Isaia 38:16 - Baiboly Katolika

¹⁶ Tompo ô, izany no fiainana, ao amin’izany rehetra izany ny fiainan’ny fanahiko. Mahasitrana ahy Ianao, mampody ny aina amiko;

Baiboly Protestanta Malagasy 2011

¹⁶ Tompo ô, ny fahatsaranao no mahavelona, ary amin’izany tokoa no iainan’ny fanahiko ka manasitrana sy mamelona ahy Ianao.

DIEM PROTESTANTA

¹⁶ –TOMPO ô, fantatrao izay nanjo ahy ka namelona ahy indray Ianao; naverinao ny heriko ary notahirizinao ny aiko.

Dikateny Iombonana Eto Madagasikara

¹⁶ –TOMPO ô, fantatrao izay nanjo ahy ka namelona ahy indray Ianao; naverinao ny heriko ary notahirizinao ny aiko.

Baiboly Protestanta Malagasy

¹⁶ Tompo ô, izany no iveloman’ny olona, Ary amin’izany tokoa no iainan’ny fanahiko, Ka dia mahasitrana sy mahavelona ahy Hianao.

Malagasy Bible

¹⁶ Tompo ô, izany no iveloman'ny olona, ary amin'izany tokoa no iainan'ny fanahiko, ka dia mahasitrana sy mahavelona ahy Hianao.

La Bible en Malgache

¹⁶ Tompo ô, ny fahatsaranao no mahavelona, ary amin’izany tokoa no iainan’ny fanahiko ka manasitrana sy mamelona ahy Ianao.

Isaia 38:16 Rohy Ifampitohizana

Salamo 119:25

Miraikitra amin’ny vovoka ny fanahiko; velomy indray aho araka ny teninao.

Salamo 119:71

Soa ho ahy ny naetry mba hianarako ny didinao.

Salamo 119:75

Fantatro, ry Iaveh, fa marina ny fitsarànao; tamin’ny fahamarinanao no nanetrenao ahy.

Salamo 30:3

Iaveh Andriamanitro ô, nitaraina taminao aho, dia nositraninao.

Salamo 39:13

Henoy ny fivavahako, ry Iaveh ô, atongilano ny sofinao amin’ny fitarainako, aza dia tsy mihontsina amin’ny fitomaniako! Fa vahiny ao aminao aho, mpivahiny toy ny razako rehetra.

Salamo 71:20

Ianao izay efa nampihatra fizahan-toetra betsaka sy mahatsiravina. Nefa mbola hamelona anay indray Ianao, ka hampiakatra anay avy amin’ny hantsan’ny tany.

Isaia 64:5

Izahay rehetra dia efa tahaka ny olona maloto; ary ny fahamarinanay rehetra, toy ny akanjo maloto. Malazo toy ny ravina avokoa izahay, ary ny helokay, mipaoka anay toy ny rivotra.

Matio 4:4

Fa namaly Izy ka nanao hoe: «Efa voasoratra hoe: ‹Tsy ny mofo ihany no iveloman’ny olona, fa ny teny rehetra izay aloaky ny vavan’Andriamanitra.› »

1Korintiana 11:32

Ary isika no tsaraina sy faizin’ny Tompo, dia ny mba tsy hanamelohana antsika miaraka amin’izao tontolo izao.

2Korintiana 4:17

Fa ho anay, ny fahoriana kely amin’ny fotoana ankehitriny dia mahavokatra voninahitra lehibe mihoa-pampana maharitra mandrakizay;

Deoteronomia 8:3

Nampietry tena anao Izy sy namela anao ho noana, ary namahana anao tamin’ny mana, izay tsy fantatrao, na fantatry ny razanao, mba hampahalalàny anao fa tsy ny mofo ihany no iveloman’ny olona, fa izay rehetra mivoaka ny vavan’Andriamanitra no iveloman’ny olona.

Hebreo 12:9

Ary na ny raintsika ara-batana aza nohajaintsika na dia nikapoka antsika aza; vao mainka ny Raintsika ara-panahy no tsy maintsy ekentsika mba ho velona isika.