Jeremia 3:3 - Baiboly Katolika

³ ka voasakana ny oram-pararano tsy nisy ny oran-dohataona. Nefa handrim-behivavy janga ny anao, ka tsy nety nahalala menatra ianao.

Baiboly Protestanta Malagasy 2011

³ Voasakana noho izany ny orana mivatravatra sady tsy tonga ny orana amin’ny lohataona; fa ny handrinao dia handrin’ny vehivavy janga ka tsy manaiky ho menatra ianao.

DIEM PROTESTANTA

³ Koa nosakanako tsy ho avy aminao ny oram-be sady tsy nisy koa ny oran-dohataona. Nefa nikiry hijangajanga ihany ianao fa tsy nety niaiky ny fahadisoanao.

Dikateny Iombonana Eto Madagasikara

³ Koa nosakanako tsy ho avy aminao ny oram-be sady tsy nisy koa ny oran-dohataona. Nefa nikiry hijangajanga ihany ianao fa tsy nety niaiky ny fahadisoanao.

Baiboly Protestanta Malagasy

³ Ka dia voasakana ny orana mivatravatra, Sady tsy tonga ny fara-orana; Ary ny handrinao dia handrin’ny vehivavyj anga Ka tsy manan-kenatra.

Malagasy Bible

³ Ka dia voasakana ny orana mivatravatra, sady tsy tonga ny fara-orana; Ary ny handrinao dia handrin'ny vehivavy janga ka tsy manan-kenatra.

La Bible en Malgache

³ Voasakana noho izany ny orana mivatravatra sady tsy tonga ny orana amin’ny lohataona; fa ny handrinao dia handrin’ny vehivavy janga ka tsy manaiky ho menatra ianao.

Jeremia 3:3 Rohy Ifampitohizana

Genesisy 19:34

Nony ampitso, dia hoy ilay zokiny tamin’ny zandriny: «Efa nandry tamin’i dada aho alina, ka handeha indray hampisotrointsika divay izy, anio alina, dia mandehana mandry aminy ianao, mba hananantsika fara mandimby avy amin’ny raintsika.»

Nehemia 9:17

Nandà tsy hihaino izy, ary tsy nahatsiaro ny fahagagana nataonao ho fanasoavana azy. Nanamafy ny hatony ary nentin’ny di-dohany dia nanendry mpitarika ho azy izy, mba hiverenany amin’ny fahandevozany. Saingy dia Andriamanitra vonon-kamela heloka Ianao, miantra sy mamindra fo, ary malain-kitezitra, sy tsara fo indrindra, ka tsy nafoinao izy.

Ohabolana 21:29

Ny ratsy fanahy maneho hasahisahiana amin’ny endriny, fa ny mahitsy fo kosa manitsy ny lalany.

Isaia 5:6

Hataoko tany foana izy; ka tsy hohetezana na hasaina intsony; fa hanirian’ny hery aman-tsilo; ary handidy ny rahona aho, tsy handatsaka orana aminy intsony.

Jeremia 14:1

Tenin’i Iaveh tonga tamin’i Jeremia, ny amin’ny fahamainan’ny tany.

Jeremia 14:22

Mba misy mahalatsaka orana va ny sampy foanan’ny firenena? sa ny lanitra no manome ny ranonorana? Fa tsy Ianao ihany, ry Iaveh Andriamanitray? Koa Ianao no antenainay, satria Ianao no manao izany rehetra izany.»

Jeremia 14:3

Irahin’ny lehibe haka rano ny madinika, dia mankany amin’ny lavaka famorian-drano ireo, fa tsy mahita rano; ka miverina mitondra siny foana; menatra sy mangaihay, ary misaron-doha foana.

Jeremia 14:4

Noho ny tany vaky hentana, azon’ny tsy fisian’ny orana amin’ny tany, dia mangaihay ny mpiasa, ka misaron-doha.

Jeremia 36:2

Mangalà horonan-taratasy ianao, ka soraty ao avokoa ny teny nolazaiko taminao, mamely an’i Israely sy i Jodà ary ny firenena rehetra, hatramin’ny andro nitenenako taminao, hatramin’ny andron’i Josiasa ka mandraka androany.

