Jeremia 15:9 - Baiboly Katolika

⁹ Mahatsiaro reraka ny reny niteraka fito, efa hiala aina izy; milentika mbola antoandro ny masoandrony; mangaihay sy safo-kenatra izy. Izay sisa tavela aminy, hatolotro ho voan’ny sabatra eo anoloan’ny fahavalony, - teny marin’i Iaveh.

Baiboly Protestanta Malagasy 2011

⁹ Izay niteraka fito dia mihaosa, miala aina izy, milentika mbola antoandro ny masoandrony, menatra sy mangaihay izy; ary izay sisa eo aminy dia hatolotro ho voan’ny sabatra eo anoloan’ny fahavalony, hoy NY TOMPO.

DIEM PROTESTANTA

⁹ Nihareraka ilay niteraka fito, ka misefosefo fiaina; nilentika antoandrobe ny masoandrony, ka menatra sy afa-baràka izy. Ary izay sisa velona dia hatolotro haringana eo anatrehan’ny fahavalony. Izany no teny hentitra avy amiko TOMPO.

Dikateny Iombonana Eto Madagasikara

⁹ Nihareraka ilay niteraka fito, ka misefosefo fiaina; nilentika antoandrobe ny masoandrony, ka menatra sy afa-baràka izy. Ary izay sisa velona dia hatolotro haringana eo anatrehan’ny fahavalony. Izany no teny hentitra avy amiko TOMPO.

Baiboly Protestanta Malagasy

⁹ Izay niteraka fito dia mihaosa, Miala aina izy, Milentika mbola antoandro ny masoandrony, Menarina sy mangaihay izy; Ary izay sisa aminy dia hatolotro ho voan’ny sabatra eo anoloan’ny fahavalony, hoy Jehovah.

Malagasy Bible

⁹ Izay niteraka fito dia mihaosa, miala aina izy, milentika mbola antoandro ny masoandrony, menarina sy mangaihay izy; Ary izay sisa aminy dia hatolotro ho voan'ny sabatra eo anoloan'ny fahavalony, hoy Jehovah.

La Bible en Malgache

⁹ Izay niteraka fito dia mihaosa, miala aina izy, milentika mbola antoandro ny masoandrony, menatra sy mangaihay izy; ary izay sisa eo aminy dia hatolotro ho voan’ny sabatra eo anoloan’ny fahavalony, hoy NY TOMPO.

Jeremia 15:9 Rohy Ifampitohizana

Isaia 47:9

Kanjo ireo zava-droa ireo ho indray mianjera aminao, tampoka, indray andro monja, dia ny fahafoanana anaka, sy ny fananoantena, ho tonga aminao tanteraka an-tsakany sy an-davany izany, na dia eo aza ny hamaroan’ny odinao, na dia eo aza ny herin’ny fankatoavanao.

Jeremia 19:7

Hofoanako amin’ity fitoerana ity ny fisainan’i Jodà sy i Jerosalema; hataoko lavon-tsabatra eo anoloan’ny fahavalony izy, sy amin’ny tanan’ireo nitady ny ainy; ary ny fatiny homeko hohanin’ny voromanidina sy ny bibin’ny tany.

Jeremia 21:7

Manaraka izany, - teny marin’i Iaveh, - hatolotro i Sedesiasa mpanjakan’i Jodà, ny mpanompony, ny vahoaka, mbamin’izay rehetra sisa tsy matin’ny pesta sy ny sabatra ary ny mosary, amin’ity tanàna ity, ho eo an-tanan’i Nabokodonozora, mpanjakan’i Babilôna, sy ho eo an-tanan’ny fahavalony ama-mpitady ny ainy, ka hasiany amin’ny lelan-tsabatra, tsy hotsitsiny, tsy hananany antra na indrafo akory.

Jeremia 44:27

Indro Aho miambina azy ireo, hampidi-doza fa tsy soa amin’izy ireo, ka dia ho levon’ny sabatra sy ny mosary avokoa, ny lehilahy amin’i Jodà, mandra-paharingany.

Jeremia 50:12

Safo-kenatra ny reninareo; mivoaramenan’ny henatra ilay niteraka anareo. Indro izy, fa faraidiny amin’ny firenena, efitra, tany foana, tany karankaina!

Jeremia 6:4

Atombohy ny ady hamelezana azy; mitsangàna, andeha isika hananika azy amin’izao antoandro be izao! Loza ho antsika fa efa mirerarefa ny andro, efa mandroso ny aloky ny hariva.

Jeremia 7:19

Moa Izaho va no tsiratsirainy, - teny marin’i Iaveh, - fa tsy ny tenany ihany, ka tsy maintsy hangaihay tava izy amin’izany?»

Fitomaniana 1:1

Ahoana re no mitoetra manirery ity, ilay tanàna be olona! Zary toa mpitondratena, ilay nalaza tamin’ny firenena! izy izay mpanjaka vavy eo amin’ny faritany, natao mpandoa hetra.

Fitomaniana 4:10

Nisy vehivavy mora mangoraka, nefa tanany no nahandro ny zanany dia nataony hanina izany, tamin’ny fandringanana ny zanaka vavin’ny vahoakako.

Ezekiela 5:12

Ny ampahatelon’ny zanakao, ho fatin’ny pesta na ho levon’ny mosary eo aminao; ny ampahatelony, ho lavon’ny sabatra eny manodidina anao rehetra eny; ary ny ampahatelony haeliko any amin’ny vazantany rehetra; sady hanatsoahako sabatra avy ato aoriana.

Ezekiela 5:13

Dia hiala fo ny fahatezerako, ary haraniko mamely azy ireo ny fahavinirako, dia ho afa-po Aho, ary izy kosa hahalala, rehefa nampanaraniko namely azy ny fahatezerako, fa tamin’ny fahasaro-piaroko no efa nitenenako Izaho Iaveh.

1Samoela 2:5

Ny voky taloha mikarama mofo, fa ny noana kosa afa-kanoanana; ny momba aza miteraka fito, fa ny maro anaka kosa mihamalazo.