Isaia 15:7 - Baiboly Katolika

⁷ Izay zavatra mba azony noraisina sy izay fitaovany, dia entiny any an-dafin’ny lohasahan-driakan’ny Hazomalahelo.

Baiboly Protestanta Malagasy 2011

⁷ Noho izany dia entiny ho any ampitan’ny lohasahan-driakan’ny hazomalahelo ny harena be izay nohariny sy ny entany izay mbola voatahiriny.

DIEM PROTESTANTA

⁷ Ireo harena vitsivitsy hany sisa voatahiry dia nentin’ireo Môabita nitsoaka any am-pitan’ny lohasahan-driakan’ny Hazomalahelo.

Dikateny Iombonana Eto Madagasikara

⁷ Ireo harena vitsivitsy hany sisa voatahiry dia nentin’ireo Môabita nitsoaka any am-pitan’ny lohasahan-driakan’ny Hazomalahelo.

Baiboly Protestanta Malagasy

⁷ Ary amin’izany ny harena be izay noharìny sy ny entany izay mbola voatahiriny Dia entiny ho any am-pitan’ny lohasahan-driaky ny hazomalahelo.

Malagasy Bible

⁷ Ary amin'izany ny harena be izay nohariny ny entany izay mbola voatahiriny dia entiny ho any am-pitan'ny lohasahan-driaky ny hazomalahelo.

La Bible en Malgache

⁷ Noho izany dia entiny ho any ampitan’ny lohasahan-driakan’ny hazomalahelo ny harena be izay nohariny sy ny entany izay mbola voatahiriny.

Isaia 15:7 Rohy Ifampitohizana

Isaia 10:14

Toy ny fisambotra akany no nisamboran’ny tanako ny haren’ny firenena, ary toy ny fanangona atody nilaozana no namoriako ny tany rehetra, ka tsy nisy nikopa elatra, na nisoka-bava na mba nikiaka akory!»

Isaia 10:6

Irahiko izy hamely ny firenena mpankahala fivavahana, omeko didy izy hamely ny vahoaka mahatezitra Ahy, dia handroba sy hamabo, ary hanosihosy azy, toy ny fotaka eny an-dalambe.

Isaia 15:8

Fa efa re eran’ny faritanin’i Moaba ny fitarainana. manako hatrany Eglaima ny finanananany, tonga hatrany Beera-Elima ny finanananany.

Isaia 30:6

Faminaniana ny amin’ireo bibin’i Negeba: Izy ireo mamakivaky ny tany mampahory sy mampitebiteby, izay ivoahan’ny liona aman-diona vavy, ny menarana sy ny dragona manidina, mitondra ny hareny eny an-damosin’ny ampondra, sy ny rakiny eo amin’ny trafon’ny rameva, ho an’ny firenena tsy mahefa na inona na inona.

Isaia 5:29

Fieron’ny liona, ny fierony; manerona izy toy ny liona tanora izay mitrerona sy misambotra ny rembiny; dia lasany izany ka tsy misy mahesotra izany aminy intsony.

Jeremia 48:36

Koa mitaraina hoatra ny sodina ny foko, noho ny amin’i Moaba; eny, ny foko, noho ny amin’ny mponina ao Kir-Heresa, mitaraina hoatra ny sodina. Koa very avokoa izay tombony efa azony.

Levitikosy 23:40

Amin’ny andro voalohany haka voan’ny hazo tsara tarehy ianareo, sampan-drofia, rantsan’ny hazo mikirindro, ary hazo malahelo eny amoron-drenirano, ka hifaly eo anatrehan’i Iaveh Andriamanitrareo mandritra ny hafitoana.