Hosea 3:2 - Baiboly Katolika

² Novidiko sikla volafotsy 15 sy orja iray homera, ary orja iray leteka, izy;

Baiboly Protestanta Malagasy 2011

² Dia novidiko sekela volafotsy dimy amby folo sy varimbazaha iray homera sy tapany izy.

DIEM PROTESTANTA

² Koa novidiko sekela volafotsy dimy ambin’ny folo sy ôrza enin-jato litatra ny vadiko.

Dikateny Iombonana Eto Madagasikara

² Koa novidiko sekela volafotsy dimy ambin’ny folo sy ôrza enin-jato litatra ny vadiko.

Baiboly Protestanta Malagasy

² Ka dia novidiko sekely volafotsy dimy ambin’ny folo sy vary hordea homera iray sy tapany izy.

Malagasy Bible

² Ka dia novidiko sekely volafotsy dimy ambin'ny folo sy vary hordea homera iray sy tapany izy.

La Bible en Malgache

² Dia novidiko sekela volafotsy dimy amby folo sy varimbazaha iray homera sy tapany izy.

Hosea 3:2 Rohy Ifampitohizana

Genesisy 31:41

Roapolo taona izao no nitoerako tao an-tranonao: ny efatra ambin’ny folo taona, nanompoako anao, hahazoako azy mirahavavy zanakao; ny enin-taona kosa, hahazoako tamin’ny biby fiompinao; ary ny karamako efa navadikao impolo.

Genesisy 34:12

na harem-be asainareo haloako, na fanomezana be vava, izay tononinareo homeko avokoa, fa omeo ho vadiko ny zazavavy.»

Eksodosy 22:17

Ary raha lavin-drainy ny hanambadiany azy, dia ny vola fanome amin’ny zazavavy virjiny no haloany».

Isaia 5:10

Fa ny tanimboaloboka telon-jato aza tsy hahavokatra afa-tsy iray bata, ny voan-javatra iray homera tsy hahavokatra afa-tsy iray efah.

Ezekiela 45:11

Hitovy fatra ny efah sy ny bata, ka ny efah dia ho ampahafolon’ny homera, ary ny bata ho ampahafolon’ny homera; ny homera no hangalana fatra azy. Ho roapolo gerah ny sikla.

Hosea 3:3

dia hoy Aho taminy: «Ianao hijanona eo, ho Ahy, mandritra ny andro maro; tsy hijangajanga, tsy ho an’ny lehilahy hafa ianao; ary Izaho koa hanao torak’izany aminao.

Levitikosy 27:16

«Raha misy olona manokana ho an’i Iaveh ny sasany amin’ny zara taniny, dia ho araka ny voa famafy aminy no hanombananao azy, ka volafotsy dimampolo sikla no hanombananao ny tany mifafy orja iray gômera.

Rota 4:10

lasako miaraka amin’izany koa ho vadiko i Rota Moabita, vadin’i Mahalôna, mba hamelo-maso ny anaran’ny maty eo amin’ny lovany, ary mba tsy ho faty eo amin’ny rahalahiny sy eo am-bavahadin’ny fonenany ny anaran’ny maty. Ianareo no vavolombelon’izany androany.»

1Samoela 18:25

Dia hoy i Saola: «Izao no holazainareo amin’i Davida: ‹Tsy mila zavatra akory ho vodiondry ny mpanjaka, fa hodi-tsy miforan’ny Filistinina zato lahy, mba ho voavaly faty ny fahavalon’ny mpanjaka.› » Ny hisamboran’ny tanan’i Filistinina an’i Davida no nampoizin’i Saola tamin’izany.