Isaia 36:10 - Baiboly Katolika

¹⁰ Ary ankehitriny matoa niakarako ity tany ity handrava azy, moa tsy avy amin’ny sitrak’i Iaveh izany? - Izao no nolazain’i Iaveh tamiko: ‹Miakara hamely izany firenena izany, ka ravao izy!› »

Baiboly Protestanta Malagasy 2011

¹⁰ Koa moa haitraitrako va izao niakarako izao? Tsia, fa NY TOMPO no naniraka ahy handrava ity tany ity ka niteny hoe: Miakara ho amin’izany tany izany ka ravao izy.

DIEM PROTESTANTA

¹⁰ Ary ankehitriny, moa hamely sy handrava ity tany ity ve ilay mpanjaka tompoiko raha tsy sitraky ny TOMPO izany? Tsia, fa ny TOMPO mihitsy no nanome baiko azy hamely sy handrava ity tany ity.»

Dikateny Iombonana Eto Madagasikara

¹⁰ Ary ankehitriny, moa hamely sy handrava ity tany ity ve ilay mpanjaka tompoiko raha tsy sitraky ny TOMPO izany? Tsia, fa ny TOMPO mihitsy no nanome baiko azy hamely sy handrava ity tany ity.»

Baiboly Protestanta Malagasy

¹⁰ Koa moa haitraitro va izao niakarako izao? Tsia, fa Jehovah no naniraka ahy handrava ity tany ity ka nanao hoe: Miakara ho amin’izany tany izany, ka ravao izy.

Malagasy Bible

¹⁰ Koa moa haitraitro va izao niakarako izao? Tsia, fa Jehovah no naniraka ahy handrava ity tany ity ka nanao hoe: Miakara ho amin'izany tany izany, ka ravao izy.

La Bible en Malgache

¹⁰ Koa moa haitraitrako va izao niakarako izao? Tsia, fa NY TOMPO no naniraka ahy handrava ity tany ity ka niteny hoe: Miakara ho amin’izany tany izany ka ravao izy.

Isaia 36:10 Rohy Ifampitohizana

1Mpanjaka 13:18

Dia hoy izy taminy: «Izaho koa anie mpaminany toa anao ihany, ary nisy Anjely niteny tamiko, noho ny tenin’i Iaveh, nanao hoe: Ento miverina miaraka aminao ho any an-tranonao izy, mba hihina-mofo sy hisotro rano.» Laingany anefa izany.

1Mpanjaka 22:12

Ny mpaminany rehetra koa naminany torak’izany, ka nanao hoe: «Miakara any Ramôta any Galaada, ka maharese, satria hatolotr’i Iaveh eo an-tanan’ny mpanjaka izany.»

1Mpanjaka 22:6

Dia novorin’ny mpanjakan’i Israely ny mpaminany tokony ho 400 lahy, ka hoy izy tamin’izy ireo: «Handeha hamely an’i Ramôta any Galaada va aho, sa tokony hijanona?» Ka hoy ny navalin’ireo: «Mandehana fa atolotry ny Tompo eo an-tanan’ny mpanjaka izany.»

2Mpanjaka 18:25

Nefa ankehitriny moa tsy avy amin’i Iaveh va no niakarako hamely ity fitoerana ity ho rava? Fa hoy i Iaveh tamiko: Miakara hamely io tany io, ka ravao izy.»

2Tantara 35:21

Fa nandefa iraka ho any aminy i Nekô nanao hoe: «Inona no tadiavinao amiko, ry mpanjakan’i Jodà? Tsy hiady aminao no nalehako izao, fa hiady amin’ny fianakaviana izay ananako ady, sady nasain’Andriamanitra mandeha faingana aho. Ka aoka itsy, fa aza manohitra an’Andriamanitra izay momba ahy, fandrao dia ataony maty ianao.»

Isaia 37:28

Fantatro anefa ianao na mipetraka ianao na mivoaka ianao, na miditra ianao; fantatro ny hatezeranao amiko.

Amosa 3:6

Trômpetra va no haneno ao an-tanàna, ka tsy hivadi-po ny vahoaka? Misy loza tonga amin’ny tanàna va, raha tsy i Iaveh no nahatonga izany?