Jeremia 16:7 - Baiboly Katolika

⁷ Ny olona tsy hizara aminy ny fahan-kanina amin’ny fisaonana, ho fampiononana azy raha mana-maty; ary tsy hampisotro azy ny kapoaka fampiononana noho ny amin’ny ray na ny reny.

Baiboly Protestanta Malagasy 2011

⁷ Ary tsy hisy hamahan-kanina azy ao amin’ny fisaonany mba hampionona azy ny amin’ny maty; ary tsy hisy hampisotro azy amin’ny kapoaka fampiononana, raha maty ny rainy na ny reniny.

DIEM PROTESTANTA

⁷ Tsy hisy hanome hanina ny fianakaviana misaona na hampionona azy, ary tsy hisy hampisotro amin’ny kaopy fampiononana izay maty ray na maty reny.

Dikateny Iombonana Eto Madagasikara

⁷ Tsy hisy hanome hanina ny fianakaviana misaona na hampionona azy, ary tsy hisy hampisotro amin’ny kaopy fampiononana izay maty ray na maty reny.

Baiboly Protestanta Malagasy

⁷ Ary tsy hisy hamahan-kanina azy amin’ny fisaonany, Mba hampionona azy ny amin’ny maty; Ary tsy hisy hampisotro azy amin’ny kapoaka fampiononana, Raha maty ny rainy na ny reniny;

Malagasy Bible

⁷ Ary tsy hisy hamahan-kanina azy amin'ny fisaonany, mba hampionona azy ny amin'ny maty; Ary tsy hisy hampisotro azy amin'ny kapoaka fampiononana, raha maty ny rainy na ny reniny;

La Bible en Malgache

⁷ Ary tsy hisy hamahan-kanina azy ao amin’ny fisaonany mba hampionona azy ny amin’ny maty; ary tsy hisy hampisotro azy amin’ny kapoaka fampiononana, raha maty ny rainy na ny reniny.

Jeremia 16:7 Rohy Ifampitohizana

Joba 42:11

Dia tonga avokoa ireo rahalahiny sy anabaviny mbamin’ny sakaizany taloha namangy azy sy niara-nihinana taminy tao an-tranony. Nangoraka azy sy nampionona azy izy ireo, noho ny fahoriana nahatran’i Iaveh taminy teo; ary samy nanome azy kesità iray sy masom-bolamena iray avy izy rehetra.

Mpitoriteny 4:1

Nitodika aho dia nahita ny fampahoriana rehetra atao atỳ ambany masoandro: ao ny ampahoriana, vonton-dranomaso, ary tsy misy olona manala alahelo azy. Iharan’ny fanaovana an-kerin’ireo mpampahory azy, ary tsy misy olona manala alahelo azy.

Jeremia 22:10

Aza itomaniana ilay maty ary aza igogogogoana izy io; fa ilay lasana no itomanio dia itomanio, fa tsy hiverina intsony izy, tsy hahita intsony ny tany nahaterahany!

Fitomaniana 1:9

Miseho eo ambany rambon’akanjony ny lotony; tsy nitsapa ny farany izy; ka mahagaga ny nahalavoany; sady tsy misy mampionona azy «Iaveh ô, jereo ity fahantrako, fa mahery ny fahavalo!»

Ezekiela 24:17

Misentoa mangingina, fa aza misaona ny maty, Ataovy amin’ny lohanao ny hamamanao, asio kiraro ny tongotrao, aza saronana ny volombavanao, ary aza mihinana ny mofom-piononana.»

Hosea 9:4

Tsy hanolotra divay ho fanatitra araraka ho an’i Iaveh izy: ary tsy hankasitrahiny ny sorona ataony; fa toy ny fahan-kanina fisaonana izany aminy, ka haloto izay mihinana amin’izany; satria ny hanin’izy ireo ho an’ny tenany ihany, fa tsy hiditra ao an-tranon’i Iaveh.

Deoteronomia 26:14

Tsy nisy nohaniko ireo zavatra ireo tamin’ny fisaonako, na navoakako ny tranoko tamin’ny fahalotoako, na nataoko fahan-kanina raha nisy maty, fa nihaino ny feon’i Iaveh Andriamanitro aho, ary nanao araka izay rehetra nandidianao ahy.