Hosea 5:6 - Baiboly Katolika

⁶ Hitondra ny ombiny aman’ondriny izy ireo, handeha hitady an’i Iaveh, nefa tsy hahita azy, fa nisaraka tamin’ireo izy.

Baiboly Protestanta Malagasy 2011

⁶ Hitondra ny omby aman’ondriny izy ka handeha hitady NY TOMPO nefa tsy hahita Azy satria NY TOMPO efa niala taminy.

DIEM PROTESTANTA

⁶ Mitondra omby aman’ondry hatao sorona izy no tonga hitady ny TOMPO nefa tsy hahita Azy; fa efa nanalavitra azy ireo Izy.

Dikateny Iombonana Eto Madagasikara

⁶ Mitondra omby aman’ondry hatao sorona izy no tonga hitady ny TOMPO nefa tsy hahita Azy; fa efa nanalavitra azy ireo Izy.

Baiboly Protestanta Malagasy

⁶ Hitondra ny ombiny aman-ondriny izy ka handeha hitady an’i Jehovah. Nefa tsy hahita Azy; Jehovah efa niala taminy.

Malagasy Bible

⁶ Hitondra ny ombiny aman'ondriny izy ka handeha hitady an'i Jehovah. Nefa tsy hahita Azy; Jehovah efa niala taminy.

La Bible en Malgache

⁶ Hitondra ny omby aman’ondriny izy ka handeha hitady NY TOMPO nefa tsy hahita Azy satria NY TOMPO efa niala taminy.

Hosea 5:6 Rohy Ifampitohizana

Eksodosy 10:9

Ary hoy ny navalin’i Môizy: «Hankany avokoa izahay omban’ny ankizy sy ny anti-dahy, ny zanakay lahy aman-janakay vavy, ny ondry sy ny ombinay, fa fety fankalazana an’i Iaveh izany ho anay.»

Ohabolana 1:28

Amin’izay izy ireo hiantso ahy fa tsy hovaliako, hitady ahy fa tsy hahita ahy,

Ohabolana 15:8

Ny soron’ny ratsy fanahy dia ankahalain’i Iaveh; fa ny vavaky ny olo-mahitsy kosa, ankasitrahiny.

Ohabolana 21:27

Ny soron’ny ratsy fanahy, dia fahavetavetana, indrindra fa raha sain-dratsy no anaterany azy.

Tononkiran’i Solomona 5:6

Namoha trano ny malalako aho; kanjo nanjavona ny malalako; nandositra izy. Tsy nahatsiaro tena aho raha niteny tamiko izy. Nitady azy aho, nefa tsy nahita; niantso azy, nefa tsy novaliany.

Isaia 66:3

Fa izay mamono omby, hoatra ny mamono olona; izay manao sorona ondry, hoatra ny manakenda alika; izay manolotra fanatitra, hoatra ny manatitra ran-kisoa; izay mandoro emboka, hoatra ny misaotra ny sampy. Tahaka ny ifidianany ny lalany, sy ankasitrahan’ny fanahiny ny fahavetavetany,

Jeremia 11:11

Noho izany, izao no lazain’i Iaveh: «Indro Aho hahatonga loza aminy, tsy ho azony idifiana. Ka na hitaraina amiko aza izy, tsy hohenoiko akory.

Jeremia 11:14

Ary ianao, aza mifona ho an’ity firenena ity, na manandra-pitarainana amam-bavaka ho azy; fa tsy hihaino azy akory Aho, raha avy izay hitarainany Amiko, amin’ny andron’ny fahoriany.

Jeremia 14:12

Rehefa hifady hanina izy, tsy hohenoiko ny fitarainany, rehefa hanolotra sorona dorana amam-panatitra ho ahy izy, tsy hankasitrahiko; fa tiako haripaka izy amin’ny sabatra, ny mosary, sy ny areti-mandringana.»

Jeremia 7:4

Aza matoky ny teny laingan-dry zareo manao hoe: Ity no tempolin’i Iaveh, Tempolin’i Iaveh, Tempolin’i Iaveh!

Fitomaniana 3:44

Nisarona rahona Ianao, tsy hisy hidiran’ny fivavahana.

Ezekiela 8:18

Ary Izaho koa hamely an-katezerana; tsy hiantra ny masoko; tsy hamindra fo Aho; hitaraina mafy eo an-tsofiko izy ireo, kanefa tsy hohenoiko akory.»

Ezekiela 8:6

Ary hoy izy tamiko: «Ry zanak’olona, hitanao va ny ataon’izy ireo, dia izato fahavetavetana lehibe ataon’ny taranak’i Israely eto, mba hanalavirako ny fitoerako masina? Mbola hahita fahavetavetana lehibe hafa koa ianao.»

Hosea 8:13

Ny sorona aterin’izy ireo ho Ahy, dia ny henan’ny zavatra vonoiny sy haniny; tsy ankasitrahin’i Iaveh izany. Hahatsiaro ny helok’izy ireo izy ankehitriny, ka hanasazy ny fahotany: hiverina any Ejipta izy ireo.

Amosa 8:12

Dia hirenireny hatrany amin’ny ranomasina, ka hatrany amin’ny ranomasina izy ireo, hatrany amin’ny avaratra, ka hatrany amin’ny atsinanana; hivezivezy atsỳ arỳ, hitady ny tenin’i Iaveh, nefa tsy hahita izany izy ireo.

Mika 3:4

Hitaraina amin’i Iaveh izy ireo amin’izany, nefa tsy hohenoiny; hafeniny amin’izy ireo ny Tavany amin’izany andro izany, araka ny haratsiana nanaovany ny asany.

Malakia 1:10

Aoka ny iray aminareo, handrindrina ny varavarana ahay, mba tsy handrehetanareo afo foana eo ambonin’ny ôteliko! Tsy mankasitraka anareo velively Aho, hoy i Iavehn’ny tafika; ary ny fanatitra avy amin’ny tananareo tsy misy ankasitrahiko.

Lioka 5:16

Izy kosa anefa amin’izany dia nihataka nankany an’efitra ka nivavaka tao.

Jaona 7:34

Hitady Ahy ianareo, fa tsy hahita, sady tsy azonareo aleha izay itoerako.»