Isaia 42:7 - Baiboly Katolika

⁷ hampahiratra ny mason’ny jamba, hamoaka ny mifatotra eo amin’ny tranomaizina, sy ireo mipetraka ao anatin’ny haizina ao amin’ny fonja.

Baiboly Protestanta Malagasy 2011

⁷ hampahiratra ny mason’ny jamba, hamoaka ny voafonja hiala ao an-tranomaizina ary izay mipetraka ao amin’ny maizina hiala tao amin’ny trano famatorana.

DIEM PROTESTANTA

⁷ Dia hampahiratra ny mason’ny jamba ianao, hamoaka ny gadra avy ao am-ponja, eny, hamoaka ireo mipetraka anaty haizina hialany amin’ny trano nihazonana azy.»

Dikateny Iombonana Eto Madagasikara

⁷ Dia hampahiratra ny mason’ny jamba ianao, hamoaka ny gadra avy ao am-ponja, eny, hamoaka ireo mipetraka anaty haizina hialany amin’ny trano nihazonana azy.»

Baiboly Protestanta Malagasy

⁷ Hampahiratra ny mason’ny jamba, Hamoaka ny mpifatotra hiala ao an-trano-maizina Ary izay mipetraka ao amin’ny maizina hiala ao an-trano famatorana.

Malagasy Bible

⁷ Hampahiratra ny mason'ny jamba, hamoaka ny mpifatotra hiala ao an-trano-maizina ary izay mipetraka ao amin'ny maizina hiala ao an-trano famatorana.

La Bible en Malgache

⁷ hampahiratra ny mason’ny jamba, hamoaka ny voafonja hiala ao an-tranomaizina ary izay mipetraka ao amin’ny maizina hiala tao amin’ny trano famatorana.

Isaia 42:7 Rohy Ifampitohizana

Salamo 97:7

Hangaihay izay rehetra mivavaka amin’ny sarin-javatra, izay mirehareha amin’ny sampiny. Hiankohoka eo anatrehany ny andriamanitra rehetra.

Isaia 29:18

Amin’izany andro izany, ny marenina handre ny tenin’ny boky, ary ny jamba hivoaka amin’ny haizina amana haizim-pito ka hahita.

Isaia 35:5

Amin’izay dia hahiratra ny mason’ny jamba, halady ny sofin’ny marenina.

Isaia 42:16

Hampandehaniko amin’ny lalan-tsy fantany ny jamba; ary hotarihiko amin’ny sakeli-dalana mbola tsy hitany; ny maizina hataoko mazava eo anoloany; ary ny tany be havoana halamako. Hotanterahiko ireo teny ireo; ary tsy havelako tsy hatao.

Isaia 42:22

Ary indro ity vahoaka ity, dia voababo sy norobaina ny fananany. Voafatotra ao an-johy avokoa izy rehetra; voahiboka ao an-tranomaizina izy; robaina izy nefa tsy misy mamonjy azy, baboina ny fananany, nefa tsy misy manao hoe: «Avereno!»

Isaia 49:9

hilaza amin’izay lasan-ko babo hoe: ‹Mivoaha!› sy amin’izay ao anatin’ny aizina hoe: ‹Mankanesa atỳ amin’ny mazava;› hahazo hiraotra izy ireo manaraka ny lalana, ary ny vilon-kohaniny dia eny amin’ny havoana rehetra;

Isaia 61:1

Ato amiko ny fanahin’i Iaveh, Tompo, satria voahosotr’i Iaveh aho; nirahiny hitondra teny soa mahafaly amin’ny mahantra, hamehy ny ferin’ireo torotoro fo; hampandre ny babo fa afaka sy ny ao an-tranomaizina fa alefa;

Isaia 9:2

Nampitombo ny vahoakanao Ianao, ary nataonao lehibe ny hafaliana; ka mifaly eo anatrehanao, toy ny fifaliana raha fararano izy, toy ny fihobiana an-kafaliana, raha mizara babo.

Mika 7:9

Hivesatra ny fahatezeran’i Iaveh aho, satria nanota taminy, mandra-piaikiny ny hiaro ahy amin’ny adiko, sy hampiharihariako ny rariny momba ahy; havoakany aho ho amin’ny mazava, dia hibanjina ny fahamarinany.

Matio 11:5

mahiratra ny jamba, afaka ny mandringa, sitrana ny boka, malady ny marenina, atsangana ny maty, torina amin’ny malahelo ny Evanjely,

Lioka 24:45

Dia nosokafany ny sain’izy ireo hahafantatra ny Soratra Masina,

Jaona 9:39

Dia hoy i Jesoa: «Fanavahana no nahatongavako amin’izao tontolo izao, mba hahiratra izay tsy mahiratra ary ho tonga jamba izay mahiratra.» Izay mahiratra. Ny mpiavonavona mihambo ho hendry.

Jaona 9:7

dia hoy Izy taminy: «Mandehana manasa ny masonao any amin’ny farihin’i Siloe» (izany hoe Iraka). Dia nandeha nanasa izy ka niverina nahiratra.

Asan’ny Apostoly 26:18

mba hampahiratra ny mason’izy ireo, hialany amin’ny maizina ho amin’ny mazava, sy avy amin’ny fahefan’i Satana ho amin’Andriamanitra, ka hahazoany famelan-keloka sy lova miaraka amin’ny olo-masina noho ny finoana Ahy.

2Korintiana 4:6

Satria, Andriamanitra izay nandidy hoe: «Aoka ny maizina no hiposahan’ny mazava» no nanazava ny fonay, mba hampahazavanay ny fahalalana ny voninahitr’Andriamanitra, izay mitaratra amin’ny tavan’i Kristy.

2Timoty 2:26

ka hody ny sainy, ary ho afaka amin’ny fandriky ny demony izy, izay nanao azy sambo-belona mba hanao ny sitrapony.

1Petera 2:9

Fa ianareo kosa dia taranaka voafidy, mpisorona manjaka, firenena masina, vahoaka navotana, mba hitorianareo ny hatsaran’Ilay niantso anareo hiala tamin’ny haizina, ho amin’ny fahazavany mahagaga:

Apokalipsy 3:18

Koa manoro hevitra anao aho mba hividy amiko volamena voadio tamin’ny afo, dia hanan-karena ianao; sy fitafiana fotsy hitafianao, mba tsy hisehoan’ny henatrao noho ny fitanjahanao; ary ody maso hahosotrao ny masonao dia hahiratra ianao.