Jeremia 37:18 - Baiboly Katolika

¹⁸ Hoy koa i Jeremia tamin’i Sedesiasa mpanjaka: «Inona no ratsy nataoko taminao na tamin’ireo mpanomponao na tamin’ity vahoaka ity, no dia nalatsakareo an-tranomaizina aho?

Baiboly Protestanta Malagasy 2011

¹⁸ Hoy koa i Jeremia tamin’i Zedekia mpanjaka: Inona no ratsy nataoko taminao, na tamin’ny mpanomponao, na tamin’ity firenena ity, no dia nataonareo an-tranomaizina aho?

DIEM PROTESTANTA

¹⁸ Ary hoy koa i Jeremià tamin’i Tsedekià mpanjaka: –Inona no heloka nataoko taminao na tamin’ny manamboninahitrao na tamin’ny mponina eto amin’ity tanàna ity no dia nataonareo an-tranomaizina aho?

Dikateny Iombonana Eto Madagasikara

¹⁸ Ary hoy koa i Jeremià tamin’i Tsedekià mpanjaka: –Inona no heloka nataoko taminao na tamin’ny manamboninahitrao na tamin’ny mponina eto amin’ity tanàna ity no dia nataonareo an-tranomaizina aho?

Baiboly Protestanta Malagasy

¹⁸ Ary hoy koa Jeremia tamin’i Zedekia mpanjaka: Inona no ratsy nataoko taminao, na tamin’ny mpanomponao, na tamin’ity firenena ity, no dia nataonareo tao an-trano-maizina aho?

Malagasy Bible

¹⁸ Ary hoy koa Jeremia tamin'i Zedekia mpanjaka: Inona no ratsy nataoko taminao, na tamin'ny mpanomponao, na tamin'ity firenena ity, no dia nataonareo tao an-trano-maizina aho?

La Bible en Malgache

¹⁸ Hoy koa i Jeremia tamin’i Zedekia mpanjaka: Inona no ratsy nataoko taminao, na tamin’ny mpanomponao, na tamin’ity firenena ity, no dia nataonareo an-tranomaizina aho?

Jeremia 37:18 Rohy Ifampitohizana

Genesisy 31:36

Dia tezitra i Jakôba ka nanome tsiny an’i Labàna; ary niteny i Jakôba ka nanao tamin’i Labàna hoe: «Inona no heloko, inona no hadisoako, no dia efa milofo erỳ ianao manenjika ahy?

Ohabolana 17:13

Izay mamaly ratsy ny soa, dia tsy hialan-doza mandrakizay ny tranony.

Ohabolana 17:26

Tsy mety ny mamely ny marina amin’ny sazy, na manameloka ny manan-kaja noho ny fahitsiam-pony.

Jeremia 26:19

Ka moa namono azy va i Ezekiasa sy i Jodà rehetra? Tsy natahotra an’i Iaveh ahay va izy ireo? Tsy nifona tamin’i Iaveh va izy? Dia nanenenan’i Iaveh ny loza nolazainy hamelezana azy ireo, hampidi-doza amin’ny fanahintsika?

Jaona 10:32

fa hoy i Jesoa tamin’izy ireo: «Be ny asa soa nasehoko teo taminareo, avy tamin’ny Ray, ka iza amin’ireny asa ireny no itorahanareo Ahy?»

Asan’ny Apostoly 23:1

Dia nibanjina ny Sanedrìna i Paoly ka nanao hoe: «Ry rahalahy ô, nitondra tena tsara teo anatrehan’Andriamanitra tamin-kitsim-po tokoa aho mandraka androany.»

Asan’ny Apostoly 24:16

ka noho izany dia nikely aina mandrakariva koa aho mba tsy hotsinin’ny fieritreretako, na eo anatrehan’Andriamanitra, na eo anatrehan’ny olombelona.

Asan’ny Apostoly 25:11

Fa raha nanao ratsy aho, na misy heloka tokony hahafaty ahy, dia tsy mandà ny ho faty akory. Ary raha izay zavatra tsy misy fotony foana kosa no iampangan’izy ireo ahy, dia tsy misy olona manam-pahefana hanolotra ahy aminy. Fa mangataka hotsarain’i Sezara aho.»

Asan’ny Apostoly 25:25

Raha toa ahy, dia ataoko fa tsy nanao na inona na inona tokony hahafaty azy izy io, saingy nangataka hotsarain’ny amperora izy, ka dia tapa-kevitra ny hampanatitra azy ho any aminy aho.

Asan’ny Apostoly 25:8

Ary izao no navalin’i Paoly hanalany tsiny ny tenany amin’izany: «Tsy nanao ratsy velively aho, na tamin’ny Lalàn’ny Jody, na tamin’ny Tempoly, na tamin’i Sezara.»

Asan’ny Apostoly 26:31

Nony tafavoaka izy ireo dia nifampilaza hoe: Tsy nanao na inona na inona tokony hahafaty azy na hamatorana azy io lehilahy io.

Galatiana 4:16

Sa dia tonga fahavalonareo indray aho, fa nilaza ny marina taminareo?