Isaia 30:8 - Baiboly Katolika

⁸ Koa ankehitriny mandehana soraty eo anatrehany amin’ny fàfana izany, ary ataovy an-tsoratra ao anatin’ny boky, hany ka amin’ny andro ho avy dia ho vavolombelona mandrakizay izany.

Baiboly Protestanta Malagasy 2011

⁸ Avia ankehitriny, soraty izany, soraty amin’ny fafana eo anatrehany ary soraty amin’ny boky, mba haharitra amin’ny andro ho avy, ho vavolombelona mandrakizay doria.

DIEM PROTESTANTA

⁸ Hoy kosa ny Tompo tamin’i Isaià: «Ankehitriny, ndeha soraty amin’ny fafana izany eo anatrehan’ny mponin’i Jerosalema, ka ataovy raki-tsoratra ho vavolombelona haharitra hatrany amin’ny andro ho avy.

Dikateny Iombonana Eto Madagasikara

⁸ Hoy kosa ny Tompo tamin’i Isaià: «Ankehitriny, ndeha soraty amin’ny fafana izany eo anatrehan’ny mponin’i Jerosalema, ka ataovy raki-tsoratra ho vavolombelona haharitra hatrany amin’ny andro ho avy.

Baiboly Protestanta Malagasy

⁸ Mandehana ankehitriny, soraty amin’ny fàfana eo anatrehany izany, Ary soraty amin’ny taratasy, Mba haharitra amin’ny andro any aoriana mandrakizay doria izany.

Malagasy Bible

⁸ Mandehana ankehitriny soraty amin'ny fàfana eo anatrehany izany, ary soraty amin'ny taratasy mba haharitra amin'ny andro any aoriana mandrakizay doria izany.

La Bible en Malgache

⁸ Avia ankehitriny, soraty izany, soraty amin’ny fafana eo anatrehany ary soraty amin’ny boky, mba haharitra amin’ny andro ho avy, ho vavolombelona mandrakizay doria.

Isaia 30:8 Rohy Ifampitohizana

Isaia 2:2

Izao no ho tonga any amin’ny andro farany; ny tendrombohitry ny tranon’i Iaveh, hatao eo an-tampon’ny tendrombohitra; sy hasandratra ho eo ambonin’ny havoana. Ary ny firenena rehetra hirohotra ho any aminy,

Isaia 34:16

Izahao ao amin’ny bokin’i Iaveh ka vakio: Tsy misy tsy ao ireo na dia iray aza, na ity na itsy tsy misy tsy tonga ao. Fa ny vavan’i Iaveh no efa nandidy izany, ary ny fofon’ainy no nanangona azy.

Isaia 8:1

Ary hoy i Iaveh tamiko: «Mangalà fàfana lehibe, ka soraty eo, amin’ny soratra azon’ny olona rehetra vakina, izao: ‹Hafaingano ny fandrobana! Mamaboa faingana.› »

Jeremia 23:20

Tsy hihemotra ny hatezeran’i Iaveh raha tsy efa vitany sy tanterany ny hevitry ny fony. Ho fantatrareo mazava izany, amin’ny andro farany.

Jeremia 30:2

Izao no lazain’i Iaveh Andriamanitr’i Israely: «Soraty amin’ny boky ny teny rehetra nolazaiko taminao.

Jeremia 36:2

Mangalà horonan-taratasy ianao, ka soraty ao avokoa ny teny nolazaiko taminao, mamely an’i Israely sy i Jodà ary ny firenena rehetra, hatramin’ny andro nitenenako taminao, hatramin’ny andron’i Josiasa ka mandraka androany.

Jeremia 36:4

Dia niantso an’i Baròka zanak’i Nerià, i Jeremia, ka ny teny rehetra nolazain’i Iaveh tamin’i Jeremia, dia nosoratan’i Baròka tamin’ny horonan-taratasy araka ny nanononany azy.

Jeremia 48:47

Mbola hampodiko anefa ny voababo amin’i Moaba, any amin’ny farandro any, - teny marin’i Iaveh. - Hatreto ny fitsarana an’i Moaba.

Jeremia 51:60

Nosoratan’i Jeremia tamin’ny boky iray avokoa, ny loza hanjò an’i Babilôna, dia ireo teny rehetra voasoratra ny amin’ny Babilôna ireo.

Ezekiela 38:16

Ary hiakatra hamely an’i Israely vahoakako ianao, toy ny rahona hanarona ny tany. Any am-paran’ny andro any no hitondrako anao hamely ny taniko mba hahafantaran’ny firenena Ahy rehefa manamasina ny Tenako ao aminao Aho, ry Goga, eo imason’ireo.

Hosea 3:5

Rehefa afaka izany vao hibebaka ny zanak’i Israely, ka hitady an’i Iaveh Andriamaniny sy i Davida mpanjakany, indray; hiverina amim-pangovitana amin’i Iaveh sy amin’ny hatsaram-pony izy ireo, amin’ny faran’ny andro.»

Habakoka 2:2

Dia namaly ahy i Iaveh, ka nanao hoe: Soraty ny fahitana ka sokiro amin’ny fàfana, mba hamakian’ny olona azy moramora.

Nomery 24:14

Ary indro handeha ho any amin’ny fireneko aho izao; koa etsy ianao, hilazako rahateo izay hataon’ity vahoaka ity amin’ny vahoakanao, any aoriana any.»

Deoteronomia 31:19

«Koa soraty izao tononkira izao. Ampianaro ny zanak’i Israely, ary ataovy eo am-bavany mba ho vavolombelona hoentiko miampanga ny zanak’i Israely izany tononkira izany.

Deoteronomia 31:22

Dia nosoratan’i Môizy androtr’izay ihany izany tononkira izany, ka nampianariny ny zanak’i Israely.

Deoteronomia 31:29

Satria fantatro fa rehefa maty aho, dia hihasimba marina tokoa ianareo, dia hivily hiala amin’ny lalana nasaiko nalehanareo ianareo, ka ho tratry ny loza, any amin’ny andro aoriana any, noho ianareo nanao izay ratsy eo imason’i Iaveh sy nampahatezitra azy tamin’ny asan-tananareo.»

Deoteronomia 4:30

Ao anatin’ny fahoriana manjò anao, rehefa zoin’ireo zavatra rehetra ireo ianao any amin’ny andro farany any, dia hiverina amin’i Iaveh Andriamanitrao ianao, ka hihaino ny feony;

1Timoty 4:1

Milaza marina ny Fanahy fa any aoriana any, dia hiala amin’ny finoana ny sasany, ka hanaraka fanahy mamitaka sy fampianaran’ny demony,

2Petera 3:3

Fantaro tsara aloha fa any am-parany any, dia hisy mpaniratsira fetsy ratsy, izay hanaraka ny danin’ny kibony,

Joda 1:18

izay nanambara taminareo fa amin’ny andro farany dia hisy olona mpamitaka, handeha araka ny filàn-dratsiny mahamenatra,