Jeremia 36:23 - Baiboly Katolika

²³ Vao toko telo na efatra no voavakin’i Jodì, dia notapahin’ny mpanjaka tamin’ny antsipìkan’ny mpanoratra, ilay taratasy, ka natsipiny tao anatin’ny afo tao am-patana, mandra-pahalevon’ny afo tao am-patana ny horonan-taratasy manontolo.

Baiboly Protestanta Malagasy 2011

²³ Ary nony efa namaky toko telo na efatra i Jehody dia notapatapahin’ny mpanjaka tamin’ny antsin’ny mpitantsoratra ny horonan-taratasy ka natsipitsipiny tao anaty afo teo am-patana, mandra-pahalevon’ny afo azy rehetra tao.

DIEM PROTESTANTA

²³ Koa isaky ny mahavaky toko telo na efatra i Jehodỳ, dia notapatapahin’ny mpanjaka tamin’ny antsipîka ireny ka natsipiny tao anaty afo; koa farany dia tapitra may avokoa ny horonan-taratasy manontolo.

Dikateny Iombonana Eto Madagasikara

²³ Koa isaky ny mahavaky toko telo na efatra i Jehodỳ, dia notapatapahin’ny mpanjaka tamin’ny antsipîka ireny ka natsipiny tao anaty afo; koa farany dia tapitra may avokoa ny horonan-taratasy manontolo.

Baiboly Protestanta Malagasy

²³ Ary nony efa namaky toko telo na efatra Jehody, dia notapatapahin’ny mpanjaka tamin’ny antsipìka ny horonan-taratasy ka natsipitsipiny teo anaty afo teo am-patana, mandra-pahalevon’ny afo azy rehetra teo am-patana.

Malagasy Bible

²³ Ary nony efa namaky toko telo na efatra Jehody, dia notapatapahin'ny mpanjaka tamin'ny antsipika ny horonan-taratasy ka natsipitsipiny teo anaty afo teo am-patana, mandra-pahalevon'ny afo azy rehetra teo am-patana.

La Bible en Malgache

²³ Ary nony efa namaky toko telo na efatra i Jehody dia notapatapahin’ny mpanjaka tamin’ny antsin’ny mpitantsoratra ny horonan-taratasy ka natsipitsipiny tao anaty afo teo am-patana, mandra-pahalevon’ny afo azy rehetra tao.

Jeremia 36:23 Rohy Ifampitohizana

1Mpanjaka 22:27

lazao hoe: Izao no lazain’ny mpanjaka: Ataovy an-tranomaizina ity olona ity ka mofom-pahoriana aman-dranom-pahoriana no amelomy azy, mandra-piveriko soa aman-tsara.»

1Mpanjaka 22:8

Dia hoy ny mpanjakan’i Israely namaly an’i Jôsafata: «Mbola misy lehilahy anankiray ihany eto, azontsika anontaniana amin’i Iaveh, dia i Mikea, zanak’i Jemlà; nefa halako izy, satria tsy mba maminany soa ho ahy, fa loza ihany.» Ka hoy i Jôsafata: «Aza manao izany, ry mpanjaka.»

Salamo 50:17

izay ianao olona mankahala fifehezana, sy manifika ny teniko any ivohonao?

Ohabolana 1:30

satria tsy nandray ny saina natolotro, ary tsy nanao ho zavatra ny fananarako rehetra,

Ohabolana 13:13

Manary tena izay manamavo ny teny; fa hahazo valisoa kosa, izay manaja ny didy.

Ohabolana 19:21

maro ny fikasana mihetsiketsika ao am-pon’ny olona, fa ny hevitr’i Iaveh ihany no tanteraka.

Ohabolana 21:30

Tsy misy fahendrena na fahamalinana, na fisainana eo anatrehan’i Iaveh.

Ohabolana 29:1

Ny olona tandrifin’ny hanarina, ka mihamafy hatoka, dia ho torotoro tampoka tsy hisy fanafody hahasitrana.

Ohabolana 5:12

ka hanao hoe: «Naninona re aho no nankahala famaizana, ary naninona re ny foko no nanamavo fananarana?

Jeremia 36:2

Mangalà horonan-taratasy ianao, ka soraty ao avokoa ny teny nolazaiko taminao, mamely an’i Israely sy i Jodà ary ny firenena rehetra, hatramin’ny andro nitenenako taminao, hatramin’ny andron’i Josiasa ka mandraka androany.

Jeremia 36:27

Ary natao tamin’i Jeremia ny tenin’i Iaveh, taorian’ny nandoran’ny mpanjaka ny horonan-taratasy, mbamin’ny teny nosoratan’i Baròka araka ny nanononan’i Jeremia azy, dia toy izao:

Jeremia 36:28

«Mandehana maka horonan-taratasy hafa indray ianao; ka soraty ao avokoa ireo teny voalohany, tao amin’ilay horonan-taratasy voalohany, nodoran’i Jôakima mpanjakan’i Jodà.

Apokalipsy 22:19

Ary raha misy kosa manesotra teny amin’ity boky faminaniana ity, dia hoesorin’Andriamanitra ny anjarany amin’ny hazon’aina sy ny tanàna masina voasoratra amin’ity boky ity.