Jaona 11:19 - Baiboly Katolika

¹⁹ ka maro tamin’ny Jody no tonga tao amin’i Marta sy i Maria mba hitsapa alahelo azy noho ny nahafatesan’ny anadahiny.

Baiboly Protestanta Malagasy 2011

¹⁹ Ary maro tamin’ny Jiosy no efa tonga teo amin’i Marta sy i Maria mba hitsapa alahelo azy noho ny amin’ny anadahiny.

DIEM PROTESTANTA

¹⁹ ka maro tamin’ny Jiosy no tonga tao amin-dry i Marta sy i Maria hitsapa alahelo azy mirahavavy noho ny nahafatesan’ny anadahiny.

Dikateny Iombonana Eto Madagasikara

¹⁹ ka maro tamin’ny Jiosy no tonga tao amin-dry i Marta sy i Maria hitsapa alahelo azy mirahavavy noho ny nahafatesan’ny anadahiny.

Baiboly Protestanta Malagasy

¹⁹ Ary maro tamin’ny Jiosy no efa tonga teo amin’i Marta sy Maria hitsapa alahelo azy noho ny amin’ny anadahiny.

Malagasy Bible

¹⁹ Ary maro tamin'ny Jiosy no efa tonga teo amin'i Marta sy Maria hitsapa alahelo azy noho ny amin'ny anadahiny.

La Bible en Malgache

¹⁹ Ary maro tamin’ny Jiosy* no efa tonga teo amin’i Marta sy i Maria mba hitsapa alahelo azy noho ny amin’ny anadahiny.

Jaona 11:19 Rohy Ifampitohizana

Genesisy 37:35

Tonga nampionona azy avokoa ny zanany lahy aman-janany vavy rehetra; nefa tsy nety nionona izy, fa hoy izy: «Hidina misaona ho any amin’ny zanako any amin’ny fonenan’ny maty aho.» Ary nitomany azy, ity rainy.

2Samoela 10:2

Ary hoy i Davida: «Hampiseho fankasitrahana amin’i Hanòna zanak’i Naasa aho, toy ny nampisehoan-drainy fankasitrahana tamiko.» Dia nampitondra fitsapana alahelo azy noho ny amin-drainy i Davida tamin’ny alalan’ny mpanompony. Nony tonga tany amin’ny tanin’i Amôna ny mpanompon’i Davida,

1Tantara 10:12

dia niainga avokoa ny lehilahy mahery, naka ny fatin’i Saola sy ny fatin’ireo zanany, ary nitondra azy ho any Jabesa. Naleviny teo ambanin’ny terebinta tao Jabesa ny taolany, dia nifady hanina hafitoana izy ireo.

Joba 2:11

Nony nandre ny loza rehetra nanjò an’i Jôba ireo sakaizany telo lahy: i Elifaza avy any Temàna, i Baldada avy any Sohe, ary i Sôfara avy any Naamà, dia samy niainga avy any amin’ny fonenany avy, ka niara-nidinika izay handehanana hitsapa alahelo sy hampionona azy.

Joba 42:11

Dia tonga avokoa ireo rahalahiny sy anabaviny mbamin’ny sakaizany taloha namangy azy sy niara-nihinana taminy tao an-tranony. Nangoraka azy sy nampionona azy izy ireo, noho ny fahoriana nahatran’i Iaveh taminy teo; ary samy nanome azy kesità iray sy masom-bolamena iray avy izy rehetra.

Mpitoriteny 7:2

Aleo mankany an-trano misy fisaonana, toy izay mankany an-trano misy fanasana; satria itsy voalohany ny isehoan’ny hiafaran’ny olombelona, ka atodiky ny velona hieritreritra an’izany ny fony.

Isaia 51:19

Loza roa no namely anao: - iza moa no hanao teny mangoraka anao? - Dia ny fandravana amam-pandringanana, ny mosary sy ny sabatra, - hataoko ahoana no fampionona anao? -

Fitomaniana 1:16

Izany no itomaniako, ka mamarin-dranomaso ny masoko, eny ny masoko; fa tsy mba misy olona ato anilako, mampionona ahy, mamelombelona ny aiko. Vontom-pahoriana ny zanako, fa mahery ny fahavalo.

