Isaia 1:7 - Baiboly Katolika

⁷ Ny taninareo, lao; ny tanànanareo levon’ny afo. Ny taninareo levon’ny hafa eo imasonareo; hoatra ny fandravan’ny olon-kafa firenena no fahasimbany.

Baiboly Protestanta Malagasy 2011

⁷ Lao ny taninareo; voadoro tamin’ny afo ny tanànanareo; lanin’ny hafa firenena eo imasonareo ny tanimbolinareo. Lao izy, toy ny efa noravan’ny hafa firenena.

DIEM PROTESTANTA

⁷ Efa lao ny taninareo, kilan’ny afo ny tanànanareo; ny tany novolenareo aza dia ny vahiny no nihinana ny vokany teo anatrehanareo, ka efa lao tokoa izany tahaka ny faharavàn’i Sôdôma.

Dikateny Iombonana Eto Madagasikara

⁷ Efa lao ny taninareo, kilan’ny afo ny tanànanareo; ny tany novolenareo aza dia ny vahiny no nihinana ny vokany teo anatrehanareo, ka efa lao tokoa izany tahaka ny faharavàn’i Sôdôma.

Baiboly Protestanta Malagasy

⁷ Ny taninareo dia efa lao; Ny tanànanareo dia voadotra tamin’ny afo; Ny tany volenareo dia lanin’ny fahavalo eo imasonareo, Ary lao izy toy ny efa noravan’ny fahavalo.

Malagasy Bible

⁷ Ny taninareo dia efa lao; Ny tanànanareo dia voadotra tamin'ny afo; Ny tany volenareo dia lanin'ny fahavalo eo imasonareo, ary lao izy toy ny efa noravan'ny fahavalo.

La Bible en Malgache

⁷ Lao ny taninareo; voadoro tamin’ny afo ny tanànanareo; lanin’ny hafa firenena eo imasonareo ny tanimbolinareo. Lao izy, toy ny efa noravan’ny hafa firenena.

Isaia 1:7 Rohy Ifampitohizana

2Tantara 28:5

Natolotr’i Iaveh Andriamaniny ho eo an-tanan’ny mpanjakan’i Siria izy, ka noresen’ny Sirianina, dia nahazoany sambo-belona maro be nentiny nankany Damasa. Natolotra ho eo an-tanan’ny mpanjakan’i Israely koa izy, ka nasiany sy nataony hoto mihitsy.

Salamo 107:34

ny tany mahavokatra ho tanin-tsira noho ny haratsian’ny mponina teo aminy.

Salamo 107:39

Nahenany ho vitsy foana sy naetriny izy ireo, notsindrian’ny loza amam-pahoriana.

Salamo 109:11

Aoka ho lasan’ny tompon-trosa ny ananany rehetra, ary aoka hofaohin’ny olon-kafa ny vokatry ny asany!

Isaia 1:8

Ary ny zanaka vavin’i Siôna dia tafajanona toy ny trano bongo anaty tanimboaloboka, toy ny tranotomboka, anaty tanim-boatango, toy ny tilikambo fiambenana.

Isaia 3:8

Satria mangozohozo i Jerosalema ary mirodana i Jodà, noho ny teny aman’asan’izy ireo manohitra an’i Iaveh, mba hihaika ny fijerin’ny fiandrianany.

Isaia 34:9

Hanjary dity ny reniranony, ho solifara ny vovo-taniny, ary ho tonga dity mahamay ny taniny,

Isaia 49:19

Fa ny tanànanao rava, ny efitrao, ny taninao foana, ireo rehetra ireo dia tsy ho ampy amin’izay ho an’ny mponina eo aminao; ary izay nandany anao, lasa lavitra!

Isaia 5:17

Hisy ondry hiraoka ahitra, toy ny eo amin’ny fiandrasana azy, sy olon-kafa handevona ny sahan’ny mpanan-karena efa voasimba.

Isaia 5:9

Ity no teny ren’ny sofiko avy amin’i Iavehn’ny tafika: Eny ho foana ireo trano maro ireo, tsy hisy mpitoetra intsony ireo trano lehibe sy tsara tarehy ireo.

Isaia 6:11

Ary hoy aho: «Mandra-pahoviana, ry Tompo?» Ka hoy ny navaliny: «Mandra-paharingan’ny tanàna, ka tsy hisy mponina, ka ny trano, tsy hisy olona intsony, ary ny tany ho rava sy lao;

Isaia 60:15

Ianao izay efa nariana teo sy nankahalaina ary nanirery, dia hataoko reharehan’ny taona rehetra, sy fifalian’ny taranaka rehetra.

Isaia 62:8

I Iaveh efa nianiana tamin’ny tanany ankavanana sy tamin’ny sandriny mahery hoe: «Ny varinao tsy homeko hohanin’ny fahavalonao intsony, ary tsy hosotroin’ny zanaky ny hafa firenena intsony ny divainao, vokatry ny fisasaranao.

