Jeremia 16:16 - Baiboly Katolika

¹⁶ Indro aho miantso mpanarato an-kamaroany, - teny marin’i Iaveh, - ka hanarato azy ireo izy. Manaraka izany, hiantso mpihaza ankamaroany Aho, ka hihaza azy hiala any an-tendrombohitra rehetra ary eny an-tsefatsefaky ny harambato eny.

Baiboly Protestanta Malagasy 2011

¹⁶ Indro, haniraka mpanarato maro Aho, hoy NY TOMPO, izay hanarato azy; ary rehefa afaka izany dia haniraka mpihaza maro Aho, izay hihaza azy any amin’ny tendrombohitra sy ny havoana rehetra ary any an-tsefatsefaky ny harambato.

DIEM PROTESTANTA

¹⁶ Hoy ny teny hentitry ny TOMPO: «Haniraka mpanarato maro Aho mba hanarato azy; avy eo dia haniraka mpihaza betsaka koa Aho mba hihaza azy eny amin’ny tendrombohitra sy ny havoana rehetra ary hatrany an-tsefatsefaky ny harambato.

Dikateny Iombonana Eto Madagasikara

¹⁶ Hoy ny teny hentitry ny TOMPO: «Haniraka mpanarato maro Aho mba hanarato azy; avy eo dia haniraka mpihaza betsaka koa Aho mba hihaza azy eny amin’ny tendrombohitra sy ny havoana rehetra ary hatrany an-tsefatsefaky ny harambato.

Baiboly Protestanta Malagasy

¹⁶ Indro, Izaho haniraka mpamovo maro, hoy Jehovah, Izay hamovo azy; Ary rehefa afaka izany, dia haniraka mpihaza maro Aho, Izay hihaza azy Any amin’ny tendrombohitra sy ny havoana rehetra Ary any an-tsefatsefaky ny harambato.

Malagasy Bible

¹⁶ Indro, Izaho haniraka mpamono maro, hoy Jehovah, Izay hamono azy; Ary rehefa afaka izany, dia haniraka mpihaza maro Aho, Izay hihaza azy any amin'ny tendrombohitra sy ny havoana rehetra ary any an-tsefatsefaky ny harambato.

La Bible en Malgache

¹⁶ Indro, haniraka mpanarato maro Aho, hoy NY TOMPO, izay hanarato azy; ary rehefa afaka izany dia haniraka mpihaza maro Aho, izay hihaza azy any amin’ny tendrombohitra sy ny havoana rehetra ary any an-tsefatsefaky ny harambato.

Jeremia 16:16 Rohy Ifampitohizana

Genesisy 10:9

Mpihaza mahery teo anatrehan’i Iaveh izy, ka izany no anaovan’ny olona hoe: Tahaka an’i Nemrôda mpihaza mahery eo anatrehan’i Iaveh.

Isaia 2:21

izy kosa handositra ho any an-dava-bato, sy any an-tsefatsefaky ny haram-bato, eo anatrehan’ny tahotra avy amin’i Iaveh, sy ny famirapiratry ny fiandrianany, rehefa hitsangana hampangovitra ny tany Izy.

Isaia 7:19

Dia ho avy ireny, ka hipetraka avokoa eny amin’ny lohasaha mideza, sy eny an-tsefatsefa-karambato, any amin’ny hazo madinika milobolobo, mbamin’ny tany fiandrasana biby rehetra.

Jeremia 25:9

dia indro ampanalaiko ny foko rehetra any avaratra, - teny marin’i Iaveh, - hoentiko amin’i Nabokodonozora mpanjakan’i Babilôna, mpanompoko; ary hataoko tonga izy ireo hamely an’ity tany ity mbamin’ny mponina eo aminy sy ny firenena rehetra amin’ny manodidina, ka hataoko anatema izy, hataoko tany lao, zavatra fandatsa, ary rava mandrakizay.

Jeremia 4:29

Vao re ny feon’ny mpitaingin-tsoavaly sy ny mpandefa tsipìka, dia vaky nandositra avokoa ny tanàna; mitsofoka any anaty ala, mananika ny vatolampy ny olona. Nilaozany avokoa ny tanàna, tsy misy mponina intsony.

Jeremia 49:5

Indro Aho mitondra ny tahotra hamely anao; - tenin’ny Tompo, Iavehn’ny tafika,- avy amin’izay rehetra manodidina anao; ka samy horoahina hizotra amin’izay hitsiny avy ianareo, sady tsy hisy hamory izay mandositra akory.

Jeremia 6:9

Izao no lazain’i Iavehn’ny tafika: Hotsimponina hoatra ny fitsimpona voaloboka, izay sisa amin’i Israely. Averimbereno eo ny tananao, toy ny ataon’ny mpioty amin’ny rantsam-boaloboka.

Fitomaniana 4:18

Nitsikilo ny diantsika izy, nisakana antsika tsy handeha eny amin’ny kianjatsika. Manantòmotra ny fiafarantsika, tapitra ny androntsika; eny, efa tonga ny fiafarantsika!

Fitomaniana 4:19

Izay nanenjika antsika dia faingam-pandeha, noho ny voromahery eny an-danitra. Notanahiny teny an-tendrombohitra isika; nanaovany otrika tany an’efitra.

Hosea 10:10

Hofaizako araka ny sitrapoko izy ireo: ary ho tafangona hamely azy ny firenena, rehefa hafatotra amin’ny fahotany roa izy ireo.

Amosa 4:2

Nianiana tamin’ny fahamasinany, ny Tompo Iaveh: Indro ho avy aminareo ny andro hipaohana anareo amin’ny farango, sy ny taranakareo amin’ny firombaka.

Amosa 5:19

Toy ny olona mandositra ny liona, nefa tonga mitsena azy kosa ny orsa; miditra ao an-tranony izy, mitehin-tanana amin’ny rindrina dia kaikerin’ny menarana!...

Mika 7:2

Efa niala tsy hita eto an-tany intsony ny olona tia vavaka, ary tsy misy marina intsony amin’ny olombelona. Fa izy rehetra samy manotrika handatsa-dra; samy mihaza ny rahalahiny sy mamela-pandrika aminy avokoa

Zefania 1:12

Izao no hatao amin’izany andro izany: Hokarohiko amin’ny fanala i Jerosalema, ka hofaizako ny olona mandry mifetaka amin’ny faikany, izay manao anakampo hoe: Tsy manisy soa, tsy manisy ratsy i Iaveh!

1Samoela 24:11

Kanefa indro nahita maso ianao androany izay nanoloran’i Iaveh anao teo an-tanako androany tao an-johy, ka ny olona nilaza tamiko mba hamono anao. Nefa namindra fo taminao aho, fa hoy izaho: Tsy haninjitra ny tanako amin’ny tompoko aho, fa voahosotr’i Iaveh izy.

1Samoela 26:20

Koa ankehitriny, aoka ny rako tsy ho latsaka amin’ny tany lavitra ny tavan’i Iaveh! Fa ny mpanjakan’i Israely ity no niainga hitady izay parasy anankiray, mova tsy ny manenjika tsipoy eny an-tendrombohitra!»