Isaia 33:20 - Baiboly Katolika

²⁰ Jereo ity Siôna tanàna fanaovantsika fety; aoka ny masonao anie hahita an’i Jerosalema, fonenana mahasambatra, lay tsy hafindrafindra, izay tsy hongotana mandrakizay ny tsîmany sy tsy hanesorana iray akory ny tadiny.

Baiboly Protestanta Malagasy 2011

²⁰ Tsinjovy i Ziona, dia ilay tanàna fihaonantsika tamin’ny andro firavoravoana! Ny masonao dia hahita an’i Jerosalema, fonenana mandry fehizay, tranolay izay tsy hafindra intsony, tsy hongotana intsony mandrakizay ny tsatokan-dainy, ary tsy hisy hotapahina ny kofehiny.

DIEM PROTESTANTA

²⁰ Ndeha topazonao maso i Tsiôna, fankalazàntsika ny fety firavoravoana, dia ho hitanao i Jerosalema, fonenana tony tokoa toy ny lay tsy hahorona intsony, ka ny tsimatra aminy tsy hongotana ary ny kofehiny tsy hovahana intsony.

Dikateny Iombonana Eto Madagasikara

²⁰ Ndeha topazonao maso i Tsiôna, fankalazàntsika ny fety firavoravoana, dia ho hitanao i Jerosalema, fonenana tony tokoa toy ny lay tsy hahorona intsony, ka ny tsimatra aminy tsy hongotana ary ny kofehiny tsy hovahana intsony.

Baiboly Protestanta Malagasy

²⁰ Tsinjovy Ziona, dia ilay tanàna fihaonantsika tamin’ny fotoam-pivavahana; Ny masonao hahita an’i Jerosalema ho fonenana mandry fahizay, Dia lay izay tsy hafindra, Ny tsimatra aminy tsy hongotana mandrakizay, Ary tsy hisy hotapahina ny kofehiny.

Malagasy Bible

²⁰ Tsiniovy Ziona, dia ilay tanàna fihaonantsika tamin'ny fotoam-pivavahana; Ny masonao hahita an'i Jerosalema ho fonenana mandry fahizay, dia lay izay tsy hafindra, ny tsimatra aminy tsy hongotana mandrakizay, ary tsy hisy hotapahina ny kofehiny.

La Bible en Malgache

²⁰ Tsinjovy i Ziona*, dia ilay tanàna fihaonantsika tamin’ny andro firavoravoana! Ny masonao dia hahita an’i Jerosalema, fonenana mandry fehizay, tranolay izay tsy hafindra intsony, tsy hongotana intsony mandrakizay ny tsatokan-dainy, ary tsy hisy hotapahina ny kofehiny.

Isaia 33:20 Rohy Ifampitohizana

Salamo 128:5

I Iaveh anie hanambina anao, avy ao Siôna! Enga anie ka hahita an’i Jerosalema miadana tsara ianao, amin’ny andro rehetra hiainanao!

Salamo 46:5

Misy ony ka ny fandehany mampifaly ny tanànan’Andriamanitra; ny fonenany masina onenan’ny Avo indrindra.

Salamo 46:6

Andriamanitra no ao afovoany, ka tsy azo hozongozonina Izy; vao mazava atsinanana ny andro dia tonga hamonjy azy Andriamanitra.

Isaia 32:18

Ny vahoakako honina eo amin’ny toeram-piadanana, eo amin’ny trano fonenana mahatoky, eo amin’ny trano fipetrahana mandry feizay.

Isaia 33:6

Azo antoka ny andronao; hanananao be ny famonjena, sy ny fahendrena amam-pahalalana; ny fahatahorana an’i Iaveh no rakitrao.

Isaia 37:33

Noho izany izao no lazain’i Iaveh, ny amin’ny mpanjakan’i Asiria: «Tsy hiditra amin’izany tanàna izany izy, na handefa zana-tsipìka ao aminy, na hanangana ampinga eo anoloany, na hanandratra tovon-tany hamelezana azy.

Isaia 4:5

amin’izay dia hoforonin’i Iaveh eran’ny tendrombohitra Siôna manontolo, sy eo ambonin’ny fivoriany, ny rahona aman-tsetroka anankiray mandritra ny andro, ary fahazavan’ny afo midedadeda amin’ny alina. Eo ambonin’ny voninahiny rehetra dia hisy elo;

Isaia 54:2

Halalaho ny itoeran’ny lay, velaro ny ambaim-ponenanao, aza hazonina fa alefaso ho lava ny tadinao, ary aoreno mafy ny tsima-day!

Isaia 66:14

Hahita izany ianareo, ka ho faly ny fonareo, ary hahazo aina indray hoatra ny ahi-maitso ny taolanareo. Hataon’ny tanan’i Iaveh izay hahalalan’ny mpanompony azy, sy hahalalan’ny fahavalony kosa ny fahatezerany.

Ezekiela 48:35

Ary 18.000 hakiho ny manodidina azy. Ary ny anaran’ny tanàna hatramin’izay dia hatao hoe: Iaveh no ao.

Ezekiela 48:8

Manolotra ny sisin-tanin’i Jodà, hatramin’ny faritra atsinanana ka hatramin’ny faritra andrefana, no ho ilay anjara hatokanareo, 25.000 ny sakany, ary mifanerana amin’ny anjara iray ny lavany, dia hatramin’ny faritra atsinanana ka hatramin’ny faritra andrefana: eo afovoany no hatao ny fitoerana masina.

Matio 16:18

Ary Izaho milaza aminao fa ianao no Piera (vatolampy), ary eo ambonin’izany vatolampy izany no hanorenako ny Egliziko, ary ny vavahadin’ny afobe tsy haharesy azy.

Deoteronomia 12:5

fa tadiavo Izy, amin’ny fitoerana izay hofidin’i Iaveh Andriamanitrareo eo amin’ny fokonareo rehetra, mba hametrahany ny Anarany sy hataony fonenany, ka ao amin’io no halehanao.

Deoteronomia 16:16

Intelo isan-taona no hisehoan’ny lehilahy rehetra aminareo, eo anatrehan’i Iaveh Andriamanitrareo, any amin’ny fitoerana izay hofidiny, dia amin’ny fetin’ny Azima, sy ny fetin’ny Herinandro, ary ny fetin’ny Tabernakla; ka aoka tsy ho tanam-polo fotsiny no hisehoany eo anatrehan’i Iaveh,

Apokalipsy 3:12

Izay handresy dia hataoko andry eo amin’ny Tempolin’Andriamanitra, sady tsy hiala ao intsony; ary hosoratako eo aminy ny Anaran’ny Andriamanitro, sy ny anaran’ny tanànan’ny Andriamanitro, dia i Jerosalema vaovao, izay midina avy any an-danitra, avy amin’Andriamanitro, sy ny Anarako vaovao.