Jeremia 50:14 - Baiboly Katolika

¹⁴ Milahara hamely an’i Babela, manodidina azy, ianareo mitana tsipìka rehetra. Tofiro izy, aza itsitsian-jana-tsipìka, fa nanota tamin’i Iaveh.

Baiboly Protestanta Malagasy 2011

¹⁴ Milahara manodidina an’i Babilona hamelezana azy, ianareo rehetra izay manenjana tsipìka; asio izy, fa aza tsitsìna ny zana-tsipìka, fa tamin’NY TOMPO no nanotany.

DIEM PROTESTANTA

¹⁴ Ianareo rehetra mpitifitra amin’ny tsipîka, milahara manodidina an’i Babilôna. Amelezo azy ny zana-tsipîkanareo ka aza tsitsîna mihitsy satria meloka eo anatrehan’ny TOMPO izy.

Dikateny Iombonana Eto Madagasikara

¹⁴ Ianareo rehetra mpitifitra amin’ny tsipîka, milahara manodidina an’i Babilôna. Amelezo azy ny zana-tsipîkanareo ka aza tsitsîna mihitsy satria meloka eo anatrehan’ny TOMPO izy.

Baiboly Protestanta Malagasy

¹⁴ Milahara manodidina hamely an’i Babylona, Hianareo rehetra izay manenjana tsipìka; Asio izy, fa aza tsitsina ny zana-tsipìka, Fa tamin’i Jehovah no nanotany.

Malagasy Bible

¹⁴ Milahara manodidina hamely an'i Babylona, ianareo rehetra izay manenjana tsipìka; Asio izy, fa aza tsitsina ny zana-tsipìka, fa tamin'i Jehovah no nanotany.

La Bible en Malgache

¹⁴ Milahara manodidina an’i Babilona hamelezana azy, ianareo rehetra izay manenjana tsipìka; asio izy, fa aza tsitsìna ny zana-tsipìka, fa tamin’NY TOMPO no nanotany.

Jeremia 50:14 Rohy Ifampitohizana

2Samoela 10:9

Nony hitan’i Jôaba fa samy nisy vava ady teo anoloany sy teo ivohony, dia antokony iray tamin’izay voafantina tamin’i Israely no nofidiny hilahatra mifanatrika amin’ny Sirianina,

Salamo 51:4

Sasao tanteraka aho amin’ny heloko, ary diovy aho amin’ny fahotako.

Isaia 13:4

Injany re ny horakoraka any an-tendrombohitra, toa hahohahom-bahoaka be; injany re ny tabataban’ny fanjakana, ny firenena tafavory: i Iavehn’ny tafika izany mampanao matso ireo miaramilany mpiantafika.

Isaia 5:28

Voaranitra avokoa ny zana-tsipikany, voahenjana avokoa ny tsipìkany; mafy tahaka ny vato ny kitron-tsoavaliny; tahaka ny tadio ny kodiaran-tsaretiny.

Jeremia 46:9

Mandrosoa, ry soavaly; mirimorimoa, ry kalesy! Miaingà, ry mpiady! Ry Etiôpianina sy Libianina mitana ampinga, Ry Lidianina, mitana sy manenjana tsipìka!»

Jeremia 49:14

Nahazo filazana avy amin’i Iaveh aho, sady nisy iraka nalefa ho any amin’ny firenena hanao hoe: «Mivoria ianareo, ary mandehana mamely azy, mitsangàna ianareo mba hiady!»

Jeremia 49:35

Izao no lazain’i Iavehn’ny tafika: Indro fa andeha hotapahiko ny tsipìkan’i Elama, izay fototry ny heriny.

Jeremia 50:11

Eny, mifalia ianareo; eny, miravoravoa ianareo, ry mpamabo ny lovako; eny, aoka hifalihavanja hoatra ny omby vavy kely eny an-tanim-bilona ianareo; sady haneno toy ny soavaly lahy!

Jeremia 50:29

Antsoy hamely an’i Babela ny mpandefa tsipìka, mbamin’izay rehetra mpanenjana tsipìka, mitobia manodidina azy ianareo; aza misy afa-mandositra! Valio araka ny asany izy. Toraky ny nataony rehetra no mba ataony aminy kosa, fa nitsangana hanohitra an’i Iaveh, hanohitra an’ilay Masin’i Israely.

Jeremia 50:42

Tsipìka aman-dongy no entiny an-tanana; olo-masiaka tsy mahalala antra izy. Mireondreona hoatra ny ranomasina ny feony, mitaingin-tsoavaly izy, milahatra hoatra ny olona iray monja, hamely anao, ry zanaka vavin’i Babela.

Jeremia 50:7

Izay nahita azy ireo, nihinana azy avokoa; ka hoy ny fahavalony: «Tsy meloka isika! satria izy ireo efa nanota tamin’i Iaveh, ilay fonenan’ny fahamarinana; tamin’i Iaveh, ilay fanantenan’ny razany.»

Jeremia 50:9

Fa indro Aho hanainga sy handefa hamely an’i Babela ny fitambaran’ny firenena lehibe avy amin’ny tany any avaratra. Hilahatra hiady aminy ireny ka hahafaka azy avy any; ny tsipìkany dia tsipìkan’ny mpiady mahery izay tsy mba miverina mitondra tanam-polo.

Jeremia 51:2

Ary handefa mpanakororòka hikororòka an’i Babela Aho ka hataony foana ny tany fa hiantoraka hamely azy hatraiza hatraiza ireo, amin’ny andro fahoriana.

Jeremia 51:27

Manangàna saina, amin’ny tany; mitsofa anjomara, amin’ny firenena; manokàna firenena hamely azy; miantsoa hamely azy ny fanjakan’i Ararata sy Meni ary Askeneza. Manendre ny filohan’ny tafika hamely azy; mandefasa ny soavaly toy ny valala mitsangam-bolo.

Jeremia 51:3

Aoka ny mpandefa tsipìka hanenjana ny tsipìkany, hamely ny mpandefa tsipìka mbamin’izay miedinedina amin’ny akanjo fiarovan-tratrany. Aza mitsitsy ny zatovony, aringano avokoa ny tafiny rehetra.

Habakoka 2:17

Fa hitsingerina aminao ny fahasiahana namelezana an’i Libàna mbamin’ny fandringanana ny biby raiki-tahotra mahatsiravina, noho ny ran’olona nalatsaka, sy ny loza natao tamin’ny tany, na tamin’ny tanàna na tamin’ny mponina rehetra ao aminy.

Habakoka 2:8

Noho ianao namabo firenena maro, dia mba hobaboin’ny firenena sisa rehetra kosa, noho ny ran’olona nalatsaka, sy ny fandozàna natao tamin’ny tany, na tamin’ny tanàna, na tamin’ny mponina rehetra ao aminy.

Apokalipsy 17:5

Nisy anarana, dia anarana miafin-kevitra voasoratra teo an-kandriny, nanao hoe: «Babilôna lehibe, Renin’ny fijangajangana sy ny zava-betaveta amin’ny tany.»

1Samoela 17:20

Nifoha maraina koa i Davida, dia navelany tamin’ny mpiandry anankiray ny ondriny, noraisiny ireto vatsy ka nandeha araka ny nandidian’i Isaï azy izy. Tamin’ny nahatongavany tao amin’ny fitobiana indrindra dia nivoaka avy eo an-toby ndeha hilahatra hiady ny tafika, ka velona ny akoran’ady.