Hosea 4:7 - Baiboly Katolika

⁷ Izy rehetra, na firy na firy, samy nanota tamiko; ka dia hampodiko ho henatra ny voninahiny.

Baiboly Protestanta Malagasy 2011

⁷ Arakaraka ny nitomboany no nanotany Tamiko ka hampodiko ho henatra kosa ny voninahiny.

DIEM PROTESTANTA

⁷ Arakaraka ny nahabetsaka ny mpisorona no vao mainka nanotany tamiko; ka dia hampodiko ho henatra ny voninahiny.

Dikateny Iombonana Eto Madagasikara

⁷ Arakaraka ny nahabetsaka ny mpisorona no vao mainka nanotany tamiko; ka dia hampodiko ho henatra ny voninahiny.

Baiboly Protestanta Malagasy

⁷ Araka ny nitomboany no nanotany tamiko, Ka dia hampodiko ho henatra kosa ny voninahiny.

Malagasy Bible

⁷ Araka ny nitomboany no nanotany tamiko, ka dia hampodiko ho henatra kosa ny voninahiny.

La Bible en Malgache

⁷ Arakaraka ny nitomboany no nanotany Tamiko ka hampodiko ho henatra kosa ny voninahiny.

Hosea 4:7 Rohy Ifampitohizana

Ezra 9:7

Hatramin’ny andron’ny razanay ka mandrak’androany, dia efa meloka loza erỳ izahay; ary noho ny helokay ihany no nanolorana anay mbamin’ny mpanjakanay sy ny mpisoronay, ho eo an-tanan’ny mpanjakan’ny tany hafa, ho matin-tsabatra, ho babo, horobaina, ary hangaihay tahaka ny amin’izao anio izao.

Hosea 10:1

Voaloboka mirobona erỳ i Israely, efa mavesatry ny voany. Araka ny habetsahan’ny voany no ampitomboany ny ôteliny; araka ny hatsaran’ny taniny, no hatsaran’ny tsangam-bato nataony.

Hosea 10:6

Hoentina any Asiria koa izy, hatao fanatitra ho an’ny mpanjaka mpamaly; ho azon’ny henatra i Efraima, hangaihay noho ny hevitra voakasany i Israely.

Hosea 13:14

Hanafaka azy amin’ny herin’ny Seoly Aho, hanavotra azy amin’ny fahafatesana. Ry fahafatesana ô, aiza ny aretina fandripahanao? Ry Seoly ô, aiza ny fandringananao? Miafina amin’ny masoko ny nenina.

Hosea 13:6

Nony nahazo hanina izy ireo, dia nivoky; nivoky izy ka nisondrotra ny fony; ka izany no nanadinoany Ahy.

Hosea 4:10

Hihinana izy fa tsy ho voky; hijangajanga fa tsy hitombo; satria efa nahafoy an’i Iaveh, tsy hanompoany Azy izy.

Hosea 5:1

Mandrenesa izao, ry mpisorona; mihainoa tsara, ry taranak’i Israely; manongilàna sofina, ry taranaky ny mpanjaka; fa ianareo no hamoahana ny teny fitsarana, satria ianareo no efa fandrika tao Masfà sy fandrika harato voavelatra ao ambonin’i Tabôra.

Hosea 6:9

Mova tsy ny andian-jiolahy manao otrika, ny andia-mpisorona mamono olona, eo amin’ny lalana mankany Sikema; fa mahavita heloka be vava izy ireo.

Hosea 9:11

Nihelina toy ny voromanidina, ny voninahitr’i Efraima; tsy hisy intsony ny hiteraka na hanana anaka, na hotorontoronina.

Habakoka 2:16

Henatra no nivokisanao fa tsy voninahitra; misotroa koa ianao, ka asehoy ny tsy mahavoafora anao; havadika hirotsaka aminao ny kapoaka ao an-tanana ankavanan’i Iaveh; ho sarona fahafaham-baraka ny voninahitrao.

Malakia 2:9

Koa Izaho kosa, dia efa nahatonga anareo ho faniratsira sy tsinontsinona eo imason’ny vahoaka rehetra, satria tsy nitandrina ny lalako ianareo, sady mizaha tavan’olona amin’ny fampiharana ny lalàna.

Deoteronomia 32:15

Kanjo nihanatavy i Jesoròna ka nibohy; - eny efa tonga matavy sy botrefona ary dongadonga ianao, ka dia nahafoy ny Andriamanitra izay nanao azy sy naniratsira ny Vatolampy famonjena azy.

Filipiana 3:19

Fahaverezana no hiafaran’ireny, fa ny kibony no andriamaniny, ny tokony hampahamenatra azy no ireharehany, ny zavatry ny tany no hany ankamamîny.

1Samoela 2:30

Noho izany, izao no tenin’i Iaveh Andriamanitr’i Israely: Fa efa voalazako fa ny taranakao sy ny tarana-drainao no handeha eo anatrehako mandrakizay; nefa ankehitriny, aza ho toy izany intsony, hoy i Iaveh. Fa izay manaja Ahy no hohajaiko, ary izay maniratsira Ahy no hotsiratsiraiko koa.