Jeremia 5:24

Fa tsy mba manao anakam-po hoe: Aoka isika hatahotra an’i Iaveh Andriamanitsika, izay mandatsaka ny ranonorana, dia ny loha orana sy ny fara orana, amin’ny fotoany avy, sady mitandrina ho antsika ireo herinandro voatendry ho fararano.

Jeremia 5:25

Ny helokareo no nanakorontana izany filaminana izany; ny fahotanareo no nanala izany soa izany taminareo.»

Jeremia 5:3

Ry Iaveh ô, tsy ny fo mahatoky va no tadiavin’ny masonao? Nikapoka azy Ianao, fa tsy nalahelo izy; nandripaka azy Ianao, fa tsy nety nino anatra izy; nohamafisiny mihoatra noho ny vatolampy ny tavany, tsy nety nibebaka izy.

Jeremia 6:15

Homenàriny izy, fa nanao fahavetavetana; nefa tsy mba mahalala menatra intsony izy, ary tsy mba valahara! Koa dia hiara-davo amin’izay lavo izy ireo; ary hiteraka amin’ny andro hamangiako azy izy, hoy i Iaveh.

Jeremia 8:12

Homenàrina izy, fa nanao fahavetavetana, nefa tsy mba mahalala menatra intsony izy, ary tsy mba valahara! koa dia hiara-davo amin’izay lavo izy ireo; ary hiteraka amin’ny andro hamangiako azy izy», hoy i Iaveh.

Jeremia 9:12

Dia hoy i Iaveh: «Satria izy ireo nahafoy ny lalàko, izay nataoko teo anoloany; tsy nihaino ny feoko, sy tsy nanaraka izany.

Ezekiela 3:7

Ary tsy hety hihaino anao ny taranak’i Israely, satria tsy mety mihaino Ahy izy, fa henjan-kandrina sy tsy vaky afero avokoa, ny taranak’i Israely.

Levitikosy 26:19

Horavako ny reharehan’ny herinareo; hataoko toy ny vy ny lanitrareo, ary toy ny varahina ny taninareo.

Amosa 4:7

Koa ny orana nahantoko tsy ho aminareo, raha mbola telo volana sisa vao ho fararano; tamin’ny tanàna iray nataoko avy ny orana; fa tamin’ny tanàna iray hafa kosa, tsy nalatsako ny orana; ny faritany iray tondrahan’ny orana; fa ny faritany iray hafa kosa, izay tsy nilatsahan’ny orana, dia nihamaina.

Amosa 4:8

Tanàna roa aman-telo no indray miezaka mankany an-tanàna hafa, mba hisotro rano, kanjo tsy mety afa-ketaheta ireny; nefa tsy mbola niverina tamiko ihany ianareo, - teny marin’i Iaveh. -

Zefania 2:1

Mitombena saina, mieritrereta ao anatinareo, ry karazan’olona lany henatra,

Zefania 3:5

Marina i Iaveh eo afovoany, tsy misy tsy rariny ny ataony; mamoaka ny fitsaràny isa-maraina izy mba hanome ny fahazavana, ary tsy diso amin’izany izy na oviana na oviana; fa ny olona tsy tia vavaka tsy mahalala henatra!

Hagay 1:11

Niantso ny fahamainana Aho, ho amin’ny tany sy ny tendrombohitra, ho amin’ny vary, ny divay vaovao, ny diloilo, sy izay rehetra mety ho vokatry ny tany, mbamin’ny olona sy ny biby, ary ny asan-tanana rehetra.

Deoteronomia 28:23

Ny lanitrao eo ambony lohanao ho varahina, ary ny tany eo ambany tongotrao ho vy.

Hebreo 12:25

Tandremo fandrao mandà izay miteny ianareo; fa na ry zareo nandà izay niteny teto an-tany aza tsy afa-nandositra, ka mainka isika raha mandà Ilay miteny amintsika avy any an-danitra,