Fitomaniana 1:2

Mitomany amin’alahelo izy, mandritra ny alina, vonton-dranomaso ny takolany, tsy misy mampionona azy ireo mpitia azy rehetra; nivadika taminy ireo namany rehetra, ka tonga fahavalony.

Fitomaniana 1:21

Ren’ny olona ny fitolokoko, nefa tsy misy mampionona ahy izy. Raha nandre ny manjò ahy ny fahavaloko rehetra, dia mifaly izy, satria niasa Ianao. Hampiavy ny andro voalazanao Ianao, ka ho tonga toa ahy koa ireo!

Fitomaniana 1:9

Miseho eo ambany rambon’akanjony ny lotony; tsy nitsapa ny farany izy; ka mahagaga ny nahalavoany; sady tsy misy mampionona azy «Iaveh ô, jereo ity fahantrako, fa mahery ny fahavalo!»

Fitomaniana 2:13

Inona no azoko lazaina aminao? Iza no mety ho hita mitovy aminao, ry zanaka vavin’i Jerosalema? Iza no hohariko aminao, mba hampiononako anao, ry virjiny, zanaka vavin’i Siôna? Fa lehibe hoatra ny ranomasina ny ratranao; iza no hanasitrana anao?

Lioka 10:39

Nanan-drahavavy anankiray atao hoe Maria izy, izay nipetraka teo anilan’ny tongotry ny Tompo nihaino ny teniny;

Lioka 10:42

nefa zavatra iray monja no ilaina; fa i Maria no nifidy ny anjara tsara indrindra izay tsy halana aminy.»

Jaona 1:19

Ary izao no nambaran’i Joany raha naniraka mpisorona sy Levita, avy tany Jerosalema, hankany aminy ny Jody mba hanontany Azy hoe: Iza moa Ianao?

Jaona 11:1

Nisy lehilahy anankiray narary, dia i Lazara avy any Betania, vohitr’i Maria sy Marta rahavaviny.

Jaona 11:31

Nony hitan’ny Jody izay tao amin’i Maria tao an-trano sy nitsapa alahelo azy fa nitsangana haingana izy ka nivoaka, dia nanaraka azy izy ireo, fa nihevitra hoe: «Lasa hitomany any amin’ny fasana izy.»

Jaona 11:33

Nony nahita azy nitomany i Jesoa sy ireto Jody niara-nitomany taminy koa, dia nandevy ny fony ary nientana iray ihany ny tenany rehetra.

Jaona 11:36

Dia hoy ny Jody: «Akory ity haben’ny fitiavany azy!»

Jaona 11:45

Ary maro tamin’ny Jody izay tonga tao amin’i Maria sy i Marta sy nahita ny nataon’i Jesoa no nino Azy.

Jaona 11:8

Ka hoy ny mpianany taminy: «Raby ô, vao haingana teo no nitady hitora-bato Anao ny Jody, ka dia hankany indray ve Ianao?»

Romana 12:15

Miaraha mifaly amin’izay mifaly, ary miaraha mitomany amin’izay mitomany.

2Korintiana 1:4

Izay manafaka alahelo anay amin’ny fahorianay rehetra, mba hahazoanay manafaka alahelo ny tra-pahoriana rehetra, amin’ny fanalana alahelo noraisinay taminy.

1Tesaloniana 4:18

Koa izany teny izany àry no aoka hifanalanareo alahelo.

1Tesaloniana 5:11

Noho izany àry, mifanalà alahelo ianareo, ary mifamporisiha handroso, araka ny efa ataonareo rahateo.

1Samoela 31:13

Noraisiny ny taolany ka naleviny tao ambanin’ny tamariska tao Jabesa; ary nifady hanina hafitoana izy.