izay miady hevitra amin’ilay namorona azy, nefa tavim-bilany isan’ny tavim-bilany tany ihany izy. Ny tanimanga va hilaza amin’izay namolavola azy hoe: «Inona ity ataonao?» Ny asanao va hanao hoe: «Tsy manan-tanana izy?»

Jeremia 48:43

Tahotra, lavaka amam-pandrika, no mitatao anao, ry mponina any Moaba, - teny marin’i Iaveh. -

Jeremia 48:44

Izay mandositra ny zava-mahatahotra azy, voan’ny fandrika; fa hataoko tonga aminy, dia amin’i Moaba, ny taona famangiana azy, - teny marin’i Iaveh. -

Jeremia 51:57

Hataoko mamo ny mpanapaka aman’olo-kendriny, ny governora ama-mpitsarany, ary ny mpiandry maheriny, ka ho raiki-tory amin’ny torimaso mandrakizay ireo, dia tsy hifoha intsony, - teny marin’ny Mpanjaka, - izay manana anarana hoe: Iavehn’ny tafika.

Jeremia 51:8

Nianjera tampoka anefa i Babela, ka torotoro; migogogogoa azy; makà diloilo manitra hatao amin’ny feriny; angamba ho sitrana ihany izy.

2Tesaloniana 2:4

izay mitsangan-ko fahavalo sy manandra-tena ho ambonin’izay rehetra atao hoe Andriamanitra na ivavahana, ary sahy mipetraka ao amin’ny Tempolin’Andriamanitra sy maneho ny tenany ho Andriamanitra aza.