Isaia 44:15 - Baiboly Katolika

¹⁵ Izany hazo izany dia ataon’ny olona kitay, misy alainy hamindroany, misy koa ampirehetiny handrahoan-kanina; misy koa ataony andriamanitra hivavahany; misy anaovany sampy, dia iankohofany eo anoloany.

Baiboly Protestanta Malagasy 2011

¹⁵ Fanaovan’ny olona kitay izany ary analany hamindroany. Ampirehetiny izany mba hanendasany mofo sady anaovany andriamanitra ka ivavahany; eny, anaovany sarin-javatra voasokitra koa izany ka iankohofany.

DIEM PROTESTANTA

¹⁵ Ireny no ampiasain’ny olona ho kitay ka angalany hamindroana na handrahoan-tsakafo. Ireny ihany koa no anaovany andriamanitra hiankohofany sy sarivongan-tsampy hivavahany.

Dikateny Iombonana Eto Madagasikara

¹⁵ Ireny no ampiasain’ny olona ho kitay ka angalany hamindroana na handrahoan-tsakafo. Ireny ihany koa no anaovany andriamanitra hiankohofany sy sarivongan-tsampy hivavahany.

Baiboly Protestanta Malagasy

¹⁵ Ary dia anaovan’ny olona kitay izany Ka analany hamindroany; Eny, ampirehetiny izany mba hanendasany mofo; Anaovany andriamanitra izany, ka dia ivavahany; Eny, anaovany sarin-javatra voasokitra koa izany, ka dia iankohofany.

Malagasy Bible

¹⁵ Ary dia anaovan'ny olona kitay izany ka analany hamindroany; Eny, ampirehetiny izany mba hanendasany mofo; Anaovany andriamanitra izany, ka dia ivavahany; Eny, anaovany sarin-javatra voasokitra koa izany, ka dia iankohofany.

La Bible en Malgache

¹⁵ Fanaovan’ny olona kitay izany ary analany hamindroany. Ampirehetiny izany mba hanendasany mofo sady anaovany andriamanitra ka ivavahany; eny, anaovany sarin-javatra voasokitra koa izany ka iankohofany.

Isaia 44:15 Rohy Ifampitohizana

2Tantara 25:14

Nony tonga avy nandresy ny Edômita i Amasiasa, dia nentiny ny andriamanitry ny taranak’i Seira, ka natsangany ho andriamaniny, niankohofany teo anatrehany, ary nanaterany zava-manitra.

Isaia 2:8

feno soavaly ny taniny, ka tsy hita isa ny kalesiny. Feno sampy ny taniny, ary miankohoka eo anatrehan’ny asan-tanany izy ireo, dia eo anatrehan’ny zavatra narafitry ny rantsan-tanany.

Isaia 44:10

Iza no namorona andriamanitra sy nanao sampy anidina, mba tsy hahazoany soa na inona na inona?

Isaia 44:14

misy olona mandeha hikapa sedera; maka sena sy aoka izy; mifidy amin’izay hazo any an’ala; na mamboly sedera hampanirian’ny ranonorana.

Isaia 44:16

Ny antsasany dorany tamin’ny afo; ny antsasany andrahoany hena ho azy, manatsatsika hena izy, dia mivoky. Mamindro koa izy ka manao hoe: «Adre! mihamafana aho izany; mahatsiaro ny hafanan’ny afo aho izany!»

Isaia 44:17

Ny sisan’izany anaovany andriamanitra ho azy, sampy ho azy, dia miankohoka izy, mivavaka aminy, ary eo anatrehany izy dia mangataka manao hoe: «Vonjeo aho, fa andriamanitro ianao!»

Isaia 45:20

Mivoria ianareo, ka avia, miaraha manatona, ry sisan’ny firenena izay afaka. Tsy mahalala na inona na inona izay mitondra ny sampy hazony, sy miantso izay andriamanitra tsy mba mamonjy.

Isaia 46:6

Izy ireo dia maka volamena ao an-kitapony, mandanja volafotsy amin’ny mizàna, ary manakarama mpanao anidina, hanao andriamanitra amin’izany, dia miankohoka sy mivavaka.

Apokalipsy 9:20

Tsy nibebaka hiala amin’ny asan-tanany anefa ny olona sisa tsy matin’ireo loza ireo, mba tsy hivavahany amin’ny demony sy ny sampy volamena sy volafotsy sy varahina ary vato aman-kazo, izay tsy mahajery na mahare na afa-mamindra akory;

Mpitsara 2:19

Rehefa maty anefa ny mpitsara dia nihasimba indray izy mihoatra noho ny razany indray aza, ka lasa nanaraka andriamani-kafa mba hanompo azy sy hiankohoka eo anatrehany, fa tsy niala amin’ny hadisoany amam-pikiribibiany.