Isaia 18:3 - Baiboly Katolika

³ Ry mponina rehetra amin’izao tontolo izao, ry mponina ambonin’ny tany! mijere ianareo, rehefa voatsangana eny an-tendrombohitra ny faneva, mihainoa ianareo rehefa maneno ny trômpetra.

Baiboly Protestanta Malagasy 2011

³ Ry mponina rehetra amin’izao tontolo izao, ry mpitoetra etỳ ambonin’ny tany, mijere ianareo rehefa misy faneva atsangana eo an-tampon-tendrombohitra; ary rehefa misy anjomara tsofina dia mihainoa.

DIEM PROTESTANTA

³ Ianareo rehetra mponina amin’izao tontolo izao ka mipetraka eto ambonin’ny tany, mijere rehefa atsangana eny an-tendrombohitra ny faneva famantarana, mihainoa raha vao maneno ny anjomara.

Dikateny Iombonana Eto Madagasikara

³ Ianareo rehetra mponina amin’izao tontolo izao ka mipetraka eto ambonin’ny tany, mijere rehefa atsangana eny an-tendrombohitra ny faneva famantarana, mihainoa raha vao maneno ny anjomara.

Baiboly Protestanta Malagasy

³ Ry mponina rehetra amin’izao tontolo izao Sy mpitoetra etỳ ambonin’ny tany! Raha misy faneva atsangana eo an-tampon-tendrombohitra, dia mijere hianareo,– Ary raha misy anjomara tsofina, dia mihainoa.

Malagasy Bible

³ Ry mponina rehetra amin'izao tontolo izao sy mpitoetra etỳ ambonin'ny tany! Raha misy faneva atsangana eo an-tampon-tendrombohitra, dia mijere ianareo, ary raha misy anjomara tsofina, dia mihainoa.

La Bible en Malgache

³ Ry mponina rehetra amin’izao tontolo izao, ry mpitoetra etỳ ambonin’ny tany, mijere ianareo rehefa misy faneva atsangana eo an-tampon-tendrombohitra; ary rehefa misy anjomara tsofina dia mihainoa.

Isaia 18:3 Rohy Ifampitohizana

Salamo 50:1

Salamon’i Asafa. Miteny Andriamanitra, Elohima, Iaveh, manainga ny tany, hatramin’ny fiposahan’ny masoandro, ka hatramin’ny filentehany.

Isaia 1:2

Mihainoa, ry lanitra, ary ianao ry tany, mitongilàna sofina, fa miteny i Iaveh: «Efa namelon-jaza Aho, ary efa nanabe ireny, kanjo izy ireo niodina tamiko.

Isaia 11:12

Ary izy hanangam-paneva ho an’ny firenena, hamory ny voasesitany amin’i Israely; hanangona ny tafaely amin’i Jodà, avy any amin’ny vazantany efatra.

Isaia 13:2

Manangàna faneva, eo amin’ny tendrombohitra mangadihady; antsoy amin’ny feo avo izy ireo, hofay tanana izy, handingana ny vavahadin’ireo mpanapaka.

Isaia 13:4

Injany re ny horakoraka any an-tendrombohitra, toa hahohahom-bahoaka be; injany re ny tabataban’ny fanjakana, ny firenena tafavory: i Iavehn’ny tafika izany mampanao matso ireo miaramilany mpiantafika.

Isaia 26:11

Ry Iaveh ô, ny tananao efa voaainga tsy hitan’izy ireo. Fa ny zotom-ponao ho an’ny olonao kosa ho hitany ka hangaihay izy ireo; ho levon’ny afo natao handevonana ny fahavalonao.

Isaia 31:9

Ny vatolampy handositra aman-tahotra; ary ny andriandahiny mangovitra handao ny faneva, - teny ton’i Iaveh - izay manana ny afony ao Siôna, sy ny fatam-pandoroany ao Jerosalema.»

Isaia 49:22

Izao no lazain’i Iaveh Tompo: Indro Aho hanandratra ny tanako amin’ny firenena, ary hanangana ny fanevako amin’ny vahoaka; dia hoentiny miverina eo an-tanany ny zanakao lahy; ary hoentiny miverina eny an-tsorony, ny zanakao vavy.

Isaia 5:26

Manangan-tsaina ho an’ireo firenena lavitra Izy; ary misiaka miantso azy ireo, avy any am-paran’ny tany. dia indreo tonga ireny, faingana sady mailaka.

Isaia 7:18

Amin’izany andro izany, i Iaveh hisiaka ny lanitra any amin’ny fara lafin’ny onin’i Ejipta, sy ny renitantely, any amin’ny tanin’i Asiria.

Jeremia 22:29

Ry tany ô, ry tany ô, ry tany ô, henoy ny tenin’i Iaveh!

Jeremia 51:27

Manangàna saina, amin’ny tany; mitsofa anjomara, amin’ny firenena; manokàna firenena hamely azy; miantsoa hamely azy ny fanjakan’i Ararata sy Meni ary Askeneza. Manendre ny filohan’ny tafika hamely azy; mandefasa ny soavaly toy ny valala mitsangam-bolo.

Mika 1:2

Mihainoa ianareo, ry firenena rehetra! Mandrenesa tsara, ry tany, mbamin’izay rehetra monina eo aminao! Efa hitsangan-ko vavolombelona hiampanga anareo ny Tompo Iaveh, dia ny Tompo avy ao amin’ny lapan’ny fahamasinany!

Mika 6:2

Mihainoa ny adin’i Iaveh ianareo, ry tendrombohitra, mbaminareo fanorenan’ny tany tsy azo ovana! Fa manana ady amin’ny vahokany i Iaveh; ka handahatra manohitra an’i Israely Izy. -

Mika 6:9

Miantso mafy miteny amin’ny tanàna ny feon’i Iaveh - ary fahendrena kosa ny manaja ny Anaranao: - Mihainoa ianareo, ny tsora-kazo, mbamin’izay nandidy azy!

Zakaria 9:14

Hiseho eo ambonin’izy ireo i Iaveh, hitsoriaka toy ny helatra, ny zana-tsipìkany. Hampaneno ny trômpetra ny Tompo Iaveh, ary handroso amin’ny tafio-drivotra any atsimo.

Matio 13:16

Fa ianareo kosa, sambatra ny masonareo fa mahita, ary ny sofinareo fa mandre.

Matio 13:9

Izay manan-tsofina hihainoana, aoka izy hihaino.»