Isaia 15:5 - Baiboly Katolika

⁵ Ory an’i Moaba ny foko; efa mby ao Segôra sahady ny mpiaro azy, efa ao Eglata-Selisiah. eny, mitomany izy no miakatra ny fiakarana Lohita; eny amin’ny lalan’i Hôrônaima, manao antsom-pahoriana ny olona.

Baiboly Protestanta Malagasy 2011

⁵ Mitoloko ny foko noho ny amin’i Moaba; tonga hatrany Zoara sy Eglata-Selisia ny olona mandositra avy ao. Fa miakatra am-pitomaniana ao amin’ny fiakarana Lohita izy, sady midradradradra amim-pamoizam-po eny an-dalana mankany Horonaima;

DIEM PROTESTANTA

⁵ Mitaraina ny foko noho ny amin’i Môaba: tonga hatrany Tsôhara sy Heglata-Selisià ny mpandositra. Mitomany ny olona mianika ny fiakaran’i Lohita ary midradradradra mamoy fo eny an-dalana ho any Hôrônaima.

Dikateny Iombonana Eto Madagasikara

⁵ Mitaraina ny foko noho ny amin’i Môaba: tonga hatrany Tsôhara sy Heglata-Selisià ny mpandositra. Mitomany ny olona mianika ny fiakaran’i Lohita ary midradradradra mamoy fo eny an-dalana ho any Hôrônaima.

Baiboly Protestanta Malagasy

⁵ Ny foko mitaraina noho ny amin’i Moaba; Ny mandositra avy ao dia tonga hatrany Zoara sy Egleta-selisia; Fa miakatra mitomany ao amin’ny fiakarana Lohita izy Sy midradradradra amin’ny famoizam-po eny an-dàlana mankany Horonaima.

Malagasy Bible

⁵ Ny foko mitaraina noho ny amin'i Moaba; Ny mandositra avy ao dia tonga hatrany Zoara sy Egleta-selisia; fa miakatra mitomany ao amin'ny fiakarana Lohita izy sy midradradradra amin'ny famoizam-po eny an-dalana mankany Horonaima.

La Bible en Malgache

⁵ Mitoloko ny foko noho ny amin’i Moaba; tonga hatrany Zoara sy Eglata-Selisia ny olona mandositra avy ao. Fa miakatra am-pitomaniana ao amin’ny fiakarana Lohita izy, sady midradradradra amim-pamoizam-po eny an-dalana mankany Horonaima;

Isaia 15:5 Rohy Ifampitohizana

Genesisy 13:10

Dia nanopy ny masony i Lôta ka nahita ny tany lemak’i Jordany rehetra, izay azon-drano hatrany hatrany; io tany io, talohan’ny nandravan’i Iaveh an’i Sôdôma sy i Gômôra, dia tahaka ny sahan’i Iaveh, tahaka ny tany Ejipta akaikin’i Tsôara.

Genesisy 14:2

dia sendra rafitra ady izy ireo tamin’i Barà, mpanjakan’i Sôdôma sy i Bersà, mpanjakan’i Gômôra, sy i Senaaba, mpanjakan’i Adamà, sy i Seneber, mpanjakan’i Sebôima, ary ny mpanjakan’i Balà, dia i Segôra izany.

Genesisy 19:22

Fa mandehana faingana àry mandositra ao fa tsy afa-manao na inona na inona aho, raha tsy efa tonga ao ianao.» Izany no nanaovana ny anaran’io tanàna io hoe Segôra.

2Samoela 15:23

Nitomany nikaikaika avokoa ny tany ama-monina tamin’ny nandalovan’ireo vahoaka rehetra ireo. Nony tafita ny ranon-driaka Sedrôna ny mpanjaka, dia nandroso tamin’ny tandrifin’ny lalana mankany an’efitra ny vahoaka.

2Samoela 15:30

Niakatra ny tendrombohitra Oliva i Davida, niakatra sy nitomany izy, sady nisaron-doha ary nandeha tsy nikiraro; ny vahoaka rehetra nanaraka azy koa nisaron-doha ary nitomany teny am-piakarana.

Isaia 16:14

Ary ankehitriny kosa miteny i Iaveh, ka manao hoe: «Ao anatin’ny telo taona, araka ny fanisana ny taona iasan’ny mpikarama, dia ho lefy ny voninahitr’i Moaba mbamin’ny vahoaka be ao aminy, fa zavatra kely foana no ho sisa, sady ho vitsy sy osa.»

Isaia 22:5

Fa andron’ny tabataba, fanosihosena, fahaverezan-kevitra ity, ka nalefan’ny Tompo Iavehn’ny tafika, ho any amin’ny Lohasahan’ny fahitana; ravana ny manda, misy dradradradra re eny an-tendrombohitra eny.

Isaia 59:7

Ny tongony miriotra ho amin’ny ratsy, sy mimaona handatsaka ny ra tsy manan-tsiny; ny heviny dia hevitra mahameloka; fandravana amam-pandringanana no eo amin’ny alehany.

Jeremia 13:17

Raha tsy mihaino izany ianareo, dia hitomany mangingina ny fanahiko noho ny fiavonavonanareo; hamarin-dranomaso mangidy ny masoko, hanao ranomaso havozona aho, satria ho lasan-ko babo ny ondrin’i Jakôba.

Jeremia 17:16

Ary izaho tsy mba nandà tsy ho mpiandry manaraka anao; tsy mba naniry ny andron’ny loza, fantatrao izany; ny naloaky ny vavako, dia efa teo anatrehan’ny tavanao.

Jeremia 4:19

Ny kiboko re! ny kiboko re! mihatra amin’ny vololon’aiko ny fanaintainana! Mikorontana ny foko; tsy afa-mangina aho, fa renao, ry fanahiko, ny feon’anjomara, ny akoran’ady.

Jeremia 4:20

Fandravana mitongoa fandravana no ambara; fa rava ny tany rehetra. Rava tampoka ny laiko, raha indray mihelina monja ny trano laiko.

Jeremia 48:3

Injany, avy ao Hôrônaima misy antsoantso hoe: «Fandringanana sy fandravana lozan-tany re!»

Jeremia 48:5

Eny, fa misy fitomaniana ao amin’eny fiakaran’i Loita, mitomany ny olona no miakatra eo; eny, eo amin’ny fidinan’i Hôrônaima, fitarainam-pahoriana no re.

Jeremia 50:46

Mihorohoro ny tany, rehefa re fa hoe azo i Babela, ka misy antso re any amin’ny firenena.

Jeremia 9:10

Ary i Jerosalema hataoko korontam-bato, sy fieren’amboadia; ny tanànan’i Jodà koa hataoko lao, tsy misy mponina.

Nomery 21:29

Loza ho anao, ry Moaba! Levona ianao, ry vahoakan’i Kamôzy; Nafoiny ny zanany lahy nandositra, Ary ny zanany vavy lasan-ko babo Ho an’i Sehôna, mpanjakan’ny Amôreana.