Isaia 54:4 - Baiboly Katolika

⁴ Aza matahotra, fa tsy ho menatra ianao; aza mangaihay, fa tsy hisy hahamenatra anao; fa hanadino ny henatry ny fahatanoranao ianao; ary tsy hahatsiaro intsony ny tondromaso, fony mpitondratena.

Baiboly Protestanta Malagasy 2011

⁴ Aza matahotra fa tsy hitsanga-menatra ianao; ary aza mangaihay fa tsy havela ho afa-baraka ianao; fa ho hadinonao ny henatry ny fahatanoranao ary tsy ho tsaroanao intsony ny tondro-masonao fony mpitondratena.

DIEM PROTESTANTA

⁴ Aza matahotra satria tsy ho menatra intsony ianao; aza mivoara mena fa tsy ho afa-baràka intsony ianao; eny, hohadinonao ny henatra tamin’ny fahatanoranao, ary tsy hotsarovanao intsony ny fahafaham-baràka tamin’ny naha mpitondratena anao.

Dikateny Iombonana Eto Madagasikara

⁴ Aza matahotra satria tsy ho menatra intsony ianao; aza mivoara mena fa tsy ho afa-baràka intsony ianao; eny, hohadinonao ny henatra tamin’ny fahatanoranao, ary tsy hotsarovanao intsony ny fahafaham-baràka tamin’ny naha mpitondratena anao.

Baiboly Protestanta Malagasy

⁴ Aza matahotra, fa tsy ho menatra hianao; Ary aza mangaihay, fa tsy havela ho afa-baraka hianao; Fa ho hadinonao ny henatry ny fahatanoranao, Ary tsy ho tsaroanao intsony ny tondro-masonao fony mpitondratena.

Malagasy Bible

⁴ Aza matahotra, fa tsy ho menatra ianao; ary aza mangaihay, fa tsy havela ho afa-baraka ianao; fa ho hadinonao ny henatry ny fahatanoranao, ary tsy ho tsaroanao intsony ny tondromasonao fony mpitondratena.

La Bible en Malgache

⁴ Aza matahotra fa tsy hitsanga-menatra ianao; ary aza mangaihay fa tsy havela ho afa-baraka ianao; fa ho hadinonao ny henatry ny fahatanoranao ary tsy ho tsaroanao intsony ny tondro-masonao fony mpitondratena.

Isaia 54:4 Rohy Ifampitohizana

Joba 11:16

Hohadinoinao amin’izay ny fahorianao, ho toy ny rano mandalo no hahatsiarovanao azy.

Isaia 25:8

Ny fahafatesana hofoanany tsy hisy mandrakizay; I Iaveh Tompo hamafa ny ranomaso amin’ny tava rehetra; ny henatry ny vahoakany hoesoriny tsy hisy amin’ny tany rehetra; fa efa niteny i Iaveh.

Isaia 29:22

Noho izany, izao no lazain’i Iaveh amin’ny taranak’i Jakôba, dia Izy izay nanavotra an’i Abrahama: «Tsy hisy hahamenatra an’i Jakôba intsony tsy hivaloarika intsony ny handriny.

Isaia 4:1

Amin’izany andro izany, hisy vehivavy fito hihazona lehilahy iray, hanao hoe: «Ny mofonay no hohaninay, ary ny fitafianay no hitafianay, fa aoka mba hitondra ny anaranao izahay, ka halànao tondromaso.»

Isaia 41:10

Aza matahotra ianao fa momba anao Aho; aza mijerijery amin’ahiahy, fa Izaho no Andriamanitrao; Nohazoniko mafy ianao, ka manampy anao Aho; ary manohana anao amin’ny tanana ankavanan’ny fahamarinako.

Isaia 41:14

Aza matahotra, ry kankana avy amin’i Jakôba, ry olom-bitsy sisa, tamin’i Israely! fa Izaho no tonga mamonjy anao - teny marin’i Iaveh - ary ilay Masin’i Israely no mpanavotra anao.

Isaia 50:7

Fa i Iaveh Tompo namonjy ahy, ka ny latsa tsy nahaketraka ahy; ka ny tavako nataoko manahaka ny afovato, ary fantatro fa tsy ho menatra aho.

Isaia 51:7

Mihainoa Ahy, ianareo mahalala ny fahamarinana, ry firenena izay manana ny lalàko ao am-ponao. Aza matahotra izay latsan’olombelona; na mivadi-po amin’izay fanaratsian’izy ireo.

Isaia 54:14

Hatao miorina tsara amin’ny fahamarinana ianao; aoka ho lavitra anao anie ny fanahiana, fa tsy manan-katahorana ianao; ho lavitra anao anie ny fampahatahorana, fa tsy hanakaiky anao izany.

Isaia 61:7

Ho solon’ny henatrareo taloha, dia anjara roa no horaisinareo, ary ho solon’ny fahafaham-baraka, dia hifaly amin’ny anjarany avy izy ireo, ka dia hahazo anjara roa eo amin’ny taniny izy ireo, dia hisy fifaliana mandrakizay ho azy.

Isaia 65:16

Na iza na iza te-hotahina eto an-tany, dia hitady hotahin’ny Andriamanitry ny fahamarinana; ary na iza na iza hianiana eto an-tany, hianiana amin’ny Andriamanitry ny fahamarinana. Fa ny fahoriana taloha hohadinoina, sy ho lasa tsy ho hitan’ny maso intsony.

Jeremia 31:19

Fa nony efa nivily aho, dia nanenina; ary nony efa nahalala aho, dia nisafo sirana sady menatra sy nangaihay, satria mitondra ny fahafaham-barakan’ny fahatanorako aho.»

Fitomaniana 1:1

Ahoana re no mitoetra manirery ity, ilay tanàna be olona! Zary toa mpitondratena, ilay nalaza tamin’ny firenena! izy izay mpanjaka vavy eo amin’ny faritany, natao mpandoa hetra.

Ezekiela 16:22

Ary tao anatin’ny fahavetavetana amam-pivarinanao amin’ny hafa rehetra ianao, tsy nahatsiaro akory ny andro nahakely anao, nitanjahanao, niboridananao mihitsy, ary nitsipatsipahanao tamin’ny ranao.

Ezekiela 16:43

Noho ny tsy nahatsiarovanao ny andron’ny fahatanoranao, sy nampahatezeranao Ahy tamin’izany ratsy rehetra izany, dia indro hatsingeriko eo an-dohanao ny fitondran-tenanao; - teny marin’ny Tompo Iaveh; - fa tsy hanao ny fahalotoanao mbamin’ny fahavetavetanao rehetra intsony ianao.

Ezekiela 36:15

Tsy avelako handre latsa avy amin’ny firenena intsony ianao, na hitondra fanaratsiana avy amin’ny firenena, sady tsy hahatafintohina ny firenenao koa, -teny marin’ny Tompo Iaveh.-

Joela 2:21

Aza matahotra, ry tany, fa mifalia sy miravoravoa, satria nanao zava-dehibe i Iaveh!

Zefania 3:11

Amin’izany andro izany tsy ho henatra ho anao intsony, ny asanao rehetra izay nanotanao tamiko; satria amin’izany hoesoriko hiala eo aminao ireo izay nifaly tamim-pireharehana; ary ianao tsy hiavonavona intsony eo an-tendrombohitro masina.

Zakaria 10:6

Hohatanjahiko ny taranak’i Jodà, ary hovonjeko ny taranak’i Josefa; hanangana azy indray Aho, fa mangoraka azy ireo; ary ho toy ny tsy nariako akory izy, fa i Iaveh Andriamaniny Aho, ka hihaino azy ireo.

1Petera 2:6

Fa izany no ilazan’ny Soratra Masina hoe: Indro Aho mametraka vato fehizoro ao Siôna, dia vato voafidy sy sarobidy, ary izay mino azy tsy hangaihay.