Jeremia 17:12 - Baiboly Katolika

¹² Seza fiandrianana be voninahitra, fiamboniana mandrakizay, fitoeran’ny tranonay masina,

Baiboly Protestanta Malagasy 2011

¹² Sezafiandrianana be voninahitra sady avo hatramin’ny voalohany ny fitoera-masintsika.

DIEM PROTESTANTA

¹² Sezafiandrianana be voninahitra sady miteronterona hatrany am-boalohany no tempoly masina ho antsika.

Dikateny Iombonana Eto Madagasikara

¹² Sezafiandrianana be voninahitra sady miteronterona hatrany am-boalohany no tempoly masina ho antsika.

Baiboly Protestanta Malagasy

¹² Seza fiandrianana be voninahitra sady avo hatramin’ny voalohany Ny fitoera-masintsika.

Malagasy Bible

¹² Seza fiandrianana be voninahitra sady avo hatramin'ny voalohany ny fitoera-masintsika.

La Bible en Malgache

¹² Sezafiandrianana be voninahitra sady avo hatramin’ny voalohany ny fitoera-masintsika.

Jeremia 17:12 Rohy Ifampitohizana

Salamo 103:19

Nampiorina ny seza fiandrianany any an-danitra i Iaveh, ary mihatra amin’ny zavatra rehetra ny fanjakany.

Salamo 96:6

Manoloana Azy ny famirapiratana amam-pahalehibeazana; ao amin’ny fitoerany masina ny hery amam-piandrianana.

Isaia 6:1

Tamin’ny taona nahafatesan’i Oziasa, mpanjaka, no nahitako ny Tompo, nipetraka teo ambonin’ny seza fiandrianana avo sy manerinerina, ary nahafeno ny tempoly ny rebareban’akanjo.

Isaia 66:1

Izao no lazain’i Iaveh: Ny lanitra no seza fiandrianako; ary ny tany no fitoeran-tongotro. Ka trano inona no hataonareo ho Ahy, ary fitoerana manao ahoana no ho fitsaharako?

Jeremia 14:21

Noho ny Anaranao, aza dia atao tsinontsinona, aza dia hamavoina ny seza fiandrianan’ny voninahitrao. Tsarovy fa aza tsoahana ny fanekenao taminay.

Jeremia 3:17

Amin’izany andro izany i Jerosalema hantsoina hoe: «ny seza fiandrianan’i Iaveh!» Ary ny firenena rehetra hivory ao Jerosalema, amin’ny Anaran’i Iaveh, fa tsy hanaraka ny ditran’ny fony ratsy intsony izy.

Ezekiela 1:26

Eo ambonin’ilay andohalambo nivelatra teo ambonin’ny lohany, nisy hoatra ny vato safira, mitarehin-tseza fiandrianana; ary toa nisy hoatra ny endrik’olona teo ambonin’io mitarehin-tseza fiandrianana io.

Ezekiela 43:7

Hoy izy tamiko: Ry zanak’olona! Eto no fitoeran’ny seza fiandrianako, fitoerana hametrahako ny faladian-tongotro, honenako eo amin’ny zanak’i Israely na izy na ny mpanjakany, tsy handoto intsony ny Anarako masina, amin’ny fahavetavetany, na ny fati-mpanjakany, na ny fitoerana avony,

Matio 25:31

Ary rehefa ho avy amim-boninahitra ny Zanak’olona otronin’ny Anjely rehetra, dia hipetraka eo amin’ny seza fiandrianan’ny voninahiny Izy;

Hebreo 12:2

mibanjina an’i Jesoa filohany sy mpanefa an-davany sy an-tsakany ny finoana, izay nahazo nifidy ny hafaliana natao teo anoloany, nefa naleony niaritra ny Hazofijaliana, sy tsy nitandro henatra koa; ary efa mipetraka eo ankavanan’ny seza fiandrianan’Andriamanitra.

Hebreo 4:16

Koa aoka isika hanatona ny fiketrahan’ny fahasoavana amim-pahatokiana, mba hahazoantsika famindram-po, sy hahitantsika fahasoavana ary hamonjena antsika amin’ny andro ilàntsika izany.

Apokalipsy 3:21

Izay handresy dia hasaiko miara-mipetraka amiko eo amin’ny seza fiandrianako; toa Ahy nandresy koa, ka miara-mipetraka amin’ny Raiko, eo amin’ny seza fiandrianany.