Jeremia 3:16 - Baiboly Katolika

¹⁶ Ary rehefa mitombo sy mihamaro amin’ny tany ianareo, amin’izany andro izany, - teny marin’i Iaveh, - amin’izany tsy hisy intsony ny hilaza hoe: «Ny fiaran’ny faneken’i Iaveh!» tsy ho mby ao an-tsaina akory izany, tsy hisy hahatsiaro na ho manina an’izany intsony, na hanao anankiray hafa indray.

Baiboly Protestanta Malagasy 2011

¹⁶ Koa rehefa mitombo sy mihamaro amin’ny tany ianareo dia amin’izany andro izany, hoy NY TOMPO, no tsy hitenenany intsony ny vata misy ny faneken’NY TOMPO; ary tsy hosaintsaininy akory izany sady tsy hahatsiaro na ho manina izany izy, na hanamboatra vata hafa.

DIEM PROTESTANTA

¹⁶ Amin’izany fotoana izany, hoy ihany ny teny hentitry ny TOMPO, dia hanjary ho maro sy hitombo be dia be ao amin’ity tany ity ianareo. Tsy horesahina intsony ny Vatamasina mirakitra ny fanekempihavanako. Tsy ho ao an-tsain’ny olona intsony izany fa hohadinoiny, tsy hisy ho manina azy na hanao Vatamasina hafa.

Dikateny Iombonana Eto Madagasikara

¹⁶ Amin’izany fotoana izany, hoy ihany ny teny hentitry ny TOMPO, dia hanjary ho maro sy hitombo be dia be ao amin’ity tany ity ianareo. Tsy horesahina intsony ny Vatamasina mirakitra ny fanekempihavanako. Tsy ho ao an-tsain’ny olona intsony izany fa hohadinoiny, tsy hisy ho manina azy na hanao Vatamasina hafa.

Baiboly Protestanta Malagasy

¹⁶ Koa rehefa mitombo sy mihamaro amin’ny tany hianareo, Dia amin’izany andro izany, hoy Jehovah, No tsy hanaovany intsony hoe: Ny fiaran’ny faneken’i Jehovah; Ary tsy hosaintsaininy akory izany, Sady tsy hahatsiaro na ho manina izany izy, Na hanao fiara intsony.

Malagasy Bible

¹⁶ Koa rehefa mitombo sy mihamaro amin'ny tany ianareo, dia amin'izany andro izany, hoy Jehovah, no tsy hanaovany intsony hoe: Ny fiaran'ny faneken'i Jehovah; Ary tsy hosaintsaininy akory izany, sady tsy hahatsiaro na ho manina izany izy, na hanao fiara intsony.

La Bible en Malgache

¹⁶ Koa rehefa mitombo sy mihamaro amin’ny tany ianareo dia amin’izany andro izany, hoy NY TOMPO, no tsy hitenenany intsony ny vata misy ny faneken’NY TOMPO; ary tsy hosaintsaininy akory izany sady tsy hahatsiaro na ho manina izany izy, na hanamboatra vata hafa.

Jeremia 3:16 Rohy Ifampitohizana

Isaia 60:22

Ny vitsy indrindra ho tonga arivo; ary ny kely indrindra ho firenena mahery. Izaho Iaveh no hanafaingana izany samy amin’ny fotoany avy.

Isaia 61:4

Amin’izany izy ireo dia hanangana ny efa rava ela; hanarina indray ny sisan’izay voafongotra fahiny; hamboatra ny tanàna simba, mbamin’ny korontan-javatra rava tamin’ny taona lasa.

Isaia 65:17

Fa indro mahary lanitra vaovao sy tany vaovao Aho, ka ny zavatra taloha dia tsy hotsarovana intsony, na ho mby ao an-tsaina akory aza.

Jeremia 3:17

Amin’izany andro izany i Jerosalema hantsoina hoe: «ny seza fiandrianan’i Iaveh!» Ary ny firenena rehetra hivory ao Jerosalema, amin’ny Anaran’i Iaveh, fa tsy hanaraka ny ditran’ny fony ratsy intsony izy.

Jeremia 30:19

Hira fiderana no hivoaka avy ao, sy hobim-piravoravoana. Hahamaro azy Aho, ka tsy hohavitsîna intsony izy; hanome voninahitra azy Aho, ka tsy hohamavoina intsony izy;

Jeremia 31:27

Indro, avy ny andro, - teny marin’i Iaveh, - hamafazako eo amin’ny taranak’i Israely aman-taranak’i Jodà, masombolin’olombelona sy masombolim-biby. Ka izao no hitranga: toy ny niambenako azy ireo: hongotana, hazera, harodana, horavana ary hampahorina,

Jeremia 31:8

Indro Aho mamerina azy avy any amin’ny tany avaratra; manangana azy avy any amin’ny faran’ny tany. Ho eo amin’izy ireo ny jamba sy ny mandringa, ny manana anaka sy ny efa mihetsi-jaza; hanao dia be izy ireo no hiverina atỳ.

Jeremia 7:4

Aza matoky ny teny laingan-dry zareo manao hoe: Ity no tempolin’i Iaveh, Tempolin’i Iaveh, Tempolin’i Iaveh!

Ezekiela 15:5

Fony mbola tsy nahafahana aza izy, tsy azo nanaovana na inona na inona; ka mainka rehefa kila sy main’ny afo, ho azo atao inona intsony?

Ezekiela 37:26

Sady hanao fanekem-pihavanana amin’izy ireo Aho, ka ho fanekena aminy mandrakizay izany; ary Izaho hanorina azy, hampitombo azy, ary hanangana ny fitoerako masina eo aminy mandrakizay.

Amosa 9:9

Fa indro efa hamoaka didy Aho, ka hosivaniko any amin’ny firenena rehetra any ny taranak’i Israely, toy ny fanasivana vary amin’ny sivana, ka tsy hisy latsaka amin’ny tany ny voa tsara.

Zefania 3:11

Amin’izany andro izany tsy ho henatra ho anao intsony, ny asanao rehetra izay nanotanao tamiko; satria amin’izany hoesoriko hiala eo aminao ireo izay nifaly tamim-pireharehana; ary ianao tsy hiavonavona intsony eo an-tendrombohitro masina.

Matio 1:11

i Josiasa niteraka an’i Jekôniasa mirahalahy avy, tamin’ny andro nifindrana tany Babilôna.

Matio 3:9

ary aza manao anakampo hoe: ‹Manana an’i Abrahama ho rainay izahay›; fa lazaiko aminareo fa Andriamanitra mahay manangona zanaka ho an’i Abrahama avy amin’ireto vato ireto.