Isaia 6:3 - Baiboly Katolika

³ Niantso mafy izy ireo, nifamaly ka nanao hoe: «Masina, masina, masina i Iavehn’ny tafika! feno ny voninahiny ny tany rehetra.»

Baiboly Protestanta Malagasy 2011

³ Ary nanandratra ny feony ireo ka nifamaly hoe: Masina, masina, masina Andriamanitra, Tompon’izao rehetra izao! Henika ny voninahiny ny tany rehetra!

DIEM PROTESTANTA

³ Ary niantso mafy ireo ka nifamaly hoe: «Masina, masina, masina ny TOMPOn’izao rehetra izao! Feno ny voninahiny ny tany manontolo!»

Dikateny Iombonana Eto Madagasikara

³ Ary niantso mafy ireo ka nifamaly hoe: «Masina, masina, masina ny TOMPOn’izao rehetra izao! Feno ny voninahiny ny tany manontolo!»

Baiboly Protestanta Malagasy

³ Ary nanandratra ny feony izy ka nifamaly hoe: Masina, masina, masina Jehovah, Tompon’ny maro; Henika ny voninahiny ny tany rehetra.

Malagasy Bible

³ Ary nanandratra ny feony izy ka nifamaly hoe: Masina, masina, masina Jehovah, Tompon'ny maro; Henika ny voninahiny ny tany rehetra.

La Bible en Malgache

³ Ary nanandratra ny feony ireo ka nifamaly hoe: Masina, masina, masina Andriamanitra, Tompon’izao rehetra izao! Henika ny voninahiny ny tany rehetra!

Isaia 6:3 Rohy Ifampitohizana

Ezra 3:11

Dia nanao hira fiderana an’i Iaveh ireo: «Fa tsara fo Izy, ary maharitra mandrakizay ny famindram-pony amin’i Israely.» Ny vahoaka rehetra koa, indray nihoby an-kafaliana ho fiderana an’i Iaveh, fa nandatsaka ny fototry ny tranon’i Iaveh izy ireo.

Salamo 57:11

Fa mahatakatra ny lanitra ny tsy fivadihanao, ary mihatra amin’ny rahona ny fahamarinanao.

Salamo 66:2

Manaova hobin-kafaliana mankamin’Andriamanitra, ry tany rehetra; hirao ny voninahitry ny Anarany, ataovy manetriketrika ny fankalazana Azy.

Salamo 72:19

Hisaorana mandrakizay anie ny Anarany be voninahitra! Ho feno ny voninahiny anie ny tany rehetra. Amen! Amen!

Salamo 8:2

Ry Iaveh Tomponay, mba be voninahitra re ny Anaranao, amin’ny tany rehetra! Ny fiandriananao no nandravahanao ny lanitra!

Salamo 90:16

Aoka hiharihary amin’ny mpanomponao ny asanao, mbamin’ny voninahitrao, ho an’ny taranany!

Salamo 97:6

Ny lanitra mitory ny fahamarinany, ary ny firenena rehetra mibanjina ny voninahiny.

Salamo 99:3

Hoderaina anie ny Anaranao, sady lehibe no mahatahotra. - Masina Izy.

Salamo 99:9

Mankalazà an’i Iaveh Andriamanitsika, ary miankohofa eo anatrehan’ny tendrombohiny masina, fa masina i Iaveh Andriamanitsika.

Eksodosy 15:11

Iza moa no toa Anao amin’ireo andriamanitra, ry Iaveh ô! Iza moa no toa Anao izay mendrika indrindra noho ny fahamasinana, Izay atahorana, na eo am-piderana Anao aza, mpanao fahagagana?

Isaia 24:16

Renay avy hatrany am-paran’ny tany, ny hira hoe: «Voninahitra ho an’ny marina!» - Fa hoy aho: «Maty aho! Maty aho, loza ho ahy! Ny mpandroba mandroba, ny mpandroba mandroba tsy anerany!»

Isaia 40:5

Dia hiseho ny voninahitr’i Iaveh, ka ho hitan’ny nofo rehetra tsy an-kavanavaka fa ny vavan’i Iaveh no efa niteny.»

Isaia 54:5

Fa ny vadinao dia ny Mpahary anao; I Iavehn’ny tafika no Anarany, ary ny Mpanavotra anao dia ilay Masin’i Israely, Andriamanitry ny tany rehetra no iantsoana azy.

Ezekiela 43:2

Ary indro, tamy avy any atsinanana ny voninahitry ny Andriamanitr’i Israely. Ny feony, tahaka ny firohondrohon’ny rano be; ary ny tany namirapiratra azon’ny voninahiny.

Ezekiela 44:4

Nony avy eo, nentiny mankamin’ny alo-baravarana avaratra aho, eo anoloan’ny trano; ka nahita ny voninahitr’i Iaveh nameno ny trano, dia niankarapoka nihohoka aho.

Habakoka 2:14

Fa ny tany ho feno ny fahalalana ny voninahitr’i Iaveh, toy ny fandrakotry ny rano ny fanambanin’ny ranomasina.

Zakaria 14:9

Ary i Iaveh ho tonga mpanjaka amin’ny tany rehetra; ary amin’izany andro izany, dia ho tokana ihany i Iaveh, ary ny Anarany ho tokana ihany.

Nomery 14:21

Kanefa velona Aho, ary ho feno ny voninahitr’i Iaveh ny tany rehetra!

Efesiana 1:18

ary mba hampahiratiny tsara ny masom-panahinareo hahalala izao: ny fanantenana niantsoany anareo, ny haben’ny voninahitry ny lova nomaniny ho an’ny olo-masina,