Jeremia 15:10 - Baiboly Katolika

¹⁰ Loza ho ahy, ry neny, ny niterahanao ahy, mba ho olona filàna ady amam-pifandirana amin’ny tany rehetra aho. Tsy mba nisambotra na inona na inona aho, tsy nampisambotra na inona na inona tamiko izy, nefa manozona ahy avokoa izy rehetra!»

Baiboly Protestanta Malagasy 2011

¹⁰ Lozako, ry neny, ny niterahanao ahy izay lehilahy ilàna ady sy fifandirana eny amin’ny tany rehetra! Tsy nisambo-bola aho, ary tsy nisy nisambo-bola tamiko, nefa dia ozonin’ny olona rehetra ihany aho.

DIEM PROTESTANTA

¹⁰ Lozako, ry Neny nahitako masoandro! Tsy misy olona toherina sy ilàna ady hoatra ahy eto amin’ny tany manontolo. Tsy nampanjana-bola aho na nisambotra volan’olona, nefa ozonin’ny olon-drehetra.

Dikateny Iombonana Eto Madagasikara

¹⁰ Lozako, ry Neny nahitako masoandro! Tsy misy olona toherina sy ilàna ady hoatra ahy eto amin’ny tany manontolo. Tsy nampanjana-bola aho na nisambotra volan’olona, nefa ozonin’ny olon-drehetra.

Baiboly Protestanta Malagasy

¹⁰ LOZAKO, ry neny, ny niterahanao ahy, Izay lehilahy ilana ady sy fifandirana eny amin’ny tany rehetra! Tsy nampanàna vola aho, ary tsy nisy nanana vola tamiko, Nefa ozonin’ny olona rehetra ihany aho.

Malagasy Bible

¹⁰ Lozako, ry neny, ny niterahanao ahy, Izay lehilahy ilana ady sy fifandirana eny amin'ny tany rehetra! Tsy nampanàna vola aho, ary tsy nisy nanàna vola tamiko, nefa ozonin'ny olona rehetra ihany aho.

La Bible en Malgache

¹⁰ Lozako, ry neny, ny niterahanao ahy izay lehilahy ilàna ady sy fifandirana eny amin’ny tany rehetra! Tsy nisambo-bola aho, ary tsy nisy nisambo-bola tamiko, nefa dia ozonin’ny olona rehetra ihany aho.

Jeremia 15:10 Rohy Ifampitohizana

1Mpanjaka 21:20

Ary hoy i Akaba tamin’i Elia: «Azonao va aho, ry ilay fahavaloko?» Ka hoy ny navaliny: «Azoko ianao, satria nivaro-tena hanao izay ratsy eo imason’i Iaveh ianao.

1Mpanjaka 22:8

Dia hoy ny mpanjakan’i Israely namaly an’i Jôsafata: «Mbola misy lehilahy anankiray ihany eto, azontsika anontaniana amin’i Iaveh, dia i Mikea, zanak’i Jemlà; nefa halako izy, satria tsy mba maminany soa ho ahy, fa loza ihany.» Ka hoy i Jôsafata: «Aza manao izany, ry mpanjaka.»

Salamo 109:28

Izy ireo manozona fa Ianao kosa hitso-drano, izy ireo hitsanga-menatra, fa ny mpanomponao kosa hiravoravo.

Salamo 15:5

Tsy mampihana vola manao zana-bola be loatra na mandray kolikoly hamely ny tsy manan-tsiny Tsy hangozohozo mandrakizay izay mitondra tena araka izany.

Salamo 69:4

Sasatry ny mitaraina aho; maimay ny tendako; valaka eo amin’ny fiandrasana an’Andriamanitra, ny masoko.

Eksodosy 22:25

«Raha mampisambo-bola olona amin’ny vahoakako ianao, amin’ny mahantra eo aminao, aza mitsangan-ko mpanana vola aminy, aza maka zana-bola aminy.»

Ohabolana 26:2

Toy ny fitsoatsoaky ny fody, sy fanidintsidin’ny sidintsidina, no tsy fihàtran’ny ozonozom-poana.

Jeremia 15:20

Hataoko manda varahina mafy ho an’ity vahoaka ity ianao; hiady aminao izy, nefa tsy hahavoa anao akory; satria homba anao Aho, hamonjy, sy hanafaka anao, - teny marin’i Iaveh. -

Levitikosy 25:36

Aza maka zana-bola na tombony aminy, fa matahora ny Andriamanitrao, ka aoka hivelona eo akaikinao ny rahalahinao.

Levitikosy 25:37

Aza mampanàna vola aminy, na mampisambotra hanina hilàn-tombony aminy.

Habakoka 1:3

Nahoana aho no ataonao mahita ny tsy fahamarinana ary Ianao mijery ny fahoriana? Fa fandravana amam-pahasiahana no eo anatrehako; misy fifandirana ary mitranga ny tsy fifanarahana,

Matio 24:9

Amin’izany, dia hatolony hampijaliana sy hovonoina ianareo, ary ho halan’ny firenena rehetra noho ny Anarako.

Matio 5:44

Fa Izaho kosa milaza aminareo: Tiavo ny fahavalonareo, manaova soa amin’izay mankahala anareo, ary mivavaha ho an’izay manenjika sy manendrikendrika anareo;

Lioka 2:34

Ary nitso-drano azy ireo i Simeôna, ka nilaza tamin’i Maria renin’ny Zaza hoe: «Indro, ity Zaza ity no voatendry ho fandavoana sy ho fananganana ny maro amin’i Israely ary ho famantarana hotoherina,

Lioka 6:22

Ho sambatra ianareo raha hankahalain’ny olona, horoahiny amin’ny fikambanany, hotevatevainy ary holaviny toy ny zava-dratsy ny anaranareo, noho ny amin’ny Zanak’olona.

Asan’ny Apostoly 28:22

fa izao ihany no fantatray: toherina hatraiza hatraiza izany antokom-pivavahana izany; koa maniry handre izay hevitrao izahay.»