Isaia 64:10

Ny tranonay masina sy be voninahitra, izay nankalazan’ny razanay ny fiderana Anao, efa nodoran’ny afo, ary ny zavatra maminay rava avokoa.

Isaia 9:18

Noho ny hatezeran’i Iavehn’ny tafika dia may ny tany, ary ny vahoaka zary rembin’afo. Tsy misy mitsimbina izay rahalahiny intsony;

Isaia 9:5

Fa misy zaza teraka ho antsika; zazalahy nomena antsika; ka ny fanjakana napetraka eo an-tsorony; ary ny anarany atao hoe: Mpanolo-tsaina mahagaga, Andriamanitra mahery, Ray mandrakizay, Andrian’ny fiadanana,

Jeremia 2:15

Mierona hamely azy ny liona tanora, sy miloa-peo mafy, ka mahatonga ny taniny ho lao. Voadotry ny afo ny tanànany, ka tsy misy mponina intsony.

Jeremia 4:7

Misy liona miantoraka avy eny an-kirihitrala fiereny, ary ny mpandrava firenena anankiray nangoron-day, niala tamin’ny fitoerany hampanjary efitra ny taninao; ka ho lao ny tanànanao, tsy hisy mponina intsony.

Jeremia 44:6

Ka dia niantefa tamin’izy ireo ny fahavinirako amam-pahatezerako, ka nirehitra tamin’ny tanànan’i Jodà sy ny lalam-ben’i Jerosalema, ka tonga tany lao sy efitra izany, araka ny hita ankehitriny izao.

Jeremia 6:8

Mihatsarà ianao, ry Jerosalema fandrao ialàn’ny fanahiko ianao, ka ataoko zary efitra, tany tsy onenana.

Jeremia 7:34

Hataoko mitsahatra eo an-tanànan’i Jodà, sy eny an-dalamben’i Jerosalema ny feo fifaliana sy ny feo firavoravoana, ny hiran’ny mpampakatra sy ny ampakarina; fa hanjary efitra ny tany.

Fitomaniana 5:2

Ny lovanay, lasan’ny hafa firenena, ny tranonay, lasan’ny olon-tsy fantatra.

Ezekiela 25:4

noho izany dia indro hatolotro hozakain’ny zanaky ny Atsinanana kosa ianao; ka hanorina ny tobiny eo aminao izy ireo, sy hiorim-ponenana ao aminao; izy no hihinana ny voankazonao, sy hisotro ny ronononao.

Ezekiela 30:12

Ny ony hovako ho tany maina; ny tany hatolotro eo an-tanan’ny olona masiaka; ary ny tany mbamin’izay rehetra ao aminy, horavako, amin’ny tanan’ny hafa firenena. Izaho Iaveh no niteny.

Hosea 7:9

Levon’ny hafa firenena ny heriny, nefa tsy fantany akory izany; efa mipi-bolo ny lohany, nefa tsy fantany akory izany.

Hosea 8:7

Namafy rivotra izy ireo, ka hijinja tafio-drivotra. Tsy hisy salohim-bary ho azy, fa hisy vary tsy vanon-ko lafarina; ary raha vanon-ko lafarina aza, ny hafa firenena no hihinana azy.

Levitikosy 26:33

Ianareo haparitako any amin’ny firenen-kafa, hoenjehiko amin’ny sabatra avy eo aoriana; ny taninareo ho lao ary ny tanànanareo ho zary efitra.

Levitikosy 26:34

Amin’izany, hanana ny sabatany ny tany, mandritra ny fotoana hahafoana azy, rehefa any amin’ny tanim-pahavalonareo ianareo, amin’izany, dia hitsahatra ny tany, ary hanana ny sabatany.

Mika 5:11

Ny famosavianao, hoesoriko eny an-tananao, ka tsy hisy mpimasy intsony eo aminao.

Mika 6:13

Koa izao kosa no Ahy, ka hasiako kapoka mahafaty ianao, haringako noho ny fahotanao ianao.

Deoteronomia 28:33

Ny vokatry ny taninao, ny vokatry ny asanao rehetra, hohanin’olon-kafa tsy fantatrao akory, ary ianao hampahorina sy homongoin’ny sasany isan’andro.

Deoteronomia 28:43

Ny vahiny monina eo aminao hisondrotra hatrany ho ambony noho ianao; fa ianao kosa hietry mandrakariva ho ambany;

Deoteronomia 29:23

ka hiteny izany firenena rehetra izany hanao hoe: Nahoana i Iaveh no dia nanao izao tamin’izany tany izany? Inona no dia nahatonga izao firehetam-pahatezerana lehibe izao? Dia hisy hilaza hanao hoe: