Isaia 36:6 - Baiboly Katolika

⁶ Indro fa ny itokianao hitehenana dia ilay volotara folaka, i Ejipta, izay manindrona sy manaboroaka ny tanan’izay rehetra mitehina aminy; fa izany no afitsok’i Faraôna amin’izay rehetra matoky azy.

Baiboly Protestanta Malagasy 2011

⁶ Indro, matoky io tehina volotara torotoro io ianao, dia i Ejipta; nefa raha itehenan’olona io dia manindrona managorobaka ny tanany; eny, tahaka izany ny farao, mpanjakan’i Ejipta, amin’izay rehetra matoky azy.

DIEM PROTESTANTA

⁶ I Ejipta ve? Io volotara vaky manindrona sy mandrobaka ny tanan’izay mitehina aminy io ve? Fa toy izany ny Farao mpanjakan’i Ejipta amin’izay rehetra matoky azy.

Dikateny Iombonana Eto Madagasikara

⁶ I Ejipta ve? Io volotara vaky manindrona sy mandrobaka ny tanan’izay mitehina aminy io ve? Fa toy izany ny Farao mpanjakan’i Ejipta amin’izay rehetra matoky azy.

Baiboly Protestanta Malagasy

⁶ Indro, hianao matoky io tehina volotara torotoro io, dia Egypta, nefa raha itehenan’olona io, dia manindrona ny tànany miboroaka; eny, tahaka izany Farao, mpanjakan’i Egypta, amin’izay rehetra matoky azy.

Malagasy Bible

⁶ Indro, ianao matoky io tehina volotara torotoro io, dia Egypta, nefa raha itehenan'olona io, dia manindrona ny tànany miboroaka; eny, tahaka izany Farao, mpanjakan'i Egypta, amin'izay rehetra matoky azy.

La Bible en Malgache

⁶ Indro, matoky io tehina volotara torotoro io ianao, dia i Ejipta; nefa raha itehenan’olona io dia manindrona managorobaka ny tanany; eny, tahaka izany ny farao, mpanjakan’i Ejipta, amin’izay rehetra matoky azy.

Isaia 36:6 Rohy Ifampitohizana

2Mpanjaka 17:4

Vaky tamin’ny mpanjakan’i Asiria ho nanao teti-dratsy anefa i Osea fa naniraka olona tany amin’i Soà, mpanjakan’i Ejipta, sady tsy nandoa hetra intsony ho an’ny mpanjakan’i Asiria, isan-taona, ka nasain’ny mpanjakan’i Asiria nosamborina sy nogadrana, dia nalatsaka an-tranomaizina.

2Mpanjaka 18:21

Indro fa volotara vaky no itokianao ankehitriny, dia i Ejipta, ka izay mitehina aminy voatsindrony sy voatrobany avokoa, fa izany tokoa i Faraôna mpanjakan’i Ejipta ho an’izay rehetra matoky azy.

Salamo 146:3

Aza mametraka ny fitokianareo amin’ny mpanapaka, na amin’ny zanak’olombelona izay tsy mahavonjy;

Ohabolana 25:19

Nify tapatapaka sy tongotra mibolisatra, dia toy izany no fitokiana ny mpamadika, amin’ny andron’ny fahoriana.

Isaia 31:1

Loza ho an’ireo izay midina hitady vonjy any Ejipta; miantehitra amin’ny soavaly, ary mitoky amin’ny kalesy, noho ny hamaroan’ireny, sy amin’ny mpitaingin-tsoavaly, noho izy matanjaka; nefa ilay Masin’i Israely tsy mba andrandrainy; ary i Iaveh tsy tadiaviny.

Isaia 31:3

Ny Ejiptianina dia olombelona ihany, fa tsy fanahy; dia haninji-tanana i Iaveh, ka ho tafintohina izay manampy, ho potraka izay hampiana, ary hiara-devona avokoa izy roa tonta.

Ezekiela 17:17

Ary rehefa avy ny ady, ka hanandratra tovon-tany sy hanorenana manda handringanana olona maro dia tsy hiasa hanampy azy amin’ny tafika lehibe sy vahoaka maro i Faraôna.

Ezekiela 29:16

Tsy ho fitokian’ny taranak’i Israely intsony izy; hampahatsiarovina azy ny heloka nataony, tamin’ny nitodihany nankany aminy; dia ho fantatry ny olona fa Tompo Iaveh Aho.