Jeremia 47:3 - Baiboly Katolika

³ Rehefa re ny fikatraokan’ny tongo-tsoavaliny, sy ny firodorodon’ny kalesiny aman-tabataban’ny kodiarany: tsy miherika izay zanany intsony ny rainy, fa efa miraviravy tanana fatratra ny olona.

Baiboly Protestanta Malagasy 2011

³ noho ny fikatrokatroky ny kitron’ny soavaliny matanjaka sy ny fikorodondrodon’ny kalesy fitondrany miady ary ny fikotrokotroky ny kodiarany; ary ny ray dia tsy mijery ny zanany fa miraviravy tanana,

DIEM PROTESTANTA

³ Mikatrokatroka ny kitron’ireo soavaly matanjaka mirodorodo ny kalesy ary mikotrokotroka ny kodiarany; ka manadino zanaka ny ray aman-dreny satria efa miraviravy tanana.

Dikateny Iombonana Eto Madagasikara

³ Mikatrokatroka ny kitron’ireo soavaly matanjaka mirodorodo ny kalesy ary mikotrokotroka ny kodiarany; ka manadino zanaka ny ray aman-dreny satria efa miraviravy tanana.

Baiboly Protestanta Malagasy

³ Noho ny fikatrokatroky ny kitron’ny soavaliny matanjaka Sy ny fikorodondrodon’ny kalesiny Ary ny fikotrokotroky ny kodiany Ny ray dia tsy miherika ny zanany, fa efa miraviravy tànana,

Malagasy Bible

³ Noho ny fikatrokatroky ny kitron'ny soavaliny matanjaka sy ny fikorodondrodon'ny kalesiny ary ny fikotrototroky ny kodiany ny ray dia tsy miherika ny zanany, fa efa miraviravy tanana,

La Bible en Malgache

³ noho ny fikatrokatroky ny kitron’ny soavaliny matanjaka sy ny fikorodondrodon’ny kalesy fitondrany miady ary ny fikotrokotroky ny kodiarany; ary ny ray dia tsy mijery ny zanany fa miraviravy tanana,

Jeremia 47:3 Rohy Ifampitohizana

Isaia 5:28

Voaranitra avokoa ny zana-tsipikany, voahenjana avokoa ny tsipìkany; mafy tahaka ny vato ny kitron-tsoavaliny; tahaka ny tadio ny kodiaran-tsaretiny.

Jeremia 46:9

Mandrosoa, ry soavaly; mirimorimoa, ry kalesy! Miaingà, ry mpiady! Ry Etiôpianina sy Libianina mitana ampinga, Ry Lidianina, mitana sy manenjana tsipìka!»

Jeremia 50:42

Tsipìka aman-dongy no entiny an-tanana; olo-masiaka tsy mahalala antra izy. Mireondreona hoatra ny ranomasina ny feony, mitaingin-tsoavaly izy, milahatra hoatra ny olona iray monja, hamely anao, ry zanaka vavin’i Babela.

Jeremia 8:16

Re hatrany Dana ny fiefonefon’ny soavaliny. Raha mahare ny fanenon’ny soavaliny dia mihorohoro avokoa ny tany. Tonga izy dia levoniny ny tany mbamin’izay ao aminy, ny tanàna mbamin’ny mponina ao aminy.

Ezekiela 23:24

Ho avy hamely anao ny fiadiana, ny kalesy aman-kodiarana, mbamin’ny firenena maro. Ny ampinga, ny ampinga kely, ny fiarovan-doha, halahany hamely anao; hapetrako amin’ireo ny fitsarana, ka hotsaraina araka ny lalàny ianao.

Nahoma 2:4

Voaloko mena ny ampingan’ny mpiadiny, miakanjo mena mangatrakatraka ny miaramilany: mitranga ny kalesiny ao anatin’ny vy manjelanjelatra, amin’ny andro iomanany hiady, ary ny lefony mandihindihy.

Nahoma 2:8

Efa tanteraka izao, dia nampitanjahiny, lasan-ko babo izy io, ka mitoloko ny mpanompovaviny toy ny fitolokon’ny voromahailala; mandondon-tratra izy ireo.

Apokalipsy 9:9

Ny fiarovan-tratran’izy ireo dia toy ny akanjo vy; ny fikopakopaky ny elany, sahala amin’ny fikotrokotroky ny kalesy tarihin-tsoavaly maro miriotra hiady;

Mpitsara 5:22

Nikatrokatroka tamin’izay ny kitron’ny soavaly, tamin’ny hazakazaka, dia ny firiotran’ny mpiadiny,